اسئله واجابات عن تقليل الاغتراب

[محمد شعبان سعد]

1-مثلا انا جالى هنسه اسكندريه وعاوز اروح هندسه حلوان يعنى فى النطاق الجغرافى بتاعى اعمل ايه!
-انته اولا بتستنى نتيجه التنسيق للمراحل التلاته وبعدين بيظهر حاجه اسمها التحويل الاكترونى بس ده بيبقى فى حوالى درجه او درجه ونص بالكتير
2-طيب انا جالى صيدله وعاوز احول لطب اسنان او اى كليه ينفع !
-اقولك اه ينفع عن طريق التحويل الاكترونى بس يكون درجتك جايبه درجه الكليه مش درجه الحد الادنى يعنى مثلا انا جالى صيدله بنها وعاوز اروح طب بنها بس مجموعى يجيب الحد الادنى للطب ينفع اقوله لا انته بس فى التحويل الاكترونى بتحول للكليه اللى انته جايب درجتها او اقل منها بدرجه يعنى تدخل طب اسيوط مثلا اللى انته جيبته
3-طيب انا عاوز احول من الكليه بس متقبلتيش فى التحويل الاكترونى اعمل ايه !
- فى حاجه اسمها التحويل الورقى وهو بيظهر بعد التحويل الاكترونى باسبوع ونتيجته بعد الدراسه باسبوع او اكتر وهو عباره عن 1- دفع 200 جنيه فقط
2- وصل نور او كهربا للبيت بس من 6شهور
3- ورقه رغبات ودى بتكتب فيها سبب التحويل غير صوره من البطاقه
4- بعد الدراسه ياه طيب ممكن متقبلشى فى التحويل الاكتروتى !
- اقولك لا طبعا لانك بتدفع فلوس والسنه اللى فاتت واللى قبلها قبلوا كل الناس وانا عارف ان انتم الوقتى بتبقوا بتشككوا فى اى حاجه وبتخافوا من اى حاجه
5- طيب اقدم ورقى فى الكليه اللى جاتلى ولا استنى لغايه ما االتحويل الورقى يظهر !
- لا انته متقدمشى فى االكليه اللى جاتلك واستنى لغايه التحويل الورقى لانك لما تتقبل فى التنسيق الورقى وانته مقدم فى الكليه اللى جاتلك فانته بقيت فى كليتين وبتضر انك تسحب ورقك بنفسك من احد كليات وتضر انك تستنى المصاريف اللى انته دفعتها وغالبا انك بتستردها بعد طلوع الروح
6- طيب ايه حجايه التبرعات !
هى افتكاسه ظهرت السنه اللى فاتت فى جامعه اسكندريه والقاهره حيث اشترت انك تدفع تبرعات فى حدود خمس تلاف علشان تتقبل فى التحويل الاكترونى بس اتقبل كل اللى دفع او مدفعشى
7-طيب التنسيق الورقى ده بيتعمل فين !
- التنسيق الورقى ده بيتعمل فى الجامعه اللى انته عاوز تروحها يعنى لو عاوز تروح طب المنصوره فانته بتروح جامعه المنصوره وتسال عن مركز التنسيق المجمع او الحساب العلمى او المركز الحساب حسب المسمى فى كل جامعه وبيبقى فى جامعه المنصوره فى شارع الجلاء امام مساكن الطالبات
فى اخر الموضوع اتمنى لكل واحد انه يهدى طالما انته جيبت الحد الادنى بتاع الكليه اللى انته عاوزه فاعرف انك هاتدخلها والموضوع ده كان خلاصه تجربتى بتاعت السنه اللى فاتت حيث كنت جيبت هندسه الزقازيق وكنت عاوز هندسه المنصوره وكنت عاوز هندسه المنصوره بس شوفت الامرين فى التحويل ده
وشكرا للاستماع للنصيحه المتواضعه دى