بعد القبول فى الكلية

[mezo70]

الحمد لله اقبلت سياحة وفنادق جامعة حلوان دلوقتى بعد ما اخد الاوراق المطلوبة للتقديم هل التقديم فى المنيل ولا فى جامعة حلوان بعين حلوان تانى حاجة هدفع المصاريف فى نفس اليوم ولا اول السنة و الكشف الطبى بيبقى امتى و عاوز اعرف مصاريف قسم دراسات سياحية عربى ومصاريف قسم ادارة فنادق وجزاكم الله كل الخير

[actavious_]

طيب ما تقولى ايه هى الاوراق اللى هتاخدها دى ؟؟ اخوك مش عارف حاجة انا كنت ناوى ع السن وطارت منى على درجة ، ساعدنى ربنا يكرمك =(

[mezo70]

1/ بطاقة الترشيح
2/ استمارة النجاح
3/عدد 6 صور شخصية
4/ شهادة الميلاد الاصلية
5/ نموذج 2 جند للطلاب الذكور
6/شهادة التفوق الرياضى ان وجد

[ايمان هارون]

الف مبروووووووووك يا حبايبى يارب ربنا يسعدكم كلكم دايما بس ياجميل انتة انزل اسال ف الكلية التقديم امتى عموما هو بيبداء ف نص 8 او اول 8 والمصاريف بتدفعها اول اليوم ومصاري دراسات سياحة او فنادق عربى مش هتعلا عن 300 جنية وهتعمل الكشف الطبى ف يومها مش مضلع يعنى الكشف الطبى بيتفرج عليك وبيبوص ف بوقك وقول حاحا ههههههههه انا بضحك معاك بس هو فعلا الكشف بسيط اوى وهتنجح وهتبقا مقبول وابقا عرفنى عليك ام تروح الكلية بقا اى حاجة تانية انا ف الخدمة بس انزل اسال ف الكلية التقديم امتى الاول لان التقديم بيتاخر شوية

[actavious_]

طيب ما تقولولى ايه نموذج 2جند دا ؟؟ اجيبه م البوسطة يعنى ولا ايه ؟ d:

[ايمان هارون]

لالالالالالالالالالالالا بصراحة انا معرفش البتاع دة بيتجاب منين بس انا اعرف انو مهم اوى ليكم عشان الجيش حاجة زى كدة يارب حد يفيدك