هل يجوز قانونا أن أقدم لدبلوم صناعى وانا فى الجامعة ؟

[eslam alsenosi]

السلام عليكم

لو سمحتوا انا كنت عايز اقم لدبلوم صنايع (3 سنوات) بس انا معايا اعدادية من 2006 ودلوقتى انا فى الجامعة ورحت سألت فى المدرسة قالولى هتبقى (عمال) يعنى زى المنازل كدة
وهدفع 300 جنيه فى السنة

بس انا كنت عايز اعرف هتبقى الشهادة زى العادى ولا لا وهل هيدونى كتب ولا لا
وايه نظام الإمتحانات فى العملى وانا اصلا لا يحق لى الحضور

يا ريت حد يرد عليا بالله عليكم
ولكم جزيل الشكر

[مستر عبدالناصر]

يتم التعامل مثل الطالب العادى

[NAGLAAEBRAHIM]

وعليكم السلاك ورحمة الله وبركاته
( أنا كنت ف ثانوية عامة )
علي فكرة أنا ف نظام العمال ده وبجد ربنا يكون ف عونا
لإننا ممنوع نحضر غير أيام العملي وممنوع ناخد كتب
وبنفضل ندور علي آي حاجة نذاكر بيها للمنهج
وبالنسبة للتقديم ممكن عادي أنا معايا زميلة ف كلية آداب آخر سنة وقدمت وبتيجي ع الإمتحانات فقط

[winniethepooh]

انا قدمت امبارح و نصيحه سيبك من اى حد يحبطك او يقلل عزيمتك حتى لو موظفين شئون الطلبه والادارات نفسهم قالولك مافيش كليات ليكم ومعرفش ايه سيبك منهم بردو لانك هتسمع كل التعليقات وكل الافتاءات ومتمشيش ورا كلامهم اتوكل على الله والحق قدم قبل شهر 10 مايخلص عشان تحضير الورق بيحتاج شويه لف وهتدفع 305 و 4 صور شخصيه وبيان نجاح الاعداديه و هتملى طلب و شهادة ميلادك و صوره بطاقتك وملف من الابيض الكرتون وعليه ختم وامضاء وتأشيره استيفاء من موظفين الاداره بتوع التعليم الفنى وبعدها تاخد ال3 سنين بتحضر العملى بس بمنتهى الصبر و لما تخلصهم يبقا معاك دبلوم يا تكمل كليه او معهد ياتشتغل بيه زيك زى اى طالب عادى

[miss_walaa]

ليه ممنوع ناخد الكتب انا سألت فى المديرية و قالولى ممكن اخد الكتب من المدرسة عادى

[محمودعماره2]

لك الحق أن تتقدم علي نظام العمال وتدفع الرسوم المقررة ومن حقك حضور العملي وحضور نظام محاضرات للنظري والمعامل لجميع الطلبة العمال وليس من حقك استلام كتب لأن الكتب للطالب المنتظم