هام للغابة لكل طالب ( القاهرة و عين شمس )

[po11122]

بسم الله الرحمن الرحيم

تنوية هام جداً- بالنسبة لقصة الكلينكال- لكل طالب داخل اولى صيدلة سواء من طلاب القاهرة او عين شمس

انا نزلت صيدلة عين شمس و نزلت صيدلة القاهرة و الموضوع كالاتى :

اولا احب اقول ان المعلومات ديه ممكن تكون مش صحيحة بس هو ده اللى قدرت اجمعه من الناس اللى هناك

كلية صيدلة عين شمس مش فيها نظام الكلينكال من الاصل و لكن نظام الكرديت اللى فيها عبارة عن ( تصنيع دوائى و مواد تانى ) و الكرديت اللى فيها مفهوش كلينكال لانها اصلاً العادى بتاعها فيه مواد كلينكال لكن طبعاً مش كاملة زى الكلينكال المنفصل
معنى كده ان كلينكال جامعة عين شمس مجانى لانه بيدرس مع العادى و لكن لايعتبر كلينكال !
لانها ليست جميع مواد كلينكال

نظام الكرديت فى جامعة عين شمس بــ 12 الف جنية فى السنة

و برده بقول تانى لا يعتبر كلينكال

ملحوظة فى بعض الطلاب قالولى ان فى بعض خارجين من الدامعة نظام كلينكال لم يحصولوا على شهادة الساعات المعتمدة حتى الان و كل ده كلام فى الهوا مع ملاحظة ان ده كلام طلاب ام الكلام اللى فوق ده من الادارة و مكتب الساعات المعتمدة فى الكلية

بالنسبة لصيدلة القاهرة العادى فيها لا ياخذ مواد كلينكال لا من قريب ولا من بعيد

و فيها نظام كلينكال خاص ده بيدرسوا فيه مواد كلينكال فعلياً و اعتقد من كلام الناس يوحى بأن المواد بيكون فيها بتوسع اكتر بالنسبة للكلينكال

و المصاريف بالنسبة لكلنيكال القاهرة 13 الف جنيه ممكن تدفع 6500 الترم الاول فى الاخر

و مثلهم فى نهاية الترم الثانى ايضاً

مع ملاحظة انى قبلت 2 من خريجى الجامعة نظام الكلينكال و قالوا لى ان صيدلة القاهرة هى الوحيدة التى بتدرس كلينكال حتى الجامعات الخاصة لا تدرس الكلينكال بشكل كامل مثل صيدلة القاهرة - ده كلامهم -

فى النهاية الكلام ده قلب الموازين تماماً اعتقد فقد كنت اعرف ان جامعة عين شمس هى الافضل و لكن بعد هذا الكلام اعتقد ان جامعة القاهرة هى الافضل رأى شخصى

اتمنى اكون ساعدتكم و اعطيت صورة حقيقية عن الامر حسب كلام الناس اللى فى الجامعات مرة تانى بقول مش من عندى

و اتمنى من اى حد يدخل يكون عنده معلومة يأكد على المعلومات ديه او ينفيها و يعدلها

و ربنا يوفق الجميع

و كل عام و اتنم بخير و مصر كلها بألف خير

[g_boy19942000]

ممكن بعد ما تخلص دراسة فى صيدلة عين شمس تعمل دبلومة و بى الف جنية فقط و لمدة سنتين او سنة و تاخدى دبلومة فى الاكلينيكل و دية احسن من اى حاجة و من الشهادة اللى هتاخدها من القاهرة و بتاخد الاكلينيكل اكمل من القاهرة كمان و الله اعلم بقى انا معرفش بس دة اللى وصلى

[جعلونى صيدلانية]

طب ايه مميزاته عن صيدلة العادية ؟؟

[noor94]

بس على فكرة انا سألت طلبه في جينيرال و طلبه كلينيكال و سألنا في ادارة الكلية .. ده غير ان في ناس زمايلى تكلموا مع الدكاترة و كلهم اجمعوا على ان الدبلومة مش زى ما تبقى داخل من الاول كلينيكال و في الشغل بتبقى الافضلية طبعا للمتخصص كلينيكال من البداية ده غير ان الدبلومة دى دلوقتى ما بين 20 الف جنية و 30 الف جنية فأكيد بعد 5 سنين هتزيد عن كده بكتير

[babagamil]

انا معاكى تمام يادكتور نور

[كريم388]

المشاركة الأصلية كتبت بواسطة babagamil

انا معاكى تمام يادكتور نور

ازيك ياصيدلى

[محمد السيد الحلم]

السلم عليكم ورحمة الله وركاته
بالنسبة لنظام الكلينيكال في الاسكندرية
انا سئلت في الادارة وسئلت معيدين
وعرفت والله أعلم الكلام ده صح أم لا
الدراسة بتكون بتوسع شوية وبتكون الدفعة في حدود 150 طالب ودخولهم بيكون باختبارات باللغة الانجليزية في الاحياء والفيزياء والكمياياء والانجليزي بتوع الثانوي والختبارات في موضوعات معينة مش المنهج كله حددتها الكلية
المصاريف 6000 لكل ترم والدراسة فيها بنظام الساعات المعتمدة
وتقريبا في زيادة في المصاريف كل سنة 10% يعني حوالي 600
و سمعت ان الصيدلي الاكلينكي بيشتغل في المستشفيات ويكون مسئول عن تحديد الجرعات العلاجية لمرضى العمليات والله أعلم
وفي كلية الصيدلة بالاسكندرية ممكن لما تخلص الخمس سنسن العادي تحضر دبلومة تعادل الماجيستير في الكلينيكال مدتها سنتين أو سنة ونصف ودي تقريبا بعد سنة من التخرج وتقريبا تشرط العمل في مستشفى حكومة أو خاص
هذا والله اعلم
و ادعولنا بالتوفيق
يا رب وفقنا جميعا يا رب
دكتور . محمد
صيدلة عادي الاسكندرية

[محمد السيد الحلم]

على فكرة ان الكلام ال عقوله من لسان معيد والله العظيم ان الطالب ال بيحضر دراسات أفضل
وده بخصوص الكلينيكال
أنا كنت في ألأول محتار بس الحمد لله وربنا يحفظنا صليت استخارة وتوكلت على العادي
وبعدين يا دكاترة فيه دراسات عليا كتير غير الكلينيكال يعني فيه تقريبا في صناعة العقاقير و في دراسات تانية غيره
وانا في رأيي أن ماجستير صناعة العقاقير أفضل لأانه مع تخصصنا الأساسي في الصيدلة وعيسعدنا نشتغل في شركات ومصانع الادوية بكل سهولة وده رأيي والله أعلم
وتوكلوا على الله وصلوا استخارة
دكتور . محمد
صيدلة عادي الاسكندرية

[tiger2005]

يا جماعه انا صيدلة كلينيكال لسة داخل في سنة اولي وحقيقي الدراسة صعبة جدا بناخد مواد اصعب من صيدلة عادي وكميات مهولة من المعلومات واختبارات في نهاية كل سكشن داخلة في المجموع بتاع المادة حاجة عذاب