مش نبي

بكري راشد يحيا · #1 18-08-2012, 01:53 AM

علشان خطاك
دايما تكون زى الشموس
تسقى البراح ضيق النفوس
للجعانين تبقا الغموس
وتنبت الروح الخراب
ورد وامل
وان ده حصل
يبقا مهوش حقك تعيش
بين البشر
انت بشر
حقك تكون بين البينين
تغلط وتبكى الدمعتين
تتعلم الدرس المتين
من غلطتك
تفهم ترمم سكتك
تقفل بيبا ن
تفتح بيبان
تبنى الايمان
اللى انكسر
فبلاش0000
لا جلد الذات بيجيب
ولا عمره بييه واحد وصل

بكري راشد يحيا · #2 18-08-2012, 01:55 AM

يا معونة
بيكى بيساومونا
وبعزك ،وهناكى

طالعين بيذلونا
ميت لعنة ورا لعنة
دى فلوسكم ملعونة
باعتين لينا دولارتكم
وبناتكم ،وولادكم
بسمومهم يندسوا
وفى الحيطة يشطونا

طب طز فى معونتكم
بلا وكسه بلا خيبة
دى معونة حضراتكم
فى حياتنا اكبر عيبة
من ساعة ما اتعملت
لعنتنا الملعونة

وياريت لو حضراتكم
فى حالنا تسيبونا
وتبطلوا حركاتكم
وتخفوا كرماتكم
حتكونوا خدمتونا
وبناقص معونتكم
يلعنها الملعونة