|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
|
|
أدوات الموضوع | انواع عرض الموضوع |
|
#1
22-08-2012, 05:08 AM
|
||||
|
||||
لسه النظام ماسقطش ( الابنودى )
لسه النظام ما سقطش
لا هو انت فاكر الزمن تانى يعود للخلف؟! لاهو انت فاكرها ترجع او تفوت الصف؟! جربتو اولادها ما بين قتل وما بين خطف شايله حمول التاريخ كتفها اللى ما كل والشعب شوفته بعينك فى الصبر مالوش حل تفتكره مات بين ايديك وتقوله "يا ريت ولعل" ويذلو فيه اللئام ابدا ما يوم ينذل انتو شربتو العسل ..وهو شرب الخل عاوزين تخونوه خونوه ..انا بس بأحذر دى مصر يا ابا..دى مصر اللى ما حواهاش وصف!! واللعب داير كما هوه.. كأنه مفيش.. ليلة ميلاد اللهب..ليلة نزول الجيش. لسه الاباطره فوق دايسين على الحرافيش. لسه الضمير متقسم..وبره غير جوه واللعب داير يا صاحبى زى ما هوه الباطل اللى ضعف..قوى وزاد قوه لسه عيونه مراقبانى انا وهوه واخدنى على مركبه..يرمينى فى النوه الثوره فين زى ما تكون الشموس ساحت والغدر زاحف على ابن البلد بشويش. افتح لهم باب سجونك..يسقط السجان واطلق شباب خذلتهم فى الضهر م الميدان وافلح فى السجن اللى خان ..عندك فلان وفلان من يقلع الزرع من حوضه.. يموت فى الايد قول للى سرقو الامل وسرقو لبس العيد تانى السجون والحديد؟ فادكم بايه الحديد؟ هل وقف ثوره ولا عطل المواعيد؟ نكسر القيد ونصحى نلاقى نفس القيد عاوزين سياسه جريئه وواضحه زى الشمس معانا فى الثوره ولا نغير العنوان والا اللى كانو دلاديل فى ديول الاسياد جايين يطفو الفرح ويقتلو الامجاد لشباب دفعو التمن..طوابير الاستشهاد لا هو انتو بالاجر جايين تقتلو الثوره؟ هى دى شئ يتقتل يا هبل بمؤامره؟ والا دى نيران فى بوص تطفوها بالاجره؟ مين الغبى اللى جمعكو وسوق الفكره؟ لازم تخونو الوطن وتقتلوا بكره عصابات خيانة الوطن وتقتلو بكره عصابات خيانة الوطن ولائها لاسيادها واحنا الولاء للوطن..فى الحزن والاعياد! شوف الجحافل تعافر..قصدها.. ترجع من بعد فشل(الدخان.. والميه..والمدفع) ويا بلطجى..ويا عواطلى..اطلبو ..ندفع مش مال ابوهم..ده مال اهلى ومال اهلك. نهبو سنين اهلنا..واهلنا تهلك. قالو عليهم فلول..كداب مين قالك لأ جيش ومتنظمين لابد وناويين لك بينامو بعدك..وبيصحو يرتبو قبلك دول عندهم مال واتباع ..عندهم خبره يمكن فى سوق الخساسه الخبره اليوم..تنفع!! ياللى حاكمنى..ما صدقت انى صدقتك يومها احميت بى..وانا اتداريت فى دبابتك وفرحت غنيت هتفت وطيرت..وكتبتك!! الثوره دى ثورتى.. سنابلها من خيرى.. وانت فى ساعة الحوار تخلطنى مع غيرى ريحك مصره..اتوه فى السرب عن طيرى جايين سوا تسرقو ميدانى.. وتحريرى وبيك..بغيرك..حقول يا مركبى سيرى شعللنا احنا الوطن وغيرنا بيطفوه زنادى-صدقنى-مش محتاج لسبابتك!! ضاعت معالم قصيده..لسه ما اتكتبتش. واغانى لون الصباح البكر..ما اتغنتش.. وسكك لبكره فى ضل الثوره...ما اتسلكتش ليه عندى احساس رهيب بأديكو فى جيوبى. دخلت اصلى..وجيت مالقيتش مركوبى... تتجاهلو حسناتى..تتعاملو مع عيوبى وكأنما الثوره..اكبر ذنب فى ذنوبى؟ وانا ثورتى وجهتى.. فى شروقى وغروبى دى رجعتى شروق وبروق وصحبة ورد لكن ورودها على أعوادها.. ما اتقطفتش!! سامحينى يا ام الشهيد..ما جبتلوش حقه.. أبنك-عريسنا-اندفن ورصاصته فى حلقه والرب عارف وشايف ما جرى لخلقه!!. ابنك شهيدى..خلق عيدى..ورحل صامت وزاميله واصلو لحد الغمه ..ما غارت وجات حكومه ورا حكومه تانى وتالت وصب اموره الرهيبه..المجرم الفالت!!. واحنا نصرخ بضعف يشمت الشامت ما فضلش غير صوت وليدك فى الفضا الواسع صرخ فى وش الضلام-ساعة الرحيل-شقه!!. هل كنت عاوز انقلاب واحنا عملنولك؟ رجعنا شرعيتك..وهتفنا لوصولك؟ ما فضلش غير الميدان..عاوز نسيبهولك؟ أظننا عرفنا سكت مصر..وطريقها من بعد طول العطش بل الامل ريقها كان الشهيد رمزها..بريئها وبريقها لو بحرمكم طامى عامى..ما يغرقها فأزاى تفرقها يا عشمان بتفريقها؟ اوعى تقلب اشعارى بعيونك الشك لأ ..اعتبر ده جواب..وانا كتبتولك!!. القصيدة فيديو
__________________
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 08:49 PM.
