قبل ان نفكر فى الثورة

[hussein68]

عفوا زملائى الكرام قبل ان نفكر ان نثور على وضعنا المادى يجب ان نثور على وضعنا الاخلاقى و نتصدى لمافيا الدروس الخصوصية لاننا الان نتمتع بكراهية الشعب لما يتسبب فيه المعلم من معاناة للاسرة فصدقونى اننا اذا ثرنا الان فسوف يثور ضدنا اولياء الامور اما اذا طهرنا انفسنا من آفة الدروس الخصوصية و ثرنا فسوف يثور معنا عندها الشعب كله

[احمد 112233]

بص يا استاذ نا انا كل ما المرتب بتاعى بيزيد بقلل من الدروس لية عشان الدروس بتاخد من صحتى وعافيتى طب ادينى مرتب حلو وانا ح الغى الدروس دى من حياتى تماما يبقى الصح زود المرتبات اولا مش نلغى الدروس اولا

[foash002002]

المشاركة الأصلية كتبت بواسطة hussein68

عفوا زملائى الكرام قبل ان نفكر ان نثور على وضعنا المادى يجب ان نثور على وضعنا الاخلاقى و نتصدى لمافيا الدروس الخصوصية لاننا الان نتمتع بكراهية الشعب لما يتسبب فيه المعلم من معاناة للاسرة فصدقونى اننا اذا ثرنا الان فسوف يثور ضدنا اولياء الامور اما اذا طهرنا انفسنا من آفة الدروس الخصوصية و ثرنا فسوف يثور معنا عندها الشعب كله

ازاي تبقي عايز المريض يخف من المرض ( الدروس الخصوصية ) من غير ما تديلوا العلاج (زيادة المرتبات) يا حسين حضرتك تفكيرك غلط المريض عمره ما هيتخلص من مرضه من غير علاج والعلاج الدولة تعرفه كويس لكن الدولة لسه ماعندهاش نيه انها تقضي علي المرض لكن لو فيه نيه كل حاجة هتبقي تمام والمريض هيبقي معاف اما اباطرة الدروس الخصوصية واللي مش فارقة معاهم المرتب ولا اي زيادة فيه فحلهم الوحيد هو الاستقالة بعد تجريم الدروس الخصوصية لانهم هم السبب في شكل المعلم الحالي وهم معروفين عند كل الناس شكوي بسيطة والموضوع ينتهي

[hussein68]

والله انا اعلم تماما ان هذا الكلام صحيح تماما و لكنى ما اخشاه هو دفع المعلمين للمواجهة مع اولياء الامور و قد حدث فى العام الماضى عندما فكر البعض فى الاضراب عن العمل و الباشا الوزير صرح ان على اولياء الامور التصدى لذلك فما كان من اولياء الامور الا ان اعتدوا على المعلمين و هذا حدث فى سوهاج فلنعترف جميعا ان نظام مبارك بالتضييق علينا و نحن لجأنا للدروس فاصبحنا مثل الشرطة هناك عداء بيننا و بين اولياء الامور و طبعا انا لا اعمم و لكن من تسبب فى ذلك فهم قلة