سؤال بخصوص الدينامو

[الطالب المسلم]

بسم الله الرحمن الرحيم

السلام عليكم ورحمة الله وبركاته


عندي سؤال من شهر يناير تقريبا نفسي افهمه

المفروض فيه سؤال علل بيقول متوسط ق.د.ك المستحثة خلال ربع دورة تساوي متوسط ق.د.ك المستحثة خلال نصف دورة في الدينامو

والمفروض ان الاجابة لانه بتضاعف زمن حركة ملف الدينامو يتضاعف الفيض المقطوع وتبقى النسبة ثابتة

ق.د.ك = عدد اللفات ( 2 الفيض) / 2 الزمن

معلش انا مترجم القانون بالعربي علشان مش عارف اكتب فاي

المهم السؤال بقى

الإجابة مفهومة لكن لما اجي احسبها بالقانون مش هتطلع صح لأن الزمن صحيح هيتضاعف

لكن فاي ام = B .a

B كثافة الفيض المغناطيسي للمغناطيس المستخدم وبتبقى ثابتة

A مساحة الملف وبرده بتبقى ثابتة

لكن الزمن هو الي بيتضاعف فبيبقى الناتج اتغير

حد يقوللي بقى ازاي نستخدم القانون صح علشان يطلع فعلا المتوسط خلال ربع هو المتوسط خلال نص دورة

وإذا أمكن ياريت مثال بس مش مهم يعني

يلا علشان انا صدعتكو

شكرا والسلام عليكم