وزير المالية:لم نعتمد موارد إضافية لتطبيق كادر المعلمين..والميزانية لاتسمح

[الاستاذ احمد الجندى]

نفى ممتاز السعيد، وزير المالية، ما أعلنه الدكتور أحمد الحلوانى نقيب المعلمين، أمس، بشأن وعد الوزارة بتوفير جزء من الـ١٠ مليارات جنيه لتطبيق قانون كادر المعلمين، وزيادة رواتبهم، مؤكدا أن أوضاع الموازنة العامة للدولة لا تسمح بتدبير أى أعباء إضافية فى ظل الأزمة الراهنة.

وقال السعيد: «إذا كانت هناك موارد مالية ذاتية توفرها وزارة التربية والتعليم، من خلال إجراءات ترشيد إنفاق لديها لتحسين ظروف المعلمين، يمكن لنا أن ننظر بعد ذلك فى تلبية المتطلبات النقابية، إذا تحسنت أوضاع الموازنة».
كان الدكتور أحمد الحلوانى قد أعلن، أمس، أن وزارة المالية وعدت بتوفير جزء من الـ١٠ مليارات جنيه اللازمة لتطبيق قانون الكادر للمعلمين يتم تدبيرها من الموازنة الحالية، وتضع الوزارة بمشاركة وزارة التربية والتعليم خطة لتوفير هذا المبلغ المطلوب لتطبيق الكادر لعرضها على رئيس مجلس الوزراء فى اجتماعه الأسبوع المقبل لاعتمادها والإعلان عنها.
فى المقابل، استمرت بعض الحركات التعليمية، منها: نقابة المعلمين المستقلة، واتحاد المعلمين المصريين، والمجلس الوطنى للتعليم، وثورة المعلمين، فى دعوة المدرسين بجميع أنحاء الجمهورية لتنظيم إضراب عام عن العمل، وتنظيم مليونية المعلم يوم ١٠ سبتمبر المقبل، أمام مجلس الوزراء.




http://www.akhbaraltaalim.com/%D8%A7...B3%D9%85%D8%AD

[مسترh]

انهم ياكلون البنجر على السلالم

الجمله دى كانت فى فيلم خللى بالك من جيرانك

كانت لوحه بيسال اسمها ايه قاله انهم ياكلون البنجر

حكومتنا كده بالظبط محدش ليه دعوه بالتانى واحد يعلن والتانى ينفى

يعنى تقدر تقول بيمارسو الديموقراطيه مع بعض

ربنا يخرجنا منها واحنا بعقلنا

[مصطفى1234]

مافيش فايدة
احنا غيرنا شخص ولكن لم نغير السياسات
مازالت الدولة على ماكانت عليه

[احمد طلعت انجليزى]

لازم اضراب شامل عن الدراسة هو داه الحل وبالذات فى العام الدراسة يعنى الاضراب من 15/9 هو داه الحل
غير كده ييبقى عليه العوض فى كل المدرسين ويستاهلوا ياخدوا على دماغهم اذا لم يفيقوا
ايها المعلمون اضراب شامل عن الدراسة

[سعد الشيخ]

المشاركة الأصلية كتبت بواسطة احمد طلعت انجليزى

لازم اضراب شامل عن الدراسة هو داه الحل وبالذات فى العام الدراسة يعنى الاضراب من 15/9 هو داه الحل
غير كده ييبقى عليه العوض فى كل المدرسين ويستاهلوا ياخدوا على دماغهم اذا لم يفيقوا
ايها المعلمون اضراب شامل عن الدراسة

استاذنا ههههههه
كلامك صح ويارب المطبلاتية الأزهرية المزروعين في المواقع يعلمون الحقيقة
المشكلة تلاقي الواحد يكتب مقال ثم يكتب نقيضه في نفس اليوم

[Step By Step]

السنه دي غير اي سنه

احنا صبرنا كتيييييييييييير

ومستعدين نصبر تاني

بس يكون في حسن نيه

لازم زيادة فورية لمرتباتنا قبل الدراسه والا ....