حسبنا الله ونعم الوكيل فى شيخ الازهرومسؤلى مركز التصحيح بالقاهرة

[احمدالفيومى]

حسبنا الله ونعم الوكيل فى شيخ الازهر( الذى تول امر معلمى الازهر وغفل عنهم )* وفى المسؤلين عن مراكز التصحيح فىالقاهرة لقد ذهبنا نحن معلمى اللغة الانجليزية الى التصحيح يوم الجمعة الموافق 7-9 -2012 الى مركز التصحيح الكائن بمعهد الدكتور طلعت النوذجى( لا نموزجى ولا حاجة دة خرابة) وصدمنا عندما وجدنا التكدس والزحام فى اللجان حوالى خمسن مصحح فى كل لجنة المقاعد متهالكة والاتربة فى كل مكان كانك فى خرابة لا يوجد تهوية – مراوح الفصول بدون لامبات كهربة لا اوراق اسئلة ولا نماذج اجابات ولا اقلام حمراء للتصحيح علشان تحصل على قلم احمر لابد ات تبحث عن الموجة ال معه الاقلام الحمراء بالاضافة الى عدم وجود مياة باردة او عادية للشرب واحيانا تقطع المياة عن المعهد اما عن دورات المياة ( الحمامات) فحدث ولا حرج فهى اسوء حمامات اراها فى حياتى فيها ما لا عين رات من القازورات الموجودة فى كل مكان ولا اذن شمت من الروائح الكريه وصنابير المياة تالفة كانك فى احد الخرابات المهجور (. اماكن غير صالحة لتربية الحيواتات والدواجن عندنا فى محافظة الفيوم يعيش الدجاج فى عنابر نظيفة وبها اضاءة جيدة ومراوح لتهوية وسخانات للتدفءة فى الشتاء ) فهل يعقل ان يكون هذا وضع مصححى الشهادة الازهرية واين الاهتمام والتطوير ال بينادى بة شيخ الازهر والمسولين عن الازهر وفى النهاية حسبنا الله فى كل من تولى امر وغفل عنة وغير ذالك الكثير من الاهمال وعندما اعترضنا على ذالك قالوا ال عاوز يلغى جوابة يلغية بكل بجاحة ودون ادنى مراعاة لمشقة السفر منذ الفجر والمعاناة فى الواصلات والبهدلة يوم الجمعة

[كليوباترا مصر]

حسبنا الله ونعم الوكيل فعلا
مهو اللي بيعملوه في المدرسين دا بيطلع على الطلبة في الاخر
كانو بيقولولنا انتو متعرفوش المدرسين بتبقى حالتهم ازاي وهما بيصححو..بيبقو عاوزين يخلصو وخلاص
كتر خيركم بصراحة دلوقتي صدقت الكلام اللي بيتقال
ربنا معاكو ويارب
اولا صوتكم يوصل للمسؤولين
ثانيـــــــــــــــــــــــــــــــــــــــــــا يتخذوا قرار سليــــــــــــــــــــــــــــــــم

[كليوباترا مصر]

بس على فكرة معتقدش ان شيخ الازهر له علاقة بالكلام دا لانه رجل بيراعي ربنا
اكيد في بواقي فساد في الاوهر
بس شيخ الازهر معتقدش
تقبل رأيي ومروري

[الاستاذ مصطفى س]

فما بالك بمركز تصحيح سوهاج والاقصر كذلك زباله الزباله
كل را ع مسئول عن رعيته
منك لله ياشيخ الازهر

[محمد عادل عمر]

والله يا أستاذ حضرتك وباقي المرسين بتشتكو من الموضوع ده وبصراحة عندكو حق
بس المشكلة ان ده بيطلع علينا احنا في الاخر والله يا استاذ احنا مظلوميين جداااااااااا
يعني واحد من الطلاب كنت بقطع نفسي في المذاكرة لدرجة اني كنت بنام عالكتاب وانا بذاكر من كتر المذاكرة وفي الاخر يدولنا دراجات ظلم

[الاستاذ عوض على]

لا حول ولا قوة الا بالله العلى العظيم
وتوجد الكثير من المشكلات عندنا أيضا فى المنصورة

[الاستاذ احمد الجندى]

ربنا يصلح حال الازهر