|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
12-09-2012, 12:49 AM
|
||||
|
||||
معاً لنصرة الرسول عليه الصلاة و السلام
السلام عليكم و رحمة الله و بركاته طبعاً كلنا سمعنا عن الفيلم المسئ للرسول عليه الصلاة و السلام و بجد كلنا مضايقين و مش عارفين نعمل إيه طيب إحنا ممكن نعمل إيه دلوقتي ؟ إحنا لو مثلاً قعدنا نغير صور البروفايلات زي ما كتير عملوا هيبان إن دة خلاص آخرنا نغير صور بروفايلات و مفيش أي حاجة تانية هو كتير بيقولوا دي أقل حاجة نعملها بس أنا شايفة إننا المفروض ما نعملهاش دلوقتي ليه ؟ لإن معظمنا هيحط الصورة دي مؤقتاً و يشيلها بعد كدة يعني إحنا بنبين كإن حبنا للرسول عليه الصلاة و السلام حاجة مؤقتة و دة طبعا مش صحيح تمااااماً طيب هنعمل إيه ؟ أولاً :إحنا نحاول بجد من دلوقتي حاااالاً نقرأ أكتر عن الرسول عليه الصلاة و السلام و نطبق سنته و نتصرف بأخلاق الإسلام الحقيقية اللي لو تصرفنا بيها هنفرض على أي حد إنه يحترمنا ثانياً : كل واحد في مكانه سواء كان طالب كبير أو صغير أو حد في شغله و هكذا لازم يجتهد بجد يعني إحنا هنتعب شوية بس هنثبتلهم إننا أحسن منهم و إنهم غلطوا يوم ما عملوا فيلم زي دة و إننا بتفوقنا دة ما نسمحش لأي حد إنه يهينا بعد كدة أبداً ثالثاً : لازم نشغل عقلنا بقى في كل حاجة دة حتى الإسلام دين التفكير و أهم حاجة في الإسلام إننا نفكر و نتأمل حتى الحاجات الحلال و الحرام لما بنفكر بنلاقي إن دة الصح مش حلال و حرام كدة خلاص من غير تفكير و لما نشغل عقلنا طبعاً مش هيكون في أمور الدين بس لا في كل حاجة و دة هيخلينا علماء هيحترمونا غصب عنهم و كمان إحنا بنبين أكتر إننا مش بنفكر لما حد ييجي يعمل صورة على الفوتوشوب و يقول سبحااااان الله مكتوب " الله " على معرفش إيه و إحنا نصدق بكل سهووووولة و الحاجات دي بتبينلهم إننا مش واثقين في ديننا و كإننا يعني بندور على دليل إن ديننا صح و كويس و دة طبعاً مش صحيح إحنا لازم نثبت العكس و إحنا مش بنعمل كدة علشانهم لا إحنا بنعمل كل دة علشان إحنا المسلمين كدة و الرسول صلى الله عليه و سلم يوم القيامة هيفرح بينا أكيد بإننا بنعمل كل دة علشان ديننا و لما نيجي نسأل نفسنا هما ليه بيعملوا كدة ؟ لإننا إحنا اللي سايبينلهم الفرصة يعني بصراحة إحنا أمة مش بتجتهد و لا بتفكر و لا بتعمل بسنة الرسول صلى الله عليه و سلم فهما شايفينا متخلفين و كمان إرهابيين دة بسبب الناس المتعصبة معلش أنا آسفة إني بقول كدة بس دة اللي بيحصل و هما أكيد بيبصولنا بالشكل دة يعني الأيام اللي بعد الرسول عليه الصلاة و السلام و الناس اللي كانت ملتزمة بجد بسنته و أخلاق الدين لقينا طلع من الوقت دة علماء زي ابن الهيثم و الرازي و أبي الريحان البيروني و ابن سينا و كتيييييييير و كلهم كانت ناس ملتزمة يعني العيب مش من الدين طبعاً زي ما هما شايفين لا العيب مننا إحنا إحنا مش شايلين الرسالة مع إننا الجيل اللي المفروض يوصل رسالة الرسول عليه الصلاة و السلام لإنه قال " بلغوا عني و لو آية " لازم نوصل رسالتنا بالعلم و الاجتهاد و أخلاق الرسول عليه الصلاة و السلام و قبل ما يهينونا هيفكروا مليووووووون مرة و نحاول دلوقتي ما نديهومش اهتمام بالفيلم بتاعهم دة لإننا إحنا كدة اللي بننشره و مش من الإيجابية إننا ننشر دة لا إحنا نحاول بكل الطرق ننصر ديننا بس مش بالطريقة دي أولاً إحنا بنديهم اهتمام ثانياً إحنا بننشر الكلام المسئ عن الرسول صلى الله عليه وسلم عن طريق نشر قصة الفيلم و كفاااااااااااية بقى تأخر لحد كدة و فخر بالأمم الإسلامية السابقة من غير فعل و لا اجتهاد دة في الوقت اللي الدول كلها بتفكر و تخترع و تطور اختراعاتها إحنا قاعدين فاتحين الفيسبوك و التليفزيون على حاجات تافهة و كمان ناس كتير بتقعد تتفرج على المسلسلات التركية اللي بتضيع الوقت دي و إحنا مش حاسين بأي مسئولية و بجد ألف شكر لإخواننا الأقباط على وقوفهم معانا و فعلاً هي دي مصر مسلم + مسيحي = مصر 
|
|
#2
12-09-2012, 01:02 AM
|
||||
|
||||
|
اقل ما فيها الدول الاسلامية تعمل اجتماع طااااااااااااارىء يناقشوا المشكلة ويخدوا قرارات
|
|
#3
12-09-2012, 01:03 AM
|
||||
|
||||
|
اولا اشكر حضرتك ع الموضوع !
بس احب اقول رايي بصراحه ... الناس اللي بتسئ للاسلام فعلا هم اكتر ناس خايفين من المسلمين .. امريكا دي المسلمين فيها بالملايين وكل يوم بيزيدوا !!! خوفهم الاكبر انهم يصحوا يلاقوا امريكا بقت مسلمه ! جايز كلنا خدنا بالنا انه في معارضه لاوباما نفسه لمجرد ان جدته مسلمه ! الناس دول بيستغربوا ازاي بعد مرووور السنين دي كلها علي وفاه النبي عليه افضل الصلاه والسلام والصحابه وكلهم .. احنا لسه متمسكين بديننا .. اه فعلا مش باين عالينا لكن وقت الجد هيبان اننا بنغيير علي دديننا اوي .,مادام الروح دي موجوده يبقي الحل موجود يكفينا فخرا انه الافلام والصور دي هي اللي هتخلي اصحاب العقول من عندهم ومن دول تانيه يبحثوا ويدورا عن اصل الاسلام ومش بعيد تبقي سبب ف اسلامهم كمان ! يعني ربنا اللي خلق رسوله هو اللي هيدافع عنه ... مش شرط الدفع ده يبقي ظاهر لينا لكن لازم نبقي واثقين منه ! والنبي نفسه لو كان بيننا كان سامحهم ... سيدنا محمد سا مح اهل مكه بعد ما طلعوه منها وهو دامي القدمين ! هنيجي احنا ونخالف تعاليميه ! لا انا بقول نسامحهم لا ن رسولنا اسمي من كده مش شويه صور وافلام هتهزنا! وزي ما حضرتك قولتي ف الاول الرد لازم بيقي عملي
|
|
#4
12-09-2012, 01:13 AM
|
||||
|
||||
|
اقتباس:
دة حقنا و دي إهانة لينا و مع دة نبدأ نشتغل اقتباس:
و إحنا بقى خلااااص نبدأ نشتغل بجد و نجتهد و نبطل موضوع إننا نفخر بالأمم بتاعتنا السابقة و خلاص لإن فيه كتير مننا بيفخروا بعهد الرسول صلى الله عليه و سلم و العهد اللي بعده أيام تقدم المسلمين و نبدأ إحنا نبني حضارتنا و تبقى أعظم من أي حاجة قبل كدة و إحنا أحسن منهم لإننا معانا العقل و التفكير زيهم بالظبط و كمان معانا سلاح أقوى هو الإيمان
|
|
#5
12-09-2012, 01:21 AM
|
|||
|
|||
|
اقتباس:
وكلام دكتور نور حلو اوى هدفهم اننا نتنازع مع الاقباط ال هنا وتبقى حرب والاقباط تلجا لامريكا ويحققو هدفهم سمعت واحده مسحيه بتقول عن البابا اايام الكنايس ال تحرقت والتشتت ال حصل ده قالولو نستغيث بامريكا ع ظن منهم اننا السبب ف ال حصلهم قالها وتدخل امرريكا البلد وتحتلها يعنى ال فهمتو ان مش بيفكر ف مصلحه شخصيه لا دى مصلحه عامه تحت مسمى مصر بس نقول اى غير حسبى الله ونعم الوكيل وبكرةنتفرج ونشوف العبر واالوعظ في ال عمل الفيلم ده ربنا يمهل ولا يهمل
__________________
سبحان الله والحمد لله ولا اله الا الله والله اكبر محمد نبينا ادعولى ان ربنا يوفقنى   http://www.htoof.com/2mintes.html
|
|
#6
12-09-2012, 01:25 AM
|
||||
|
||||
|
اقتباس:
كلامك صح عندك حق و فعلاً ربنا يمهل و لا يهمل و هنشوف الي عمل الفيلم هيحصله إيه و هنشوف إن شاء الله ندمهم على إنهم أهانونا في يوم من الأيام
|
|
#7
12-09-2012, 01:26 AM
|
||||
|
||||
|
الصهيونية والماسونية ده فكر واعتقاد شااااااااااامل لدى الغرب وفى السنوات الاخيرة بدءوا ينفذوا الخطوط العريضة لتحقيق الهدف الاسمى وهو ضرب نبض العروبة ((مصر))
|
|
#8
12-09-2012, 01:34 AM
|
||||
|
||||
|
اقتباس:
الاقباط هم اول ناس بيدافعوا عننا واحنا بنعاملهم بالمثل !! لكن الخيانه موجوده ف كل مكان ... زي ما في ناس تحت مسمي مسلمين بيثيروا الفتن دي .. للاسف في ناس تحت مسمي مسيحين برده بيعملوا نفس الشيئ ! يعني صعب ينزعوا الطيبه من قلوب المصريين اي كانت الديانه ! صعب يبنزعوا الوطنيه ... وزيها الاخوه والتألف !! وبرده ربنا ينتقم من اللي بيعملوا كده !
|
|
#9
12-09-2012, 01:37 AM
|
||||
|
||||
|
اقتباس:
هما فعلاً بيحاولوا و يخططوا إحنا لازم نفوق بقى و الأكيد إن ربنا هينصرنا إحنا لإن دي من علامات القيامة بس ياااارب نكون إحنا الجيل اللي هينصر الإسلام و يتصدى للأعداء دول
|
|
#10
12-09-2012, 01:37 AM
|
||||
|
||||
|
تمام جزاكى الله كل خير
|
|
#11
12-09-2012, 01:39 AM
|
||||
|
||||
|
اقتباس:
|
|
#12
12-09-2012, 01:40 AM
|
||||
|
||||
|
يا بنات و يا شباب مش عايزين الموضوع مؤقت لحظة حماس بس لا عايزين دة يكون هدفنا و نكتبه و نحطه قدامنا على طول و ما ننساهوش أبداً
|
|
#13
12-09-2012, 01:51 AM
|
||||
|
||||
|
اقتباس:
|
|
#14
12-09-2012, 10:14 AM
|
|||
|
|||
|
سبحان الله .. المهم "
أرجوكم اعملوا شيئا " أعينوني بقوة " (1) إن شاء الله سيتم نشر مطوية " لو بتحب رسول الله " وتشتمل على 25 سنة مهجورة لإحياء سنة النبي صلى الله عليه وسلم ، وفور تجهيزها من المصممين سننزلها على الصفحة لمن يريد طباعتها . وإن شاء الله تترجم لأكثر من لغة لنشرها بين المسلمين في بقاع الأرض . (2) أيضا كتيب " عذرا رسول الله " للتعريف بالنبي صلى الله عليه وسلم وبمواقف الصحابة في نصرته ، وواجبنا تجاه النبي صلى الله عليه وسلم . (3) أسطوانات للتعريف بالنبي صلى الله عليه وسلم . (4) أرجو نشر المقاطع التي ستنزل على الصفحة في كل مكان . (5) تفعيل المقاطعة ، مع الضغط السياسي القوي عن طريق الوقفات الاحتجاجية والتظاهرات السلمية في مليونيات حقيقية . يا كل من عنده غيرة : جاهد لصيانة عرض رسول الله (1) جاهد بمجهودك فانضم لفرق العمل الخاصة بحملة " لو بتحب رسول الله " سواء مجهود سيكون في النشر او التوزيع أو التصميم أو عمل المقاطع ....الخ . (2) جاهد بمالك نحتاج دعم مادي كبير لنشر الحملة في كل أرجاء البلاد ، ولاسيما بعد خطب الجمعة ، في النوادي ، في الجامعات مع بداية الموسم الداسي الجديد . حملتنا تهدف لإحياء السنة كرد فعل عملي يثبت أننا حقا أبناء محمد صلى الله عليه وسلم . رقم الحساب : 38684 بنك فيصل فرع غمرة . أو اتصل على : 01099101022 أو بالتواصل المباشر على تليفون الشيخ الدعوي: 01009077040 أو من يريد التواصل مع المطبعة مباشرة يتواصل مع الأخ مصطفى 01122286111 اعمل حاجة ترضي بها رسول الله صلى الله عليه وسلم من صفحة الشيخ هانى حلمى "
__________________
(وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ)
صبراً يا نفسي , معنا الله..صبراً يا نفسي فطريقي من نيران :: إلا الحبيب .. يا عُبَّـاد الصليب ::
|
|
#15
12-09-2012, 11:06 AM
|
||||
|
||||
|
اقتباس:
كلامك صح جداً و لازم نعمله بس المشكلة الناس بتكون في الأول عندها حماس جامد و بعد كدة بتنسى الموضوع يعني مثلاً لما الرسام الدنماركي رسم كاريكاتير مسئ للرسول عليه الصلاة و السلام إيه الي عاملناه ؟ اه قاطعنا منتجاتهم و بدأنا بحماس و كل حاجة لكن بعد كدة ؟ كل اللي عملوه إنهم نشروا إشاعة إن الرسام دة اتحرق و الكلام دة كان غلط و مجرد إشاعة كل اللي بنعمله بيخليهم يستهزئوا بأمتنا أكتر و طبعاً إحنا لازم ننشر سنة الرسول صلى الله عليه وسلم بس بشرطين :- أولاً : إن دة يكون داااائم مش مؤقت ثانياً : إن إحنا نطبقها مش ننشر كلام عن الرسول عليه الصلاة و السلام و سنته و إحنا ما نطبقش أو على الأقل نكون بأخلاق المسلمين الحقيقية اللي تحبب غيرك في دينك لإن معظم الناس لو اديتيهم مطويات و كتيبات و حاجات من دي ممكن ما تقراهاش أصلاً بس أكيد غيرهم بيقروا فإحنا طبعاً لازم نفعل دة بس جنب اجتهادنا و التزامنا بأخلاق الإسلام لإن الرسول صلى الله عليه وسلم مش عايزنا كدة لا هيفرح بينا أكتر لما ننصره و نكوّن دولة متقدمة قوية و بكدة إحنا هنثبت مين هو الرسول عليه الصلاة و السلام و مش هنضيع تعبه في نشر الإسلام و شكراً ليكي
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:47 PM.
