|
||||||
| قضايا سياسية وأخبار مصرية وعربية وعالمية منتدى يختص بعرض كافة الأخبار السياسية والإقتصادية والرياضية في جميع أنحاء العالم |
 |
|
|
أدوات الموضوع | انواع عرض الموضوع |
|
#1
14-10-2012, 05:35 AM
|
||||
|
||||
احنا الجيل اللي اتقال له "امشي جنب الحيط" .. و"خليك في حالك" .. و"الجبن سيد الأخلاق"
احنا الجيل اللي اتقال له "امشي جنب الحيط" .. و"خليك في حالك" .. و"الجبن سيد الأخلاق" .. و"الجري نص الجدعنة" ..
احنا الجيل بتاع "يا راجل كبر مخك" و"خليهم يتسلوا" .. و"عبارة من اللي بتغرق" .. و"رد عليهم إنت يا حسين" .. احنا الجيل اللي كان بيسمع في التاكسي أو الميكروباص الراجل اللي راكب ورا وهو بيكلم اللي جنبه: "يا عم ده جمال باشا مبارك هو اصلح واحد بعد ابوه" .. ده ابن أصول وعايش في القصر الرئاسي وشبعان واللي نعرفه أحسن من اللي منعرفوش .. احنا الجيل اللي كان كل اللي يعرفه عن المحكمة الدستورية قبل الثورة إنها مبنى فخيم في كورنيش المعادي .. وكل اللي يعرفه عن الدستور إن الريس غيره في ٢٠٠٦ .. احنا الجيل اللي اتقال عليه "تافه" .. و"هايف" .. و"بتاع قهاوي" .. و"مش هامه مصلحته" .. احنا الجيل بتاع "فيسبوك" .. و"يوتيوب" .. و"طنيطر" .. جيل "اللايك" و"الشير" و"الريتويت" .. الجيل اللي اتفرج على فيلم "بانديتا" ولبس قناعه في المظاهرات .. وقرأ قصة غاندي وشاف الفيديو على النت .. وكرّم الفريق الشاذلي .. وتضامن مع البطل جمعة الشوان في أزمة مرضه .. احنا الجيل اللي غير صورة بروفايله لما خالد الله يرحمه مات فضحك عليه الناس وقالوا وهو حقه هييجي بتغيير صورة .. ولما نزل وقفة صامتة عشان يعبر عن غضبه سخر الجميع من وقفته وقالوا بقه الحكومة اللي مش هاممها المظاهرات هتخاف من الوقفات الصامتة (طب متعملوها فايبريشن!) .. احنا الجيل اللي حط كل اللي فوق ده في خلاط وقرر ينزل يوم 25 يناير يهتف: عيش - حرية - عدالة اجتماعية بدعوة طلعت من صفحة على فيسبوك .. احنا الجيل اللي قبل الثورة كان بيتقال له: "انتم عالة على البلد" .. ولما اتحركنا قالوا علينا "شباب أهوج وفاسد وعميل وممول هيخرب البلد" .. ولما انتصرنا اتقال علينا من نفس الناس "الورد اللي فتح في جناين البلد" .. احنا الجيل اللي قبل الثورة مكانش حد مصدقه .. والنهاردة وبعد قرب السنتين على الثورة .. عايزين بس نفكركم .. احنا نفس الجيل اللي لسه بيقول لكم .. الثورة مستمرة .. هل يا ترى هتصدقوه؟ الصورة من الوقفة الصمتة الثانية بالملابس السوداء حدادا على مقتل خالد الله يرحمه في يوليو ٢٠١٠ قبل قيام الثورة بستة أشهر 
__________________
|
|
#2
14-10-2012, 06:14 AM
|
||||
|
||||
|
جزاك الله خيرا
بالفعل المصرى دايما مصرى اخى الحبيب بارك الله فيك لخصت الحال فى الفاظ قليلة
|
|
#3
14-10-2012, 12:33 PM
|
||||
|
||||
|
اقتباس:
اخى الفاضل شكرا لمرورك الكريم
__________________
|
|
#4
15-10-2012, 08:32 AM
|
||||
|
||||
|
أستاذى الفاضل
- أنتم الجيل الذى علم المصريين أنه مانيل المطالب بالتمنى - أنتم الجيل الذى علم المصريين أن يثوروا على ظلم صبروا عليه عشرات السنوات ظنا منهم أنه ليس فى الامكان أبدع مما كان - أنتم الجيل الذى يدين له المصريون جميعا بالفضل أنه حرك المياه الراكدة و قام بثورة مجيدة أثارت اعجاب و تقدير العالم كله - أنتم الجيل الذى يستحق أن يتسلم زمام الأمور ليقود هذا البلد الى الأمام - أنتم الجيل المسئول عن انهاء حالة الاستقطاب التى أصبحنا نعانى منها الآن ، لكى يتوحد المجتمع المصرى مرة ثانية حول أهداف واحدة واضحة يتوحد الجميع تحت رايتها اقتباس:
و الثورة مستمرة لحين تحقيق كل مطالب الثورة ، ثورة سلمية تهدف فى المقام الأول الى نشر الوعى و العودة الى المبادئ الأساسية للثورة . جزاك الله خيرا و بارك الله فيك
|
|
#5
15-10-2012, 11:37 AM
|
||||
|
||||
|
اقتباس:
اشكرك من كل قلبى على حسك الثورى ومرورك الكريم
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:49 AM.
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Copyright ©2000 - 2025, Jelsoft Enterprises Ltd.
