الاخوانجيه والدوله الكرتونيه

[Mr.Ahmed EL-hady]

أيام مبارك كان يقولك: ما يعملش كذا وكذا ليه؟؟ ما هو معاه كل مؤسسات الدولة.
ودلوقتي يقولك: ايدك بإيد الريس يا أخي،،، ما تنتظرش منه حاجة بدام ما بتساعدوش!
شيزوفرينيا بامتياز وخلونا نعيش في دولة كرتونية لا تهش و لا تنش

أيام الانتخابات: يقولك انا هنتخب مرسي عشان هعرف انزل الميدان وأعارضه براحتي!!!

احد قادة الاخوان يقول ماذا فعل الشعب لكي يحاسب الرئيس عن ال100 يوم!!!
الشعب اللي غلطان عشان !!


عابدين: من يرغب فى فتح متجره 24 ساعة فعليه تغيير نشاطه الي سياحي!!!

قفل المتاجر الخاصه بالغلابه وفتح الكباريهات 24 ساعه !!!!!!

مبروك علينا الانفجار السكاني بعد تطبيق قرار العاشرة مساء - مصر هاتضلم من الساعة عشرة وهانرجع لايام النكسة وحرب 67 و البلطجية ها تملى الشوارع من بدري بدري ... حكومة فاشله حلولها مسكنات وليس هناك خطط استراتجية طويلة ولا قصيرة ولا حتى لبكرة الصبح!

ضرب المعاقين امام الاتحاديه ضرب مبرح!!!!

(الضعيفُ فيكم قويٌّ عندي حتى أرجعَ إليه حقَّه إن شاء اللّه
ابو بكر الصديق)

مشايخ زمن الاخوان.....................هما دول بتوع الشريعه؟ والله الذي لا اله الا هو ان اول من يجب تطبيق الشريعه عليهم هم هؤلاء المنافقين والمتاجرين بالدين



أول من قذف محصنة مكنش ليبرالي.. كان شيخ اسمه حازم شومان.

اول من وزع صور عريانة ومتركبة لواحدة ست عشان يشهر بيها مكنش علماني .. كان شيخ اسمه عبدالله بدر.




اول من قال يا شرا*** يا انجاس في فيديو علني مكنش يساري .. كان شيخ اسمه وجدي غنيم.

اول نائب عمل عملية تجميل وكذب علي الناس مكنش نصراني .. كان شيخ اسمه انور البلكيمي.

اول نائب يتمسك في وضع مخل في عربية مع واحدة مكتش شيوعي .. كان شيخ اسمه علي ونيس.

اول واحد يقرطس شعب بحاله ويقول امي مش امريكانيه وتطلع امريكانيه مكنش البرادعي .. كان شيخ اسمه حازم ابو اسماعيل.

تاني واحد قرطس نفس الشعب وينكر انه راح لشفيق في بيته وهو راح مكنش حمدين .. كان شيخ اسمه ياسر برهامي.

ولا ننسي مدير حملة حازمون... المحكوم عليه بالحبس سنه لتهربه من دفع نفقة ابنته لمده عام!!
هو كمان عايز يطبق الشريعه بس مش علي نفسه
زي باقي القطيع!!

اي معارض للأخوان دلوقتي يقولو عليه علماني وملحد ومعرفش ايه!!! علي اساس ان الاخوان هم الاسلام واي حاجه غير كده تبقي كفر!!!!

اللي معارض للأخوان يبقي معارض للشريعه!!! علي اساس ان الاخوان بيطبقو الشريعه!!!!

لماذا لم يصدر مجلس الشعب قانون لتطبيق الشريع بأغلبيته الاخوانيه؟

لا يعرفو انه لا يوجد دوله دينيه في الاسلام فالاسلام يؤسس الدوله المدنيه علي الطريقه الاسلاميه
وهذا ما يريده الجميع
لكنهم يريدون دوله اخوانيه وليس كما يقولون دينيه!!
دوله فيها الاخوان هم الاسلام !!!

دولة المصلحه والجماعه!!!
الناس دي بتاعت مصلحتها بس
هما ورا المصلحه بس!

في الاونه الاخيره نجد المدافعين عن الاخوان ومشايخ اخر زمن يستميتون في الدفاع عنهم لا لشئ الا لمسايرة القطيع

فلتحيا نظرية الغنم.

المهم في الآخر.. الليبراليين والعلمانيين واليساريين والمسيحيين كفرة ولاد ستين في سبعين.. ومشايخنا الأجلاء من مطالبي تطبيق الشريعة هم أهل العلم والتقوى !!!!!!!!!!!!!!!!


كل من ينادي بتطبيق الشريعه الاسلاميه لا يطبقها علي نفسه.............وكلهم مؤيدين لنظام الحكم الان والذي يستحوذ علي كل السلطات ولم يطبق الشريعه ايام مجلس الشعب ولن يطبقها الان ولكنها شعارات يستخدمها هؤلاء القوم للهجوم علي معارضيهم!!!

عندما يدعي هؤلاء الذين لا يكادون يفقهون قولا ان الاخوان لا يحكمون الان!!!! لا لشئ الا للتغطيه علي فشل الاخوان ونقضهم عهودهم للشعب!
فمن يحكم الان؟ مبارك؟ من هو الرئيس الذي لديه كل السلطات؟. مبارك؟
من عين الحكومه؟ مبارك؟
المحافظين من عينهم؟ مبارك؟

اما واحد يقول ان الاخوان مش هما اللي بيحكمو مصر دلوقتي يبقي اما انه انسان جاهل ولا يفقه اي شئ! واما انه فاهم بس عامل عبيط عشان ميفضحش نفسه هو وجماعته!
وفي الحالتين هو انسان منافق!

ومصر فوق الاخوان والسلفيين والليبراليين

انهم يريدونها دوله كرتونيه منغلقه علي نفسها تأخذ أوامرها من مكتب الارشاد
دوله كرتونيه بحيث تستحوذ الاخوان علي الحكومه والمعارضه في نفس الوقت

دوله كرتونيه... دوله مباركيه بنكهه اخوانجيه علي الطريقه السلفيه بدعم من الحركه الجهاديه
دولة العريان ورفاقه