مشاعر نمله ( قصه متجدده بقلمى الخاص)

[تامر الطويل]

تعريف ابطال القصه


نمله بطل القصه



حبيبت نمله



ابن قائد الجيوش منه لله



ابو نمله حبيبتى المفترى



حمامه صديقه




صرصار رخم وغبى



ويالله بينا على بركه الله نبتدى نحكى حكايتنا


البدايه

الحلقه الاولى

جوة حفرة فيها مايه بتصرخ نمله وبتقول

إلحقونى .. إلحقونى

انا محبوس هنا ياللى بره ردو عليا إلحقونى
فاجاه تبص حمامه طايرة فى الجو على نمله وتقوله

حمامه / عايز إيه دوشتنى منك لله ،
انا عرفاك انت النمله المجنونه إللى كل الحيونات بتتكلم عنك ، إنت إيه نزلك الحفرة دى ؟؟

نمله / نازل أستحمى ياعديمه النظر يعنى هكون نازل بمزاجى انا وقعت فى الحفره

وبعدينانا مش مجنون ، هو إللى يحب يبقه مجنون، طلعينى أرجوكى هتأخر وهتضيع منى حبيبتى

حمامه / اما صحيح نمله مجنونه كل اللى همك حبيبتك ومش همك حياتك

انت اظاهر فعلا مجنون زى ما كل الطيور بتقول عنك

نمله / ارجوكى خرجينى وانا عمرى مهنسالك مسعدتك ليا

حمامه / الاول إحكيلى حكايتك وقولى فعلا كلام الطيور وكل الحيونات عنك صحيح

انت مجنون فعلا ؟؟

نمله / انا عمرى ماكنت مجنون انا حبيت والحب حياه وسعاده مش جنون خرجينى

حمامه / احكيلى قصتك الاول وبعدها اقرر اسعدك ولا اسيبك تموت فى ارض مش ارضك

نمله / احكيلك واكيد هتسعدينى لو عندك قلب بيدق

انا حكايتى بدات لما قبلتها نمله مش زى اى نمله قبلتها او عرفتها ، نمله عيونها سحرتنى

قربت منها وكلمتها وقلتلى وقولتلها وحبتنى وحبتها ، وبدأت مشاكلنا

والدها زعيم النمل الابيض وانا والدى عامل بسيط حولت كتير أبعد عنها مقدرتش

كل أما أبعد ألاقى حاجه تشدنى ليها اكتر واكتر وعرفت انها قدرى

إللى مش ممكن أبعد عنه مهما حولت ومهما عملت

إتقدمت لأبوها وكلى أمل إنه يوافق ، كنت جيبله سكر لانى عارف انه بيحبه

قلى عندك بيت ؟؟ قولتله أعمل ،،قالى عندى شغل ؟ قولتله ادور واشتغل علشان عيونها

قالى بره

قولتله ايه ياعمى هو انت مش بتشترى نمله زى البشر ولا ايه

قلى بره
وعيب أكملك قال إيه علشان لسانه كان زفر قوى

حاول يجوزها اكتر من مرة وهى ترفض بحجج مختلفه

زى ان العريس ده أعرج والعريس ده أحول والعريس ده معفن

لحد ما جالها ابن قائد الجيوش

اللى ما فيه غلطه ، حولت ترفض مقدرتش وابوها أجبرها على جوازة

وفى يوم فرحها هربت معايه

واتجوزنا وقولنا الحياه حلوة والجو ربيع وكل الاغانى الجميله

لحد ما جه ابن زعيم الجيوش وإدانى العلقه التمام

وخرجنا من فرحتنا

قبض علينا وقدام أبوها ومجلس النمل رمانى

وقرر مجلس النمل قرر من أغرب ما يكون

قرر إن جوزنا صحيح ولازم أبوها زعيم النمل الابيض يحسبه أمر واقع
بس بشرط

إنى أثبت للكل إنى نمل رجوله وقد المسؤوليه وطلبوا منى إنىأروح بلاد الضباب وأجيب منها زرة سكر من اللون الاسود وهنا تنح كل الحضور

وابتسم أبوها وابن قائد الجيوش وبصولى نظرة ( إلبس يامعلم ) ورينا حبك ورجولتك

منهم لله ودونى فى داهيه وساعتها إفتكرت فيلم عنتر إبن شداد

لما حكتهولى نمله من بتوع البندر من النمل الفافى إللى سكنين فى بيوت البشر

وقولت هرجع وهكون زى عنتر

كانوا عرفين كويس قوى انى رايح رحله بلاعودة ،، رحله موت

بس انا وفقت وإدونى من الوقت إسبوع

لو مرجعتش خلاله تكون حبيبتى زوجه إبن قائد الجيوش

ومشيت من مدينتى راسم إبتسامه فوق شفيفى علشان أطمن بيها حبيبتى إنى راجع

وراجع منتصر أو مقتول

وساعتها هدعى على كل إللى ظلمنى ودبسنى التدبيسه السوده دى

بس هرجع ب زرة السكرالاسود وأفوز بحببتى بإسم الحب وبإسم مشاعر نمله


بس مكنتش فاكر إن الرحله لمدينه الضباب طويله وفيها مخاطر ممكن تمحينى من على وجه الارض

انتظرونى فالقصه بقيه

بقلم

تامر على الطويل
امير الجروح

[تامر الطويل]

الحلقه الثانيه

نمله / وبعد كده بدأت رحلتى
رحلت البحث عن زرة السكر الاسود

ووقعت فى الحفره وقبلتك

ممكن بقه تخرجينى

حمامه / بجد انا اول مرة اعيط بالشكل ده من زمان معيطش كده

نمله / يااااه هو انا قصتى حزينه قوى كده

حمامه / قصه ايه ياابو قصه انا بعيط علشان دخل فى عيونى زرة تراب

نمله / فى سرة اما حمامه معندهاش احساس صح

ممكن بقه تخرجينى

حمامه / مش هخرجك

نمله/ ليه بس انا عملتلك ايه ؟؟

حمامه / متخفش يانمله انا اقصد مش هخرجك وبس

انا هوصلك كمان لاول الطريق لبلاد الضباب

اركب على جناحى يانمله وامسك كويس

وطارت الحمامه بالنمله والنمله سعيده وقالت خلاص كده وصلت لبلاد الضباب

وهجيب زرة السكر

الاسود وهرجع منتصر وهحط صباعى فى ودان ابن قائد الجيوش

وهاخد حبيبتى وابعد عن كل النمل

حمامه / بطل احلام يانمله انت فاكر بوصولك مدينه الضباب كده خلاص إنتهت رحلتك

وهتجيب زرة السكر الاسود وهترجع ،اما نمله مجنونه صحيح

انت هيوجهك مصاعب كتير ومخاطر اكتر

بلاد الضباب عمر ماكائن دخلها وخرج منها حى انا لسه صحيح مبقتش صدقتك

بس انا حسه انى اعرفك من زمان وبجد خايفه عليك انت نمله شجاعه جدا

وعمرى ماشوفت كائن زيك حبه بيحركه نصيحه منى إرجع يانمله وإهرب وإنجى بنفسك

نمله / اهرب واخون حبى ، اهرب واسيب قلبى ، لا ياحمامه انا عمرى مااقدر اهرب

انا هوصل لمدينه الضباب وهجيب زرة السكر الاسود وهرجع كمان لحبيبتى

حمامه / بإبتسامه اكيد حبيبتك جميله جدا علشان تضحى بنفسك علشانها

بالشكل الغريب ده وتكون أجن مخلوق على وجه الارض

وتحارب علشان عيونها إوصفهالى يانمله

نمله / انا حبيبتى غير كل النمل اللى فى الدنيا دى حبيبتى مش مجرد اسم وشكل وصورة

حبيبتى روح وقلب واحساس بيحس بيا قبل مالسانى ينطق اى حروف

حبيبتى كلمه مالاهاش تفسير حبيبتى هى أغلا منى انا

حمامه / انت فعلا نمله مجنونه زى كل الحيونات مابتقول ، بتقول كلام عجيب

وبحس انه بيسحرنى ، إنت أكيد ساحر وانا مش هكلمك لحد مانوصل لمدينه الضباب

وبعد ويه قالت الحمامه وصلنا يانمله لمدينه الضباب

وخليك فاكر ديما انها رحله بلاعودة

وطارت الحمامه وهى بتسال نفسها سؤال حيرها

ياترى فعلا النمله دى مجنونه ولا فعلا نمله عندها مشاعر وقلب بيدوق


وبدات رحله نمله فى بلاد الضباب

فى البدايه كان مرعوب بس لما افتكر حبيبته قاوم شعورة واتقدم ومشى داخل المدينه

وفاجاه سمع صوت بيقول



صرصار غبى / ايه ياعم انت ماتفتح ياكبير كنت هتدوسنى وتفرمنى تحت رجليك النونو ههههههه

نمله / انت مين

صرصار غبى / انا المنمين جيد ومتين ياحلاوة انت اللى مين وايه اللى جابك هنا

نمله / انا نمله وجاى من مدينه النمل الابيض علشان اجيب زرة السكر الاسود

وارجع وانقذ حبيبتى

صرصار غبى / هو انت بقه ياحلاوة النمله المجنونه اللى كل الحيونات بتحكى عنها

تشرفنا والله حصلنا القرف هههههههه

اوع تزعل ياحلاوة انا ديما بحب اهزر محسوبك صرصور المصرصر بائع جوال

وسعات كتير بتاجر فى الاعضاء النمليه

وانت شكلك كلك على بعضك مليان اعضاء تنفع

خد امضيلى على الورقه دى

نمله / ورقه ايه وايه الكلام اللى بتقوله ده اعضائى انا مش للتجارة

صرصار غبى / دى ورقه بتسمحلى انى اخد كل اعضائك لما تتكل على الله

وتغور من الدنيا دى ههههههه

ماهو انت اكيد هتموت هتموت فى حد ياعبيط يدخل مدينه الضباب انت مجنون

نمله / سبنى امشى انا مش فاضى لدوشتك دى مش هبيع اعضائى

صرصار غبى / خلاص ياعم متزوقش الارزاق على الله

طب تبدل انا شايف معاك نقطه عسل فى الشنطه دى تبدل معايه بعيش

نمله / انت غبى قولتلك مش عاوز اى حاجه منك وسبنى بقه وامشى

صرصار غبى / خلاص خلاص زباين اخر زمن صحيح فين زباين زمان وتجارة زمان

ويمشى صرصارمن قدام نمله

نمله / صرصار صرصار

صرصار غبى / ايه هتبدل معايه بنقطه العسل ياحلاوة

نمله / انا موافق ابدل معاك بس بشرط تقولى فين الاقى زرة السكر الاسود

صرصار غبى / تدينى الشنطه بكل مافيها وانا اقولك

على اخطر سر من اسرار مدينه الضباب



وإلى لقاء قادم وجديد من

مشاعر نمله

بقلم

تامر على الطويل
امير الجروح

[مريم السباعى.]

بجد بجد خسرتك فى البلدى يبنى والله قصة تحفة كالعادة طبعا ومتابعين معااااااااااااااااااااااااااااااااك

[لافانيا]

حلوة ههههههههه شكرا

[وللحياة بقية]

جميلة استاذ تامر شكرااااااا ليك على مشاركاتك ومنتظرين البقية

[نحلة المنتدى]

هههههههههه جميله جداااااااااااااااا
بجد رووووووووعه
قصه ايه ياابو قصه انا بعيط علشان دخل فى عيونى زرة تراب

هههههههههههههههههههههههههههههههههههه

[تامر الطويل]

المشاركة الأصلية كتبت بواسطة نحلة المنتدى

هههههههههه جميله جداااااااااااااااا
بجد رووووووووعه
قصه ايه ياابو قصه انا بعيط علشان دخل فى عيونى زرة تراب

هههههههههههههههههههههههههههههههههههه

المشاركة الأصلية كتبت بواسطة وللحياة بقية

جميلة استاذ تامر شكرااااااا ليك على مشاركاتك ومنتظرين البقية

المشاركة الأصلية كتبت بواسطة لافانيا

حلوة ههههههههه شكرا

المشاركة الأصلية كتبت بواسطة مريم السباعى.

بجد بجد خسرتك فى البلدى يبنى والله قصة تحفة كالعادة طبعا ومتابعين معااااااااااااااااااااااااااااااااك

ربنا يخليكم ياجماعه بجد نورتونى وشكرا للمتابعه

[تامر الطويل]

الحلقه الثالثه

نمله / انا تعبت ياصرصار كل ده ماشى انت مودينى على فين

صرصار / تعبت إيه ياكبير إحنا لسه بنقول ياهادى إجمد كده وقوى رجليك

نمله / هو لسه كتير على زرة السكر الاسود

صرصار / مسافه عمارتين من عماير البشر كده لا بس بجد انا من معجبينك ياكبير بجد شرفتنا ورفعت رسنا قدام اللى يسوا واللى مايسواش كفايه انى اقول النمله دى من فصلتى

انت رحت الجيش ياكبير ولا فلسعت زى حلاتى وهربت على بلاد برة

نمله / انا اهرب من خدمه وطنى لاء طبعا خدمت فى جيش وطنى

صرصار / اكيد طلعوا عينك دول عالم غجر بتوع ازيه وشيل وحط وتمام ياسيدنا لفندى

بس سيبك الايام بتجرى والله زى الهواء انا اعرف واد زيك كده دخل الجيش ماخرجش منه تانى

نمله / مخرجش منه تانى ليه ؟؟

صرصار / اصل الباب كان مقفول ههههههههه بضحك معاك يانموله اضحك كده وفرفش قبل ماتودع دنيتنا

نمله / انا ليا سؤال ياصرصار هو ليه كل واحد يقبلنى واقوله انى رايح اجيب زرة سكر اسود من مدينه الضباب يقولى منتش راجع

صرصار / علشان حيونات بتفهم ده كفايه حارس السكر الاسود ده لوحده مصيبه

نمله / حارس السكر الاسود وده يطلع ايه ده

صرصار / ههههههه مش بقولك مجنون فى حد فى الدنيا دى ميعرفش حارس السكر الاسود

نمله / يعم اعتبرنى مجنون وقولى يطلع ايه

صرصار / ده ديب شرس ولا حيوان ولا طير قدر يدخل مدينه الضباب ورجع تانى

نمله / ايه الصوت ده

صرصار / ياخبر اسود زى وشك دول عصابه الفار الرمادى ياإبن الفقريه

إجرى بسرعه

الفارالرمادى / وهو بيشاور على صرصار هتولى الحيوان ده

وبعد رجاله الفار الرمادى مشدوا صرصار ونمله من ودانهم ورموهم قدام الفار الرمادى

صرصار / صباحو فل ياسيد الكل وحياه إللى جمعنا بدون مناسبه

انا كنت جيلك علشان أقدملك هديه ياسيد الفران

الفارالرمادى / إخرس خالص وبطل رغى موتك على إيدى بقه انا تنصب عليا وتدينى جبنه بيضا على انها جبنه رومى انا فرفور يتعمل معايه كده

صرصار / هى طلعت جبنه بيضا والله ياكبير ما دوقتها

دى من صندوق الزباله على بوقك عدل

الفار الرمادى/ يبص لنمله ويقول لصرصار بغضب ومين الاخ والوسم ده كمان

صرصار / ده نمله المجنون اللى كل الحيونات بتتكلم عنه اللى رايح مدينه الضباب علشان يجيب زرة السكر الاسود اللى زى وشه الفقرى

الفار الرمادى / بقه انت بقه نمله المجنون اللى كل الحيونات بتتكلم عنك دأنا مجرم وقطاع طرق من سنين وسنين ولا حد عبرنى وانت من اول حاجه عملتها كل الغابه بتتكلم عنك

صرصار / طب اى خدومه منى بقه ياكبير اصلى عندى مصلحه عاوز اخلصها سريع سريع

نمله / انت هتمشى وتسبنى معاهم ياصرصار

صرصار / انت فكرنى فريد شوقى دول عصابه ياكبير معلش الجرى نصف الجدعنه وفى حلتى دى كل الجدعنه بس بجد هتوحشنى

الفار الرمادى / ومين قال انك هتمشى ياصرصار انا هشرب من دمك

صرصار/ ليه بس ياكبير انا عملت ايه طيب

الفار الرمادى/ عوزنى اسيبك يبقه تسمع الكلام انا سمعت ان نمله صديقك ده عنده قوة خارقه وقلب من حديد وعلشان كده انا عوزكم فى مهمه تنفذوها هسبكوم تمشوا بسلام

صرصار / مهمه ايه ياسيد الحيونات انت تأمر وإحنا ننفذ انا ممكن اقطعلك نفسى انت تأمر ياكبير

انا بلعب حديد فى نادى ابو برص

الفار الرمادى / يبقه إتفقنا هتروحوا تخطفولى بنت سلطان الفران السود حبيبتى النهارده وليله فرحها من عرسها فارس فرسان الفران

صرصار / انا بلعب حديد صحيح بس مش للدرجه دى ياكبير دإحنا نتقطع قبل مانوصل حتى انت اكيد بتهزر

نمله / انا مش هخطف اى حد انا هجيب زرة السكر وراجع لبلدى ولحبيبتى ومفيش اى قوة على وجه الارض هيمنعنى عن مهمتى دى غير الموت

الفار الرمادى / إفعصوة

نمله / هو الواحد ميعرفش يهزر معاك يامعلم

فين العنوان وفريرة على الفرح نخطف حبيبتك ونيجى على السريع ماهو يوم اسود

( ربنا على المفترى)

انتظرونى فالقصه بقيه

بقلم

تامر على الطويل

[تامر الطويل]

الحلقه الرابعه

نمله / انت بتجرى كده ليه ياصرصار
هو احنا هنروح نخطف بنت زعيم الفيران بجد


صرصار / طبعا بجد انت مش شايف الفارين التيران اللى بعتهم معانه الفار الرمادى ربنا يخده


فار غتت/ بتقول ايه على زعيمنا ياحشرة


صرصار / بقول ربنا يخلهولنا الجميل ابن الجميله وربنا يقدرنا على التضحيه فى سبيل حبيبته

وبقول ربنا يخده

اقصد ربنا ياخد اللى يزعله


نمله / صرصار انا عاوز زرة السكر الاسود علشان ارجع والحق حبيبتى واخلصها من ادين قائد الجيوش الظالم


صرصار / انت عبيط ولا اهبل ياجدع انت بقولك رايحين نخطف بنت زعيم الفران وانت بتقول زرة سكر وحبيبتى

طب خد الخبر ده ياروميو احب ابشرك اننا مش هنرجع ابدا بقه حشرة زى ونمله زيك هيخطفوا بنت زعيم الفران للحبيب الزفت الفار الرمادى طب ازى انا صحيح واد جن ومقطع السمكه ودلها بس مش للدرجادى انا ممكن العب على اى حد وابعله الهوا نفسه انما اخطف

الله يرحمك ياصرصور ياجميل العالم هيبقه اسود من بعدك مين فيكى يامدينه الضباب هيكون زى صرصور القمور


فار غتت / بس يازفت منك له احنا دخلين على مدينه زعيم الفيران وخليكوا فكرين احنا روسل امير فيران البلاد البعيده وجين نقدم الهدايا فى فرح الاميرة فرفورة بنت الملك العظيم

وفى القصر الفرانى


قائد الحرس / مولاى مولاى فى روسل من البلاد البعيده طلبين الازن بالدخول لتقديم الهدايا فى فرح الاميرة فرفورة


ملك الفيران / دخلهم بسرعه وفتشهم كويس قبل الدخول


قائد الحرس / امرى مولاى

كل واحد فيكم يقلع بلبوسه بسرعه


صرصار / انت هتستعبط بلبوسه ايه بلاش قله ادب وقيمه دا انا ميعملهاش لما الشيطان بيوزنى وافكر استحمى اقوم اعملها دلوقتى وقدم كل الناس دى


نمله / انا مش هقله اى حاجه انا جاى اخد زرة السكر وماشى على السريع يقطع الحب وسنينه


قائد الحرس / بقولك ايه انت وهو بلاش زغى كتير قولت اقلع

ولو منفزتش الامر انت وهو هعتبركم خونه وامر ب***كم فورا


صرصار / فى ايه بس ياكبير احنا هنتفاهم اصل الواد نمله ده عنده حسسيه لو قلع بلبوسه هياخد برد ويمكن يضيع مننا ياكبير ومرات ابوة موصيانى عليه يرضيك اخون الامانه ياغالى


قائد الجيوش / طب نمله ده عندة برد انت بقه عندك ايه ؟؟


صرصار / عندى هبولس ياسيد الناس


قائد الجيوش / نعم يااخويا عندك ايه


صرصار / هبولس ياغالى


قائد الجيوش / انا سمعت الكلمه يازفت بس مش فاهمها يعنى ايه هبولس ده


صرصار / ايه ياعم نمله دى الليله ليلتك يامنفضلى مترد على الكبير يعنى ايه هبولس دى


نمله / هو انت تدبسنى وبعدين تطلب منى اتدخل وانا مالى




صرصار / بقه كده بقه البياعه وقتى ياندل طيب بوص بقه ياحضرة القائد الشجيع انا هقولك كل حاجه وهكشف السر واللى يحصل يحصل هى موته ولا اكتر

انتظرونى فالقصه بقيه


بقلم

تامر على الطويل

[نحلة المنتدى]

جميله يا تامر
تسلم ايدك
منتظرين ع احر من الجمر بااقى القصه

[*HOPES*]

جميييييييييييله جداااا