ضم مدة الخدمة لمعلمي المنيــا- د.عبدالرحمن المنياوي

[د.عبدالرحمن المنياوي]

السلام عليكم ورحمة الله وبركاته ..

لقد قمت بعمل طلب لضم مدة الخدمة بمحافظة اتلمنيا للمعلمين من القرار 74 و244 و280 وأرفقت معه القرارات التي نستند عليها قانونا في حقنا بالضم ..

الطلب والقرارات في المرفقات ..

خد عندك بقى الكلام الاهبل عندنا في المنيا .. ولو اني واخد على كده مع الموظفين ..

الاستاذ محمد عبدالوهاب في التنظيم والإدارة قال لكم حق طبعا في ضم الخدمة من اول يوم عمل يعني كمان من تاريخ العمل بالحصة .. بس انتم وفقا لقانون الكادر 155 لسنة 2007 اللي بيحكم المعلمين بيعطي المعلم درجة وظيفية تعادل الدرجة المالية على ان تكون الدرجة المالية الثالثة اعتبارية.. بمعنى:

درجة المعلم المساعد في التربية والتعليم --------> تعادل الرجة الثالثة التخصصية في خارج التربية والتعليم.
درجة المعلم في التربية والتعليم --------> تعادل الرجة الثالثة التخصصية بأقديمة سنتين في خارج التربية والتعليم.
درجة المعلم الأول في التربية والتعليم --------> تعادل الرجة الثانية التخصصية في خارج التربية والتعليم.

مديرية التربية والتعليم بالمنيا ترد بأننا مالناش فيه لازم التنظيم والإدارة يبعت لنا درجات مالية فعلية ومش اعتبارية علشان نقدر نضم لكم مدة الخدمة وتاخد باقي حقوقك ..

الوضع الآن التنظيم والإدارة رافع ايده وبيقول مالكمش درجات وفقا للقانون 155 لسنة 2007 .. والمديرية مستنية الدرجات اللي التنظيم والإدارة مش هيبعتها ..

والوضع لو اتساب كده هنقعد 5 سنين تاني دون جدوى ..

انا بارتب لقاء مع الاستاذ محمود وهدان وكيل الوزارة قريبا .. ولو حد حابب يكون عنده مقترحات او المشاركة يتواصل معي ..

د. عبدالرحمن المنياوي ..