|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
13-12-2012, 10:58 AM
|
||||
|
||||
تأريخ للأحداث..... هاااااام
بسم الله الرحمن الرحيم
يمكن دا اول موضوع ليا ف المنتدى اكتب فيه هام بس لأنّه فعلاً كذلك وهو توضيح لبعض الاحداث وتوضيح لمن يتهمون المعارضين بأنّهم يتحدثون لمصالح شخصيه او الصغار منهم مثلي انهم يتحدثون عن جهل فهذا بياني والبينة على من ادّعى هيا لنعد قليلاً او كثيراً إلى الوراء بالزمن وكأنّنا نسافر عبر الزمن مع العالم اينشتاين ولكنّ من يرد منكم ان يسافرَ معنا بركابنا هذا . ارجو أن يلتزم الإحترام في نقده وعدم التشكيك في وطنية أو نوايا أيٍ منا أولاً انا احب اقول حاجه اغلب الاحداث ال انا هقولها دي انا كنت بدونها يوم بيوم على موبايلي عشان احس اني عملت تأريخ ولو بسيط للأحداث وجه وقتها الحمدلله وجهتنا الأولى : يوم الرابع والعشرين من يناير لعام 2011 ميلادياً بدأت انباء قويه بخروج مظاهرات يوم الخامس والعشرين من يناير( يوم عيد الشرطه ) مطالبة بعداله اجتماعيه وحياه كريمه لا يهان فيها الفرد من الشرطه التي يفترض أنّها لخدمته وكان قد صرح بعض قيادات جماعة الاخوان المسلمين بأنّهم لن يخرجوا في تلك المظاهرات لأنّهم كانوا يفترضون انها مظاهره (فاشله ساعتين وهتتفض يعني ) ولكن إحقاقاً للحق بعض الشخصيات من جماعة الاخوان المسلمين نزلت للميدان منذ يوم الرابع والعشرين ليلاً لانتظار المظاهرات في اليوم التالي ومنهم اكثر من احترمه فيهم المنشق عن الجماعه الدكتور عبد المنعم ابو الفتوح والذي اختارته في الانتخابات وكان هو من بين الموجودين مع مجموعه من الشباب والناشطين السياسيين ومنهم الكاتب والمؤلف الراااائع الاستاذ بلال فضل ولكن يجب الذكر ان من نزل من الاخوان للمظاهرات في هذا الوقت كان فقط نزوله بشكل شخصي وليس موقف رسمي للجماعه يعني بصريح العباره مكانوش بينزلوا بتكليف زي مادلوقتي بيودوهم باوتوبيسات ووجبات وحاجات حلوه عشان يعملوا رقم كبير يعني مصلحتهم دلوقتي يلمولها ناس اكتر من المظاهرات ال كانت تخص البلد كلها . ولكنّ إحقاقاً للحق ان الاخوان كان لهم تأثير واااضح جدا في الميدان بعد نزولهم منذ الثامن والعشرين من ذات الشهر بدأ الميدان يمتلئ ولكنّ هذا من وجهة نظر البعض ولست واحداً منهم انه كان متأخراً جدا لأنّ وقتها كانت المظاهرات تحولت إلى ثوره حقيقيه ويقول اساتذة العلوم السياسيه ان اي مظاهرات تتحول لثوره عند نزول الكتله الحرجه من المجتمع للشارع وهي حوالي 15% من الشعب وهذه الكتله كانت قد اكتملت فعلياً ونزل الاخوان بعدها ولكنّ اود التنبيه إلى ان شباب الاخوان كانوا قد نزلوا منذ اول يوم وهذا ما يعجبني فيهم فهم حقاً نعم الشباب ولكنّ قياداتهم سوف يهلكونهم بفكرهم الرجعي. وفي خلال الثوره رأينا مشاهد لم نكن لنحلم أن نراها رأينا الشاب القبطي الذي يحرس المسلمين عند صلاتهم رأينا الفتاه المسيحيه التي كانت تسكب الماء للسلفي كي يتوضأ رأينا حقاً ما جعلنا نشعر ان تلك البلد قد أراد الله لها النهضه ولكن ليس النهضه التي يدّعيها البعض. ............... الوجهه الثانيه العاشر من فبراير 2011 اجتمع المجلس الاعلى للقوات المسلحه دون حضور القائد الاعلى وهو رئيس الجمهوريه المخلوع من منصبه وهذا يعني انّه كان في لحظاته الاخيره في منصبه وفي هذا الوقت شاء الله ان يأتي الأخوان لطمأنة الشعب المصري بأنّهم ليسوا هم من سيقودون الدوله في الفتره المقبله خوفاً على الامن القومي وهذا قد أراح كثيراً بقية اطياف الشعب وانتظرنا الحياه السعيده ولكنّ تأتي الرياح بما لا تشتهي السفن. ..................... الوجهه الثالثه : 19 مارس 2011 ميلادياً وهو اليوم المشهود له بضياع الثوره الاستفتاء على التعديلات الدستوريه ولماذا ضياع للثوره؟ لأنّ أي ثورة في الدنيا تعني هدم الفساد وذلك ما كانوا يكررونه قول الإمام الشعراوي رحمة الله عليه حيث يقول الثائر الحق هو الذي يثور ليهدم الفساد ثم يهدأ ليبني الأمجاد ولكنّ عن أي فساد تتحدثون انكم قد هدمتموه كي نبني امجاد؟ هل الثوره بالنسبة لكم هي اسقاط رأس نظام؟ في أي ثورة ناجحه يكتمل دور الثوره بهدم الدستور القديم وتطهير الوزارات وكافة اجهزة الدوله وعمل مجلس ثوري يضم المنتمين للثوره لقيادة البلد ولكنّ يأتي من لم يكونوا يفكرون بالقيام بثوره ليقولوا كفانا خراباً هيا نقول نعم للتعديلات الدستوريه ونرتضي ب(نص العمى ولا العمى كله) اذكر قول الدكتور علاء الاسواني حيث قال الثوره لا ترضى بحلول وسط وإلا لا تكون ثورة بيقولوا يلا نبني مؤسسات دوله ونرتخي وما إلى ذلك وقالك نقول نعم عشان الماده التانيه من الدستور المسحييين ميغيروهاش واشهد اني كنت من اولئك من اعجبني قولهم فقولت نعم للتعديلات وظهر ان الأمر ليس مادة ثانية من الدستور وليس دستور اصلا بل هي مصالح شخصيه حتى وصلنا ليومنا هذا .................... الوجهة الرابعه : الثلاثاء الثالث من مايو 2011 وحيث اني كنت ممن يميلون ناحية الاخوان فكنت احضر جلساتهم وندواتهم وما إلى ذلك حتى جاء يوم أتى فيه دكتور محمد بديع المرشد العام لجماعة الاخوان المسلمين إلى محافظة المنيا لحضور مؤتمر جماهيري وكان الحضور عدد كبير تجاوز ال 12 ألف مواطن في مؤتمر والحق ان ذلك الرجل اعجبني بشده فهو مقنع للغايه وكان يروي قصة له في زيارته لتركيا فيقول : " انا لما كنت في تركيا قابلت الرئيس عبدالله جول ورجب طيب اردوغان وواحد من الصحفيين قالي انتم ممكن عندكم تعملوا تجربه زي عندنا من حيث الحكم والسياسه فانا رديت عليه قولتله لا احن عندنا تجربه مصريه خالصه احلى بكتير" وطبعا الاخوان ال كانوا حاضرين المؤتمر قعدوا يقولوا الله اكبر الله اكبر وانا كنت مبسوط بس دلوقتي بس عرفت ايه التجربه ال كان يقصدها واكيد كلكم عرفتوها تجربة النهضه ما زالت في ........ باسم يوسف ستايل #  ............... الوجهه الخامسه: يوم ال 29 من يوليو 2011: بعد ما حدث من تفريق للشمل في الوطن عدنا لرشدنا وقولنا هيا لنتكاتف مرة أخرى وقامت مليونيه في ميدان التحرير بعنوان لم الشمل وتصوروا ان لم الشمل الذي يتحدثون عنه هو ان يتواجد الليبراليون مع اتباع الاسلام السياسي ليهتف الإسلاميون إسلاميه إسلاميه حتى اطلق البعض عليها جمعة تفريق الشمل ................... الوجهه السادسه والأخيره: يوم 31 مارس 2012 مؤتمر صحفي يقف به الدكتور محمد بديع المرشد العام لجماعة الاخوان المسلمين إلى جانب المهندس خيرت الشاطر نائب المرشد والدكتور محمد مرسي رئيس حزب الحريه والعداله آنذاك ورئيس الجمهوريه حالياً لإعلان ترشيح المهندس خيرت الشاطر لرئاسة الجمهوريه وما اسباب ذلك؟ الخوف على الوطن لأنّهم قد شعروا ان المجلس العسكري يقوم بإعداد ورقه لهم للانقضاض على الثوره أليس هذا المجلس العسكري الذي كانوا يدافعون عنه؟ اليس من يطلقون عليهم كلمة ليبراليين طالبوا بإسقاط المجلس العسكري والاخوان هم من ساندوا المجلس وقتئذ إذاً ارادت الجماعه ولها كل الحريه ان ترشح شخصاً للرئاسه ولكنّهم كانوا قد وعدوا بغير ذلك فأخلفوا فإذا كنتم تخافون على الوطن والثورة حقاً فلتعلنوا تأييدكم للدكتور ابو الفتوح وخصوصاً انه كان قد حاز على موافقة بعض القوى الليبراليه واليساريه وأولاً واخيراً هو اخواني الهوى والفكر ولكنّه توافقي وهذا الاختلاف بينه وبين غيره من الاخوان ولكنّهم لم يكونوا ليخافوا على الثورة كما يقولون ولكنّ اظن أنّها كانت مجرد تسويفات للغد حتى إذا جاء الغد قالوا هكذا قد اراد الدهر ..................... انا عارف اني طولت جدا عليكم وكان نفسي اكمل كل الاحداث بس عارف ان مفيش ولا واحد هيقرا دا كله المهم انا عاوز اعمل اثبات حاله هو بعد دا كله مين ال يكون قسم الشعب لنصين؟ اخوان وليبراليين مسلمين وكفار؟ بنات محترمه بتوع الاخوان وبنات بينزلوا التحرير سفله على رأي عبدالله بدر عاوز لو حد يعني تعب نفسه شويه وقرا يقولي ايه تعقيباته وممكن يستنتج إيه من تتابع الاحداث دا؟ آخر تعديل بواسطة 222ahmed222 ، 13-12-2012 الساعة 11:26 AM 
|
|
#2
13-12-2012, 07:31 PM
|
||||
|
||||
|
بصراحة موضعك يجبرنى ان ارفع للك القبعة بجد بجد موضوع رائع ولاسف يارت الناس تفهم وتشوف دة بجد وتفتح عنيها وتشيل الصم عن ودنها وتعرف اننا مش معارضين من الهوا ولا معارضين لاننا بنكره الاس ويحسسونا اننا مش مسلمين زيهم وان الموضوع ملهوش اى علاقة بجنة ونار قد ملى علاقة بفهم وفكر وسياسة بلد عايسين عليها كلنا بجد اتمنى ان لو كل الناس او الشباب يبذلو نصف هذا المجهود للبحث عن الحققية بنفسههم دون الانحياز حول هذا وذاك بجد جزاك الله كل خير
__________________
ودعاً وارجو ان ذكرتونى فاذكرونى بخير ,دعواتكم ........... افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#3
13-12-2012, 07:57 PM
|
||||
|
||||
|
اقتباس:
اخيراً حد كلف نفسه وتعب نفسه وقرا التوبيك والله عندك حق يا مريم في كل كلمه قولتيها وربنا يعمل ال فيه الخير للبلد دي وبجد بجد بجد نورتي التوبيك بمرورك الجميييل
|
|
#4
14-12-2012, 08:47 AM
|
||||
|
||||
|
اقتباس:
بس بابا واخويا وهو محامى اكدلى ان دة مش الدستور الحققيةى لان لازم يكون ممضى من شخص معين عشان يبقى صح ومبارح شفت فديو على اليوتيوب عن واحد فى باريس راح يسجل اسمه عشان يتسفتى لاقة اسمه متعلم عليه مصوت اساسا ولسة الباقية تاتى وقال ايه يرجعو يقولو انتو مش عايزين الاستفتاء عشان عارفين ان الشعب حيقول لا وهما مش عارفين اننا بنرفض لاننا عارفين الى فيها واد ايه الاساليب القذرة بتاعت الحزب الوطنى بتتعاد من اول وجديد والناس الغلابة الى بيضحك عليها باسم الدين واليت والسكر وغيره وغيره فى الاول كنت بفرح لما اسمع ان فى شهيد ات فى الثورة واقول بجد دة فخر للبد بس لو كنت اعرف انى الى يحصل كدة كنت قلتله بلااش لو الحققية المرة حتستمر يبقى بلااش لو حيروح الحزب الوطنى ويجى بداله حزب وطنى العن منه متخفى بستارة شكلها شيك اسمها الدين يبقى بلاش بس لاسف بجد قلبى موجوع الى بيحصل ومش عارفة حيوصل بينا لفين ربنا يستر
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#6
15-12-2012, 01:07 AM
|
||||
|
||||
|
كلام منطقى لكن للاسف كله بيدخل فى طى النسيان ربنا يصلح احوال البلاد والعباد
|
|
#7
15-12-2012, 03:00 PM
|
||||
|
||||
|
موضوع رائع مع تتابع جميل
للاسف بقينا نبص للحظة اللى عايشينها و بننسى اللى فات لو معاك احداث تانى يا ريت تكتبها معلش هتعبك معايا بس عشان الترتيب يكمل و يوضح للناس كلوحة كاملة من اول الثورة لغاية دلوقتى و بحب اكرر شكرى ليك على تعب حضرتك
__________________
 وإن ضاقت عليك الأرض بما رحُبَت أخرُج وأنظر كيف هي السماء رُفعَت أما علمت بـ أن : الله رافعها !قادر على تفريج الكروب وإن عَظُمَت
|
|
#8
15-12-2012, 03:33 PM
|
||||
|
||||
انا قريت الموضوع كله
و رغم انى مختلفة معاك فى بعض الاراء .. الا انه عجبنى اتزان منطقى و انا ضد التعميم بس النتيجة عامة على كل الناس بصورة نسبية الاوضاع اتغيرت و الوشوش كمان بتتغير و بشكل واضح باين اوى مين خايف على البلد و مين خايف على مصالحه ربنا يرزقنا البصيرة عشان نقدر نشوف كويس احسنت فى سردك للاحداث و تنسيقك لافكارك شكرا يا باش مهندس
__________________
|
|
#9
15-12-2012, 09:52 PM
|
||||
|
||||
|
اقتباس:
والناس بيقولوا دول يعرفوا ربنا لازم نثق فيهم انا فاكر ساعة المليونيه بتاعتهم في جامعة القاهره دكتور اسامه القوصي قال ان نص ال هناك بيتاجروا بسم الدين والنص التاني عاوز فعلا ينصر الدين بس هو مش فاهم الدين صح ومضحوك عليه مره تانيه نورتي التوبيك بجد آخر تعديل بواسطة 222ahmed222 ، 15-12-2012 الساعة 09:56 PM
|
|
#10
15-12-2012, 10:20 PM
|
||||
|
||||
|
اقتباس:
|
|
#11
15-12-2012, 10:21 PM
|
||||
|
||||
|
اقتباس:
ربنا يستر على البلد
|
|
#12
15-12-2012, 10:23 PM
|
||||
|
||||
|
اقتباس:
والله انا تحت امركم لو فعلاً عاوزين بقية الاحداث انا موافق وبشده على اني اكتبها ال يقرا التاريخ ويركز فيه يقدر يفهم الحاضر صح الشكر لله نورت/ي التوبيك بمرورك العطر
|
|
#13
15-12-2012, 10:24 PM
|
||||
|
||||
|
اقتباس:
نورتي المنتدى تاني بعد غيبه والله بعوده نورتي بمرورك الجميل يا اسماء
|
|
#14
16-12-2012, 07:30 PM
|
||||
|
||||
|
للأسف الأمر شبه اتحسم والشعب قال نعم للدستور
ربنا يستر على البلد في الظروف دي بقى والنتيجه طلعت بالشكل دا لسببين الأول هو على عكس ما بيقول الاستاذ نادر بكار ال بحترمه جدا لما كان بيقول لازم نثبت قواعد اللعبه وللأسف قواعد اللعبه مش متثبته معنى قواعد اللعبه انك تعمل دعايا على الدستور كونه مجرد دستور وقوانين اما انك تضحك على الناس وتقولهم ال بيرفض الدستور دا يريد هدم شرع الله وان الدستور دا هينصر الاسلام وبما إنّ المصريين من الاصل متدينين ونسبه كبيره جدا منهم اميين فمن المتوقع ان كلامهم دا يلقى صدى كبير اما لو اتكلموا مع الناس المقال الحقيقي وثبتوا قواعد اللعبه مكانش هيبقى داا الحال والسبب التاني للنتايج دي من وجهة نظري المتواضعه هو ان الناس صوتت تصويت عقابي لحمدين صباحي والبرادعي والدكتور عمرو حمزاوي عشان من رأيهم مش مخليين البلد تهدى فالناس كرهوهم فشافوا دول هيقولوا ايه يبقى نعاقبهم ونقول عكسهم قدر الله وما شاء فعل
|
|
#15
17-12-2012, 02:52 AM
|
||||
|
||||
|
اقتباس:
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:18 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
