ادارة الحوامدية لم تصرف ال50% للان يا سيادة الوزير

[ام حفصه]

السلام عليكم ورحمة الله

بجد مخنوقة اوى وحزينة كمان بعد تعب سنتين مزاكرة تربوى واى سى دى ال وكادر وضغط على اعصابنا وخصوصا لزوجة وام بعد كل ذلك اكرمنا الله بالتثبيت

وفرحنا اوى وقلنا الحمد لله لكن البشر تتلذذ بعذاب البشر

نفسى يوصل صوتى للسيد الوزير ومستشارية ويعرف ان لديه ادارة تسمى ادارة الحوامدية للان لم تصرف ال50% ولم يحس اى مدرس بفرحتها لا قديم ولا جديد ومازال الموظفين يتعنتوا فى عمل الاستمارات مع انها اصلا تبعث لهم جاهزة من المدارس الاسامى مكتوبة ولو مرتبات بتتعمل ايضا فى المدارس اى حد يعملها فى المدرسة عشان بهوات الادارة مش يزلونا بيتعملوا مع المدرسين كانهم شحاتين والله العظيم سمعت شتيمة المدرسين باذنى عندما كنا معترضين ونطالب بالزيادة سمعتها من موظفتين هناك ولم ارد ليس ضعف منى ولكن احتراما لذاتى لانهم يردون بطريقة مش محترمة وليس لهم كبير لدرجة مرة ضربوا مدرس عشان اتجرا وراح سالهم عن شئ

مديرة الادارة ضعيفة والمدير المالى والوكيل ومندوب المالية لا يقدر احد عليهم فاين انت يا سيادة الوزير واين جولاتك الميدانية لمتابعة موظفينك

الاعجب بقى ان كل الادارات حولنا صرفت الزيادة للتعيين الجديد وهم يرفضون ذلك وحتى لما قلنالهم على ان الكل صرف بعتوا للمديرية وردت عليهم باحقيتنا للصرف وللان لا حياة لمن تنادى بعد ان شكوناهم للجميع لا يوجد من نلجا له الا الله سبحانه وتعالى وقولنا حسبى الله ونعم الوكيل فى كل من يعطل مصالح الاخرين

نسيت اضيف حاجة كمان فلوس الدبلوم الدور الاول صرفنها من اسبوعين فقط والدور التانى لم ياتى للان وامتحان الدبلوم قربت

بالله عليكم هل هؤلاء يستحقون مرتباتهم على ماذا يستحقونها يا سيادة الوزير؟؟؟؟؟؟؟؟؟؟؟؟؟