انجازات فخامة الرئيس ....لازم نبص لنص الكوب المليان

[الآمبراطور المصرى]

مؤيدى الرئيس فاكرينها شطارة لما بيشتغلوا الناس ويوهموهم بانجازات وهمية قد تحققت
فاكرين انهم كده بيعملوا للاسلام خدمة قومية جليلة بدلا من مواجهة المشكلات ووضع خطط معالجتها
ودى بعض منها
انجازات الرئيس مرسى
منح علاوة 15% للعاملين بالدولة
لا يارااااااااجل طب مادى الزيادة الدورية بتاعة كل سنة اللى كان مبارك والجنزورى بيعملوها عادى يعنى
فين الحد الأدنى والأقصى للأجور ؟؟
ليه مش عارف تطبقه ؟؟
وليه مازودتش حد الا الشرطة والجيش وبتوع الجامعة
أقولك ليه علشان يبقى ولاؤهم ليك وللنظام
يعنى شربتهم شاى بالياسمين

ثبيت 17ألف عامل بالتأمين الصحى
لا يارااااااجل
فين المليون وظيفة اللى وعدت بيها فى أول فترة حكمك
وبعدين هوده انجاز أصلا ..انه يثبت المؤقتين !!!
المؤقتين اللى اتعينوا بالكوسة أيام مبارك مرسى بيقول انجاز ليه انه ثبتهم
وفين باقى العقود المؤقتة اللى لسه ماتثبتوش
أنا مفيش حد أعرفه خالص اتثبت

تأسيس ديوان المظالم لتلقي الرئاسة لشكاوى المواطنين مباشرة
تكبييييير
اقالة المشير حسين طنطاوي وحل المجلس العسكري
تحقيق المطلب الاول للثوره وهو اسقاط حكم العسكر باقالة طنطاوي وعنان وحل المجلس العسكري
هأأأأأأووووو
اقال المشير وعنين وبعد كده تم تكريمهم واعطاءهم قلادة النيل وأطلق اسم المشير على أحد شوارع القاهرة
فين محاسبة العسكر على فترة حكمهم
شوفتوا الانجاز

الغاء الاعلان الدستوري الذي كان يطالب الثوار بالغائه .
هههههههههههه
دالوقتى أصبحوا ثوار مش بلطجية
ودالوقت قرار الرئيس بقى وحش
يعنى ده اعتراف منكم انكم كنتوا بتطبلوله

الوفاء بوعده وتكوين فريق رئاسي من جميع التيارات السياسيه
هأأأأأو

ده حتى المستشارين الموالين ليك استقالوا

انشاء محطات كهرباء جديده فى كل انحاء الجمهوريه
ماهوباين الكهرباء اللى ملعلعة فى البلد

افرج الرئيس عن 572 من المحاكمين عسكريا .
أيوه أيوه زى الظواهرى والزمر والعقرب الارهابيين بتوع تنظيم القاعدة
توقيع اتفاقيه ب 5 مليار دولار من خلال زيارته للصين استثمارات داخليه داخل مصر
تكبيييييييييييير....بس هما فين
للأسف مفيش حد حاسس بالانجازات الرائعة دى الا انتم

مرسى هايجيب للبلد قرض من البنك الدولى
هأأأأأأأأو مش انتوا نفسكم اللى اعترضتكم على القرض ده لما كان الجنزورى هو اللى طالبه وقولتوا حرام وربا
وبعدين هو ده الانجاز...ان الرئيس يقترض

هل دى أهداف الثورة اللى تتحقق على يد مرسى المباركة
فين مشروع النهضة


هل دى الانجازات الوهمية اللى انتوا يامؤيدين بتشتغلوا الناس بيها
فين العدالة الاجتماعية
فين العيشة الكريمة
فين الحريات ..فين الديمقراطية الحقيقية
فين الكرامة الانسانية
فين محاربة الفاسدين
فين اعادة هيكلة الوزارات السيادية
فين وعود الرئيس التى وعد بيها
فين احترام شباب الثورة والمعارضين الشرفاء
فين احترام الدستور
فين اعادة تشكيل التأسيسية
فين الدستور التوافقى
فين مؤشرات حل مشكلات البطالة
فين السيطرة على الأسعار
فين تطبيق الحد الأدنى والأقصى للأجور
فين حلول أزمات المعيشة زى المياه والكهرباءوالسولار والغاز
فين الحلول الاقتصادية
فين الحفاظ على القيمة الشرائية للجنيه
فين تحمل المسئولية وقت حدوث الكوارث ..ولا شاطرين تتنصلوا من الكوارث وتنسبوها لأخرين
فين الرعاية الصحية لمحدودى الدخل
فين العدالة فى نظرتك يامرسى للشعب كله
هى دى بعض أهداف الثورة اللى كان عندنا أمل انها تتحقق
وحتى الأن مفيش منها أى شىء تحقق
فى الوقت نفسه اللى مؤيدين الرئيس بيشتغلوا الناس بانجازات وهمية لا يشعر بها أحد سواهم
لذلك الثورة فشلت