معلش:)

[مريم السباعى.]

معلش كلمة بتريح كتير
بتبقى زى نقطة مياه
فى يوم صيف طويل
يعنى فى عز جراحك
تلاقى الى يدويك
بمياه سلسبيل
معلش يعنى امسح دموعك
وخليها على الله
يعنى ربنا لو خد حاجة حيدللك حاجات
بس اصبر وادى قبل متقول هات
طبطب جراحك وقوم يلا
مفيش شئ والله يستاهل
مهى اصلا كلها دنيا
ومحدش فيها سائل
عيش يومك بيومه
والماضى خلى مكانه
اتعلم منه وعلى قد متقدر
متكررش اخطائه
بكره الزمن يجى ويحقق احلامه
و لو متحققتش
الاحلام كتير
حاول ومتخفشى
الدنيا لسة بخير
حاول متندمشى
على شئ خلااص فاتك
وبكرة اكيد حتوصل
صدقنى وحياتك

بقلم/اشرقت الشمس

(مريم السباعى)