ست الحبايب

[أحمد مصطفى أحمد موسى]

ست الحبايب * بقلب آيب * وحس دايب * بقولك كل سنة وإنت سعيدة
في واحد وعشرين مارس * ما فيه بطل ولا فارس * غيرك يا غالية ولو كنت قعيدة
ربنا يبارك في عمرك * واحنا تحت أمرك * ودعواتك على روسنا تيجان جديدة
عاوز في كلامي أعم * لكن مين زي الأم * كل واحد فينا عاوز يقول قصيدة
في أمه بالذات * فزي ما احنا ليها فلزات * هي كمان في قلبنا ودمنا ودي عقيدة
عقيدة بالاقتناع * مش جبر ولا اصطناع * دي أكلتنا من أكلها ولنفسها زهيدة
تجوع ولشبعنا تشبع * والرحمة في قلبها كل ما تطلع من تاني تنبع * ولو بانت شديدة
لكن على عيالها ما تستحملش الهوا * ولو تعبوا من عينها ياخدو الدوا * وهي سديدة
كل سنة وانت طيبة يا أما * يا للي بحبك حباً جما * كيفاً وكما * قريبة كنت ولا بعيدة
والسنة الجاية نقولك يا حجة * على الحجاز خديلك هجة * وسيبك من المشاغل العديدة
ربنا يديلك الصحة والعافية * وتكوني من أصحاب القلوب الصافية * ولينا ولغيرنا مفيدة
يالا خلينا نشوف الضحكة طالعة * وبلاش تخليها دالعة * دا احنا عارفين انك كديدة