في حد حصله كدا زينا لمدرسين تعينات 2011

[shimo81]

السلام عليكم

في حد منكم حصله كدا زينا احنا مدرسين محافظة السويس

هناك كارثة حقيقية تحدث داخل مديرية التربية والتعليم بالسويس إتجاه المعلمين الذين تم تعيينهم لعام 2011 وهى كالأتى المديرية تريد الخصم من المرتبات الخاصة بالمعلمين الجدد (تعيين 2011 -2012) بحجة أن المديرية قامت بتطبيق علاوات خاصة لهم بدون وجه حق وعلى العلم أن هذا كلام خاطئ للاسباب الأتية حيث أن العلاوة تأتى على الأساسى وإن الأساسى 226.80 جنية وأن المرتبات تصل إلى 680 جنية وعلى العلم أننا نعمل داخل التربية والتعليم من 2004 وعلى العلم أيضا أن الأشخاص الجدد التى تم التعاقد معهم وليسوا معينون يصل راتبهم الى 680 جنية وعلى نفس الأساسى الذى يحصل علية القدماء حيث أن المديرية تريد الخصم من رواتبنا حتى تصل المرتبات إلى 540 جنية. بمعنى أن تصل مرتبات العقود أعلى من مرتبات المعينين ب 140 جنية.
وحيث أنة تم الذهاب لمديريه التربية والتعليم بالسويس لمناقشة ضم سنوات الخدمة للعقود والمكافئة الشاملة للتعيين وعدم المساس بالمرتبات لأن على حد علمى بأن العلاوة تأتى لأصحاب الرواتب الضعيفة. حيث تم توجيه هذه الأسئلة للأستاذ / سعيد شومانى ولا نجد سوى مهاترات فى الكلام وأشخاص غير مسئولة لا تعرف ماذا تقول سوى محاولة تهدئة الأمر والتهديد بما لا يمتلك.
وعليه فأى أحد له رأى أو يعرف ما معنى أو هدف هذا الفعل رجاء إستوضاح الأمر. وأيضا كيف يتم خصم مبالغ مالية صرفت للعاملين من مرتبات الشهور التابعة لها.

والشئ المهم أنه سوف يتم تنظيم مجموعه من الوقفات الأحتجاجية بداية من يوم الأحد 21/04/2013 بمديرية التربية والتعليم للمطالبة بالأتى:
1- ضم سنوات الخدمة.
2- أخذ العلاوات الخاصة.
3- عدم المساس والخصم من المرتبات كما يريدون وتطبيق الحد الأدنى كما يقول رئيس الوزراء.


يا ريت لو حد منكم عنده تفسير للى بيحصل لينا

ولا حل يقول ويساعدنا

[أشـرف فتحى]

بسيطة نقولهم احنا عايزين نشتغل بعقد ؟؟!!

منعول .... الغباء اللى البلد فيه.

[shimo81]

هو مش غباء تم خصم منا فى حدود 30 جنيه وقالوا كانت علاوة تحسب بشكل خاطيء

وقولنا ماشي

لكن يوصل الحال لهذا

عاوزة حد يفدنا في الموضوع دا

[tsbeeh]

ربنا معاكم وكله ظلم فى ظلم
وعامة ما تزعلش احنا مرتبنا فى الغربية 608 فقط تعيين 3-2011

[shimo81]

انا مش زعلانة بس اكيد في حل

او في سبب

او المديرية عندنا بتنصب علينا

وخاصة ان العقود المعلم المساعد اللى اتعملت معظمها معارفه وعيالهم ووسايط

[ahmed772007]

المشاركة الأصلية كتبت بواسطة أشـرف فتحى

بسيطة نقولهم احنا عايزين نشتغل بعقد ؟؟!!

منعول .... الغباء اللى البلد فيه.

فعلاً فيه غباء وااااااااااضح لدرجة تخنق
غباء × غباء

[shimo81]

الموضوع مش موضوع غباء

سؤال في حد في اي محافظة تانية حصل معاهم كدا

ولا احنا وبس

ولو احنا بس حد عنده حل

ولا الشكوى اللي مالهاش حد ينصفنا منهم

[محمد المهم]

فى محافظة سوهاج ادارة اخميم نفس الكلام سيطبق من شهر مايو القادم

[shimo81]

طيب السبب ايه

نفسي يكون في حد عارف السبب ويفهمنا

[mohsen_mohamed]

حسبى الله ونعم الوكيل عشان هيطبق من مرتب شهر مايو

[shimo81]

واسال يقلوا كانت حسابات غلط من بداية عقدكم وتتاخد باثر رجعي

حسبي الله ونعم الوكيل

ومحدش عاوز يحل حاجة

[tamer h k]

واسال يقلوا كانت حسابات غلط من بداية عقدكم وتتاخد باثر رجعي

حسبي الله ونعم الوكيل

ومحدش عاوز يحل حاجة


في بني سويف تم خصم 26 جنيه من المرتب من شهر يناير 2013 وبيقولوا السبب ان كان فيه خطأ في العلاوات
حاليا مرتب المعلم تعيين 1/3/2011 في بنس سويف 676 جنيه

[shimo81]

احنا كنا بنقبض كدا
676

لكن من الشهر اللى فات وبدأ خصومات ولا ندري سبب ليها

اصبح 604

وقالوا لنا الخصم هيستمر لمدة سنة كاملة

والسبب علاوات غلط

هل الخصم دا بيرجع الميزانية العامة للدولة

ولا بيتوزع عليهم؟؟

واي علاوات غلط

ولا حد بيقول لينا حاجة

[m_nagib_2010]

نعم هذا هو الكلام الصحيح فى جميع محافظات مصر تم تصحيح هذا الخطأ من اسوان الى الاسكندرية

[shimo81]

المشاركة الأصلية كتبت بواسطة m_nagib_2010

نعم هذا هو الكلام الصحيح فى جميع محافظات مصر تم تصحيح هذا الخطأ من اسوان الى الاسكندرية

إذا كان هذا كلام صحيحا نحن لم نعترض

لكن لماذا يخصم منا بأثر رجعي هل هي خطاؤنا

واين الصحيح نريد ان نعلمه

حتى نعرف كم يخصم منا

لا احد يقول اي شيء