أفضل رد على مهزلة الأجور وعدم تطبيق الحد الادنى

[rambo3]

أفضل رد على مهزلة الاجور فى مصر وعدم تطبيق الحد الادنى
فى انتخابات مجلس النواب القادم
ولا يلدغ المؤمن من جحر واحد مرتين
المدرسين عددهم حوالى مليون ونصف + زوجاتهم + أولادهم لا يقل العدد عن ثلاثة ملايين صوت انتخابى
يعنى من الآخر يتحكموا فى نتيجة الانتخابات القادمة كما يريدون فلا تنتخبوا من أهدر كرامتكم وحقوقكم المعنوية والمادية
هما كل همهم المناصب خليكوا ايجابيين واطيحوا بهم من هذة المناصب عبر صندوق الانتخابات الذى يتغنون به ليل نهار
أنا عن نفسى اقسم بالله لن انخدع مرة اخرى ولن اعطى صوتى لمن لا يستحقون مرة أخرى
وحسبى الله ونعم الوكيل

[مجدي محمود علي]

حسبنا الله ونعم الوكيل في كل وقت وحين


سؤال: لماذا هذا الاطمئنان والأمان من جانبهم ألا يعلمون أن الانتخابات قادمة ؟؟ إذا لماذا لا يقيمون لخاطر الناس وزنا؟ هل هناك وسائل أخرى تضمن لهم مقاعدهم؟
لماذا لم يقل من البداية ظروف البلد لاتسمح والعلاوة 15% مع زيادتها مع تحسن الأوضاع ولو قبل السنة المالية القادمة أو مع وعد حقيقي صادق بكبح جماح الأسعار؟
هل تعلم ما مردود نسبة 50% لدى التجار ، طبعا رفع للأسعار بغيظ هو يفهم أن نصف المرتب زاد وهذا ما قاله تاجر الخضار "ألف مبروك المرتب زاد النصحتة واحدة ياستاذ"

[sasagood]

أنا عن نفسى اقسم بالله لن انخدع مرة اخرى ولن اعطى صوتى لمن لا يستحقون مرة أخرى
وحسبى الله ونعم الوكيل

[saad200979]

فعلا افضل رد


تحياتى

[الأستاذ /حمادة سعدالله]

كل من يغلب مصلحته علي مصلحة الوطن فهو لا يستحق أن يكون مصري شريف بل هو مثل الفلول وجبهة الخراب لا فرق بينه وبينهم

[كامل على]

لية بس الكلام التشائمى دة فية اية حدث فهمونا

[Mr MohammedHassan]

المشاركة الأصلية كتبت بواسطة الأستاذ /حمادة سعدالله

كل من يغلب مصلحته علي مصلحة الوطن فهو لا يستحق أن يكون مصري شريف بل هو مثل الفلول وجبهة الخراب لا فرق بينه وبينهم

حضرتك تقصد مين بالظبط الناس اللي بترد ولا الناس اللي خلوا الكيل طفح؟؟؟؟؟؟؟؟؟

[m.nabil]

I'll vote for them. FOREVER

[om mai]

حسبى الله ونعم الوكيل فيهم وفى كل واحد خدع الناس
وان غدا لناظرة لقريب .

[د.السيد العزازى]

جزاك الله خيرا على الخبر ..ونحن انشاء الله تعالى معك فى كل ما هو خير لديننا ولوطننا...

[رجب فهمى]

المشاركة الأصلية كتبت بواسطة الأستاذ /حمادة سعدالله

كل من يغلب مصلحته علي مصلحة الوطن فهو لا يستحق أن يكون مصري شريف بل هو مثل الفلول وجبهة الخراب لا فرق بينه وبينهم

هو انا مش من حقى انتخب اللى انا عاوزه ولا الامر اصبح اللى مش هاينتخب الاخوان يبقى مش عاوز مصلحة الوطن وكأن مصلحة الوطن فقط مع الاخوان ياسيدى الفاضل مبارك كان بيصرف 10 % ومرسى هو كمان بيصرف 10% لماذا لم يقل مرسى وقتها علينا تغليب مصلحة الوطن والرضا بما تقره الحكومة مبارك كان يعين سفير لاسرائيل ومرسى عين سفيرا لاسرائيل مبارك كان يكرم الفنانين ونجوم الكورة وكذلك مرسى فعل مبارك كان يعتقل الاسلاميين ولسوف يفعل مرسى مع اعضاء حزب النور مبارك سجين الان ومرسى كان سجين الامس مبارك كان يرى مصلحة الوطن مع الحزب الوطنى وكذلك انتم ترون مصلحة الوطن مع حزب الحرية والعدالة مبارك كان صديق حسين سالم اما مرسى صديق خيرت الشاطر مبارك كان عميلا امريكيا اما مرسى فلقد اصبح خادما لامريكا وراعيا لمصالحها فى المنطقة النتيجة مرسى يؤدى دور مبارك لكن تحت ستار الدين

[الفيلسوف]

المشاركة الأصلية كتبت بواسطة الأستاذ /حمادة سعدالله

كل من يغلب مصلحته علي مصلحة الوطن فهو لا يستحق أن يكون مصري شريف بل هو مثل الفلول وجبهة الخراب لا فرق بينه وبينهم

كل واحد ضد الاخوان مش مع مصلحة الوطن ؟؟؟؟!!!
كأن الاخوان هم الوطن وكأنهم هم الثورة وباقى المصريين فلول وجبهة خراب
أنا شخصياً شايف ان الفلول هم الاخوان وان جبهة الخراب الحقيقية هى جبهة الضمير
ارحمونا بقى من الكلام الغريب دا كل واحد حر ينتخب من أراد أنا شخصياً من البداية ضد مرسى فى الانتخابات أنا حر - ضد الاخوان أنا حر
حضرتك شايف ان الاخوان هم الصح انته حر
بس يا ريت بلاش حكاية فلول دى الناس كلها فهمت ان الاخوان هم الحزوب الوطنى بس بدقن خلاص يا برنس

[ehababdalla]

كلام صحيح بارك الله فيك انا بدأت اصدق فعلا انه الاخوان ما يفرقوش حاجه عن النظام السابق و انه مصلحتهم فوق كل اعتبار و مش بيهمهم حد غير نفسم . انا نفس اعرف زيادة على الكلام اللى بيحصل ده الدكتور محمد مرسى ما عملش ليه حاجه فى موضوع الضباط الملتحين كل الناس وقفت معاهم ماعدا الاخوان و الرئيس بيتفرج دا حتى اللحية لو ما كانتش فرض دى من باب الحرية و لا الدكتور عبدالله بدر اللى اتحبس فى ممثله من غير ما يقوله فى حقه اى حاجه و القضية بتاعته اتحكم فيها فى يوم و ليلة . حسبى الله و نعم الوكيل.

[محمدومعاذ]

اعلم يا اخى الفاضل اننا نحن المدرسين سنبقى محلك سر على طول طالما اننا لم نتحد ابدا على قلب رجل واحد المفروض يكون فى وقفة جادة تجاه الاجور المتدنية جدا اللى احنا بنتقاضاها وهى اننا نختار وقت مناسب يكون فعال جدا للاضراب وهو التصحيح او الامتحانات لاننا طرقنا كل السبل بدون نتيجة او نطالب بان الحد الاقصى يكون 20 ضعف بس من الحد الادنى على مستوى كل الوزارات وبكدة يكون الحد الادنى مش اقل من 2000 جنيه ومش عايزين كادر لان دى هى المصيبة الكبرى بالنسبة للمدرسين

[Mohammad Fawzy]

المشاركة الأصلية كتبت بواسطة د.السيد العزازى

جزاك الله خيرا على الخبر ..ونحن انشاء الله تعالى معك فى كل ما هو خير لديننا ولوطننا...

ان شاء الله يا دكتور ربنا يكرمك