العزة كلمة عربية

[محمود الدمرداش]

يا غاويين الكلام
و يا مدمنين الصمت
العزة كلمة عربية
يا عاشقين الصبر
و متصبرين بعشق الوطن
العزة كلمة عربية
يا حمالين الأسيه
يا زارعين و يا غارسين
حانة ساعة الحصاد
و كفايانا مواسيه
العزة كلمة عربية
و مسيره ييجي يوم
يفتح الشبابيك
يطرد م العيون النوم
يصحي القلوب
يبدد من سمانا الغيوم
و تسهر - في عتمة ليالينا - النجوم
عشان نصبح ع شمسنا
ع عطر أرضنا
ع جبن همسنا
و نقوم
مسيره ييجي يوم
نلعن الخوف و الظلم
العزة كلمة عربية
سلامة الشوف يا عرب
البدر مبيطلعش ف تمام الشهر
و لا الصبر بيدوم مع القهر
و لا للعمر زهر..
أو خريف أو ربيع
و لا هواش بالكرم ده الدهر..
العزة كلمة عربية
زيها زي الخسه في معاجمنا العنتريه..
العزة
ضحكة ع شفاه الأوطان
تحية الثوار
كلمة الأحرار
العزة قضية
تستاهل نحارب عشنها
نتعشم بيها
و نموت ف عشمها
العزة كلمة عربية

محمود الدمرداش
13\6\2008