مشكلة النسيان..... وشبح السهر

[That Moment]

اهلا بكم اخوتى الاعضاء

انا حاليا فى امتحانات اخر العام 2 ثانوى وانهارة امتحنت عربى وواجهتنى مشكلتين .

المشكلة الاولى هى انى دخلت الامتحان ولقيته ساهل بس فى اسئلة الادب فى اسئلة كنت مذاكرها الف مرة جات فى الامتحان وانا فرحت انى شفتها لأنى عارفها ولكن المشكلة هى انى حسيت انى مش فاكرها خالص ومكنتش عارف اعمل ايه .. بس الحمد لله افتكرت اجمعها بس مكانتش الاجابات كاملة زى ماكنت حافظها ياترى ايه السبب؟ علما ان انا حاليا ناسى اجابات الأسئلة دى فعلا يعنى مش الخوف او السهر هما السبب هل هى طريقة المذاكرة؟

المشكلة التانية والاهم هى السهر فأنا بعانى من موضوع السهر .. يعنى مش بياجيلى نوم وممكن انام 3 او 4 الفجر وده ضيعنى التيرم الاول والتيرم ده حاولت اقضل على المشكلة دى بس برضه مقدرتش .. المشكلة ان انا طول السنة بسهر لأنه بيكون اكتر وقت فيه هدوء فى البيت علشان اذاكر بتر كيز بدون دوشة بس طبعا السهر ايام الامتحانات غلط وبحاول اقضى عليه وكنت بحاول قبل الامتحانات بكام يوم انى اعمل الاتى انام متأخر فى مرة زى كل مرة بنام فيها من سواء 3 او 4 او 5 الفجر واصحلى بدرى يعنى الساعة 10 ونص بالكتير ومنامش الظهر علشان اعرف انام بدرى بالليل بس للأسف مش بقدر اقاوم لما المنبه يرن الساعة 10 ونص وبروح فى النوم واصحى 12 ونص او 1 الظهر. اعمل ايه علشان اقضل على المشكلتين دول؟