اخر اخبار الاحصاء(جريدة المساء)

[الكينج 1]

وزارة التربية والتعليم .. تعترف :
60% من امتحان الإحصاء..من خارج كتاب المدرسة !!
مصدر مسئول: واضع الأسئلة اعتمد علي دليل التقويم المليء بالأخطاء
.. ومستشار الرياضيات: انتظروا نتيجة العينة العشوائية !!
كتب - أحمد عمر :
اعترفت وزارة التربية والتعليم بأن امتحان الإحصاء بالثانوية العامة غير مطابق للمواصفات.. قال مصدر مسئول بمكتب مستشار الرياضيات ان واضع الامتحان خالف تعليمات د.يسري الجمل وزير التربية والتعليم الخاصة بعدم خروج الأسئلة عن الكتاب المدرسي حيث اعتمد علي دليل التقويم المليء بالأخطاء وجاءت منه 60% من الامتحان.
أضاف المصدر - في تصريحات خاصة ل"المساء" - إن واضع الامتحان وقع في أخطاء فنية حيث ان نصف الأسئلة التي جاءت من الكتاب المدرسي كانت من باب واحد وهي: السؤال الأول "ب" والسؤال الثاني "أ" والسؤال الثالث "أ" وقد تجاهل الباب الأول وأتي بفقرة واحدة منه.
أوضح ان السؤال الثالث "ب" ورد بالنص في دليل التقويم صفحة 51 رقم 11 ولم يوجد مثله في الكتاب المدرسي وكذلك السؤال الثاني "أ" التي جاءت في الصفحة 42 رقم 21 بدليل التقويم.. أشار إلي أن واضع الامتحان لم يسبق له وضع أسئلة امتحانات الثانوية العامة وليس له دراية بفنياتها.
قال أسامة زيد مستشار الرياضيات: انتظروا نتيجة العينة العشوائية في امتحان الإحصاء التي ستكون الفيصل موضحاً انه سيتم توزيع درجات الأسئلة التي يثبت انها من دليل التقويم وليس الكتاب المدرسي.
كان د.يسري الجمل وزير التربية والتعليم قد كلف د.رضا أبوسريع مساعد أول الوزير رئيس عام امتحانات الثانوية العامة بتصحيح عينة عشوائية عاجلة لمادة الإحصاء بعد شكوي الطلاب من صعوبة الامتحان.

[alaaoeldin1]

الرجاء من اداره الموقع تذكير وزير التعليم يانه قال انه لايتم الاعتداد بدليل التقويم كمرجع نظرا لانه به العديد من الاخطاء

[mero_63]

حرااااااااااام والله بجد طيب احنا نعمل ايه

[abdalla99]

طيب وهما يجيبوا واحد ملوش فحط امتحانات الثانويه يحطها ليه ولا هو جاى يجرب ف العيال لا حول ولا قوه الا بالله الاهالى طلعان عنيها ف المصاريف دواحد والله كان بيقول انا بصرف على ابنى بقالى كام سنه وعمرى ممسكت الف جنيه على بعضهم بسبب الدروس والمصاريف بتاعت الثانوى الراجل تقريبا كان هيجيلوا جلطه وهو بيتكلم حسبى اللع ونعم الوكيل فيكوا

[shree]

بجد فعلا حررررررررررررررررررررااااااااااااااااااااااااام مش كفاية الفيزياء والرياضة يجو يكملو علينا فى الاحصاء بجد والله حررررااام حسبى الله الوكيل فيكم يا وزارة التربية والتعليم وكل اللى مسؤل عن الامتحانات ربنا ياخدهم الواحد حاسس انة مش هيحصل تجارة حتى بعد ما كان الواحد ضامن ميه فى الميه هندسة

[wolfman]

أنا شايف انهم يعيدوا الامتحان ده مره تانيه لانى والله هانقص فى الاحصاء اكتر ما نقصت فى الفيزياء

[koky_20078]

حسبي الله ونعم الوكيل بجد ده ظلم وحياة ربنا ده حرام خيبو املنا وضيعو مستقبلنا مفيش اكتر من كده ظلم دمرونا بجد انا مش عارفه اقول ايه ولا اعمل ايه ربنا ميرضاش بكده والله العظيم

[مارو90]

وانا كمان والله بقول نعيد الامتحان عشان الاحصا سهلة تتحل بسرعة و يجيبو واحد يحط امتحان زي امتحانات السنة اللي فاتت عشان نجيب مجموع حلو بدل مالمادة السهلة دي تكون السبب في اننا نجيب مجاميع وحشة

[remy@temo]

يا جماعة والله كان فيه اقتراح قريته هنا ف الموقع بس مش عارفة مين اللى كان كاتبه بس بصراحة اقتراح عبقرى وهو ان امتحان الاحصاء دور تانى اللى عايز يدخل فيه عشان يصلح درجته طبعا مش انا احنا ناخد نص الدرجة لا احنا ناخد الدرجة حسب الاجابة زى الدور الاول يعنى ..... بجد اقتراح جميل بس بقى مين اللى يسمع ومين اللى يشوف !!!!!!!!!!!!!!!!