حسبي الله ونعم الوكيـــــــــــــــــل

[توتا الهادي]

يا حماعه انا صدمت فعلا بهذا الامتحان
حسبي الله ونعم الوكيل
يا ريت اي مدرس ىقول لي انا هجيب كام
1-وجل ج وجول
2-زيفوا ثبتوا
3-الادب
كتبت انه يتجه للاتجاه التاريخي حل اخر الواقعي و مكتبتش الاستشهاد
4-وحي ج وحي حل اخر اوحياء هل هيحسبها؟
5-الصغيران
-الخيال في لغه اللمس صراحه مش فاكره حلتها ايه
-علاقه لتمل تعليل حل اخر نتيجه دي اكيد كلها غلط
-القيمه الفنيه ل رجولتها بعد انوثتها النزعه الدينيه عند الكاتب

6-احمد شوقي
تمثل القصيده اتجاه جديد و هو الحنين للوطن(الوصف) ويدل علي تأثره بالقدامي
دلاله اذكرا وصفا عملت تأثره بالقدامي ومخاطبه الصاحبين

القنبلــــــــه النحو طبعا
-الاعراب
مجالات مضاف اليه
الثمره خبر كان
السبيل بدل مرفوع

الاستخراج ممنوع من الصرف مجالات
وعملت الجمله في محل جر نعت عليها كام؟

-انتن تعلين مش تعلون لكن الوزن صحيح

الترتيـــــــــــب كله غلط

-------------------------------------------------------------
بجد حسبي الله ونعم الوكيل ربنا يستر و يعدي التصحيح علي خير
انا السنه اللي فاتت كنت غلطانه في اعراب واحد و نقصت 3 درجات بجد ربنا يستر

[محمد عادل فتحي]

انا عملت الثمره نائب فاعل على اساس تكون مبنى للمجهول صح ولا خطا والسبيل بدل

[pranic healing]

إن شاء الله خير ، انا وقعت في معظم اخطائك هي هي نفسها ...
وطبعا حسبي الله ونعم الوكيل
ونأمل إن التصحيح يراعي صعوبة الإمتحان
السنة الماضية في رياضيات 2 كانت الامتحانات صعبة والمصححين كانوا بيدوا درجات كتيرة ..
و ربنا يسهل بقااااا انا مش قادر أجمع نفسي .. عاوز اهدأ عشان اقدر اذاكر الانجلش ..

ان شاء الله مش هتنقصي زي مانتي متخيله

[توتا الهادي]

اتمني ذلك
حسبي الله ونعم الكيــــــــــــــــل

[pranic healing]

محمد عادل فتحي
صعبانين عليا الناس الي عملت تكون انها فعل مبني للمجهول لان بها المعنى صحيح ...
لكن للأسف نموذج الإجابة بينزل بشئ معين في النحو ميقدرش المصحح يخالفه
يقدر المصحح يعدي او يرفعلك درجات في باقي الأفرع .. وخير ان شاء الله

[توتا الهادي]

يعني تقريبا كام ان مش عارفه اذاكر اي حاجه حسبي الله ونعم الكيل

[ehabelsapa]

إن شاء الله ربنا هينصرنا على القوم الظالمين اللى مش بيراعوا الطلاب اللى طول السنة بيذاكروا وراجعوا المنهج مليون مرة وفى الآخر يجيبلك حاجات أول مرة تشوفها وحاجات غريبة يقع فيها معظم الطلاب وفى الآخر ييجي التنسيق زبالة ويضيع الحلم وكل سنة وانت طيب
لازم من الوزارة تصدر عقوبة صارمة على واضع الامتحان دا عشان محدش يعملها بعده تاني
المفروض اللعب يكون فى المواد العلمية وليست المواد الأدبية التى تُحفظ ولا تفهم ومن إمتى العربي بيتفهم.... وطول عمر امتحانات الثانوية العامة بتيجي مباشرة فى العربي وفى كل المواد ومش بيبقى فيها صعوبة للى مذاكر..
بص لأى امتحان عريي .. عمرك ما تلاقى امتحان زى دا ... دا امتحان اللى يحلوا يكون شيخ من شيوخ الأزهر
بس كل اللى يجيبوا ربنا هقول الحمد لله على كل شئ لأن الواحد أجتهد وربنا لازمن يديك ما هو خير ليك والحمد لله على كل شئ.

يقول الله عز وجل :
بسم الله الرحمن الرحيم
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) صدق الله العظيم.
سلامُ الله عليكم ورحمته وبركاته.

[محمدمصطفى مصطفى]

بالتوفيق إن شاء الله - تعالى-

المرجو أن تهتموا بالمواد القادمة

[كساب السويفى]

اجابة امتحان اللغة العربية للصف الثالث الثانوى 2013

http://forums.exam-eg.com/showthread.php?t=4658

[شبل.عزام]

حتى الاخ االى اسمة رضا مش مسعد بيقول مفيش شكاوى من الامتحان حسبى اللة ونعم الوكيل

[عبدالرازق العربى]

فكر فى القادم أفضل

[ehabelsapa]

من يقول مفيش شكوى من الامتحان ليس طالب وهو مدرس

[ehabelsapa]

المشاركة الأصلية كتبت بواسطة محمد عادل فتحي

انا عملت الثمره نائب فاعل على اساس تكون مبنى للمجهول صح ولا خطا والسبيل بدل

على فكرة كلامك مظبوت وانا تلميذ زيك ووضحت فى الموضوع اللى فى الرابط التالى دا

http://thanwya.com/vb/showthread.php...=1#post5324023