وزير الثقافة أهم وزير فى مصر

[حميد بدوى]

مش هاتصدقوا لو قولتلكم
أهم وزير فى مصر هو وزير الثقافة
اهم من مرسى كمان
واهم من كل الحكومة
واهم من الاخوان
وكلنا لازم نقفوا معاه
وربنا قبلنا وياه
لانه شغال لوجه الله
بيقولوا عليه
بيبيع فجل وجرجير
بيقولوا عليه كلام كتير
أنا بقولكم ربنا كبير
حتى ثقافة الشعب
بقت فيها اهانةلبعض الموطنين
ونسينا ان كلنا مخلوقين من طين
يبيع فجل وجرجير احلى ما يبيع
البلد ويضحك علينا بكلمتين
احلى ما يتكلم عن الغلابة
وهو يكون بيقبض ملايين
ربنا ينتقم من كل اللى بيقبضوا ملايين
بيقولوا عليه دا مغمور ومش من المشاهير
بقولكم هو حد ضيع البلد دى غير المشاهير
اللى معندهمش قلب ولا ضمير
وكل حياتهم تمثيل فى تمثيل

تقاس حجم الجهل فى البلد
تعرف ان السبب فى جهلنا
هما بتوع الثقافة
اللى كلهم كدب ونفاق وسخافة
والخال بيقبض نص مليون
والشعب مش لاقى تعريفة
ملعون ابو الثقافة
انا راضى ضميركم
دى شكل بلد فيها ثقافة
البلد غرقانة فى الجهل والهيافة

لو الوطن كان حاله معدول
كنا قلنا صحيح فى ثقافة
وكان زمانا بقى لنا شكل ولون
انما للاسف الوطن ميت ومعدوم
وكل اللى عرفناه من الثقافة هى الافلام الثقافية
الفين سلام وتحية هى دى الثقافة وهى دى القضية ؟
أنا بسأل سؤال هى البلد دى لو فيها ثقافة بجد
كان مبارك يحكم تلاتين سنة ثقافة اية بس
دا احنا عندنا كل حاجة والعكس
والله ان كان عليا كلكم تستاهلوا الحبس
من زمان وانا مقهور منكم من ايام مبارك وجمال
دا البلد نفسها ماشيةمشى بطال بسببكم
وربنا ينتقم منكم

الشاعر
عبد الحميد بدوى