النظام الجديد للثانوية

[sadq7]

أقترح تماشيا مع سياسة الدولة ومن باب التخفيف على المواطنين ، ومن باب المصداقية إننا نجيب من الآخر .. من الآخر خالص يعنى ببساطة نلغى امتحانات الثانوية ونخلى كل كلية تقبل الطلاب بحسب وظيفة آباءهم:
اللى أبوه دكتور يدخل كلية الطب
اللى أبوه مهندس يدخل كلية الهندسة
وتقسم كلية الحقوق نصفين نصف للغلابة ونصف للأسر القضائية ويكون مكيف ومعزول ومسور ومحمى من المتطفلين وملحق بالمحكمة الدستورية أو دار القضاء العالى.
واللى أبوه حرامى يدخل أى كلية
واللى أبوه حرامى كبير ياخد بعثه لألمانيا أو يحضر دكتوراه علطول.
وبعدين التعيينات تبقى على حسب الواسطة ويكتب ذلك فى الدستور ولكل واسطة وزنها النسبى:
مدير عام c++

وكيل وزارة أو لواء AA

وزير أو لا عب كورة أو ممثل AAA

وهكذا ثم تجمع كل هذه الكروت وعلى أساسها يتم تعيين الموظف الجديد

بالنسبة للحاصلين على مؤهلات قبل النظام الجديد يتم تعيينهم بشرط الحصول على واسطة من الفئة الأولى المتميزة يعنى من كبيرة راقصات أو كبير لصوص وغسيل أموال دون مراعاة التقدير.

حظ سعيد للجميع وعاشت مصر حرة مستقلة وتحييا الثورة.