محتار جداً فى اقسام علوم رياضة واقصى ميعاد للتحويل بعد بكرة

[abdallh_mansour]

السلام عليكم ورحمة الله وبركاته

---

انا محتار جداً بين التحويل للأقسام

عدت نتيجة سنة اولى والحمد لله على مافيها والسمر كورس ربنا يستر وربنا يعينا واعدى فيها


نيجى للأهم بقى عندى وهى مشكلة القسم

انا فى قسم فيزياء حيوى

متاح ليا التحويل للأقسام الآتية : رياضيات , فيزياء سبيشيل , جيوفيزياء , احصاء وعلوم حاسب

الرياضيات انا فاشل فيها

فيزياء سبيشيل ممكن اخشها بس بس يبقولوا اغلب مجال عملها التدريس ودى حاجة انا مش حاببها

الجيوفيزياء هيشيلنى مادتين كمان مدرستهمش فى سنة اولى , والطينة مش ناقصة بلة اصلا

احصاء وعلوم حاسب قسم كويس وسامع ان كله كورسات وبتعدى زى حاسبات ومعلومات لكن القسم عدد طلابه كبير جداً وغير كدا بيكونوا فى منافسة شرسة فى العمل مع خريجين حاسبات ومعلومات

اما فيزياء حيوى الى انا فيه وبفكر اكمل فيه لكن قولت لازم اخد رأيكم , بيقولوا مجال عمله مراكز الاشعة وكدا وممكن افتح مركز اشعة كمان لما اخلص
وهل ممكن اعمل دبلومة تحاليل من خلاله ؟؟ او اعمل الدبلومة الى هى بتاع صيدلة دى ؟؟؟

مع العلم انى فى جامعة المنصورة

مستنى رأيكم ضرورى