مشكله التنسيق

[To Be Is To Do]

معلش حاجه بس حوضحها على السريع جايز متكنش فى وقتها بس فيه ناس مش فاهمه

العلاقه بين التنسيق والدرجات علاقه طرديه بمعنى كل ما زادت الدرجات زاد التنسيق والعكس صحيح

التنسيق بيحصل ازاى مثلا كليه هندسه عايزه 100 طالب فبتشوف اول 100 طالب كاتبين فى رغباتهم هندسه وتقول خلاص كده مش عايزه بعدهم

فلو الدرجات عاليه حيبقى اخر واحد فى ال 100 طالب دول مثلا جايب 99 .. ولو الدرجات قليله حيبقى اخر وحد فى ال 100 طالب دول جايب مثلا 96

يعنى علو التنسيق من انخفاضه مش بيأثر على العدد اللى بتطلبه هندسه اللى هما ال 100 طالب .. المشكله بقى ان هندسه بدل ما تطلب 100 تطلب 80 ساعتها بقى ال 20 الباقيين بيتظلموا وساعتها نظلم التنسيق ونقول ان التنسيق ظلمنا رغم ان الكليه هى اللى قللت العدد وهى اللى ظلمت ال 20 دول

وبس