ارجوكم محتاج مشورة فى موضوع سفر

[عبدة الحلو]

واحد صاحبى سافر كوريا الجنوبية من شهرين وهو مدرس انجليزى وظروفى نفس ظروفه المهم هو كان رايح سياحة ودخل وكسر واشتغل فى مصنع عربيات ومرتبه 1200 دولار فى الشهر صافى بس ساعات العمل طويلة 13 ساعة يوميا واسبوع الصبح واسبوع بالليل ويوم الاحد اجازة المهم اتصل بيا وقالى تعالى عشان فيه شغل كتير وعايزين عمالة كتير دلوقتى انا خايف اروح واخد اجازة واسيب البلد هنا مع انى شغال دروس كويس يعنى بحوالى 2000 جنيه فى الشهر واروح هناك متحملش ساعات العمل الطويلة مع العلم ان طبيعة العمل متعبة وطول الوقت واقف على مكنة تقطيع قطع غير عربيات ارجوكم عايز رايكم عشان المفروض ابدأ دروس الشهر اللى جاى فلازم ااخد قرار دلوقتى

[hema102]

بذل الجهد أمام العائد المغري يحقق المعادلة
أما حسابات السفر تخضع للظروف العائلية والصحية والمادية للشخص نفسة وصلاة الاستخارة ستهديك للخير إن شاء الله

[أ/محمد على عاشور]

نصيحة من مجرب
لا تسافر طالما دخلك هنا كويس
ليه تتعب نفسك وتتغرب عن اهلك

[supermagicoo]

نصيحة السفر والغربة متعبين جدا وهتندم

وطالما دخلك كويس استعين بالله واستمر فى مجالك افضل

[محمد حامد سمك]

استخير ربنا

[مسترأحمدسويلم]

اذا كان دخلك السنة دى 2000 تاكد انة سيذيد كل عام لان اعداد الطلبة هتزيد مع الوقت وسوف تتخطى هذا الرقم
اضف الى ذلك فى حالة عدم التوفيق هناك سوف تعود لتبدا من الصفر هذا رايى وربنا يوفقك لما فيه الخير و الصواب ان شاء الله

[ahmed salh]

لو انت لسة اقل من 30 سنة وتقدرتاخد اجازة بدون مرتب و العملية مش هتكلفك غير مصاريف السفر سياحة
اتصل ع زميلك واساة هتقدر تستحمل العمل في الصنع ولا لا
وتوكل ع اللة

[عبدة الحلو]

انا عمرى 32 سنة ومتزوج وعندى طفلين وشغال هنا كويس بس تعبت من الدروس الخصوصية اديلى 8 سنين فيها وزهقت وحاسس انها فرصة حلوة

[المعذب]

السلام عليكم اخي الفاضل

اقول لك مشورتي
لو مستوى المعيشة في كوريا منخفض بحيث انك تستطيع توفير الالف دولار يكون بكده السفر مجدي لانك يا دوب مرتبك الف جنيه او يزيد قليلا ده حتى عمل بعيد عن التحضير والتعامل مع الادارة وتفاهات كل ما هو مرتبط بالمدارس وايضا الدروس مجهدة وفلوسها ليست متجمعة مثل ان يكون المرتب ثابت

اما بالنسبة لي فأنا اريد ان تعرفني كيفية الوصول لهذا المصنع بكوريا طالما المصنع محتاج عمال لان عندي ابني خريج خدمة اجتماعية ولا يعمل ان كنت هتسافر يسافر معك او لو كنت لا ترغب بالسفر تعطيني عنوان زميلك او تعرفني كيف يصل للمصنع
استحلفك ان تهتم بكلامي لانها فرصة لمن لا يعمل او لمن مرتبه قليل

وشكرا لك وربنا يكتب ما فيه الخير لك وللجميع

رجاء الرد على مشاركتي حتى نتفق كيف نتواصل

[حسام المصري]

سافر يا بني هنا مفيش أمل كل اللي هتجيبه هتصرفه

[عبدالرحمن سيد اللورد]

استاذ عبدة اولا يجب عليك ان تعطى معلومات للاخ اللى طلب منك عن المصنع طالما ايز يستفاد ودة ربنا هيجعلو فى ميزان حسناتك وهايكون سبب فى ان يكتب اللة الخير لك وبعد احترامى لراى الاخوة الافاضل اللى نصحوك بعدم السفر لان فية دروس والعملية ماشيةفانى اقول لهم اللى ايدة فى الميا مش زى اللى ايدو فى النار انا بقالى 13 سنة بدى دروس بدخل 3000 او 4000ومافيش بركة ولوفية احنا زهقنا واتملينا من قرف الدروس والملل وكمان انت مش بتشتغل السنة كلها انت شغال 7 شهور فقط يعنى 14000 طظ فيهم+المرتب رايح فى المصاريفواضف علية 10000 علشان تعرف تاكل يعنى هتعمل فى السنة تحويشة 5000 بس يافرحتى بمصر انا زعلان على ال13 سنة اللى راحت من عمرى بدون ما اسافر مش عارف كان فين مخى اتوكل على اللة بدون تردد وصلى استخارة الاول وحط فى بالك طالما شعبك طلب الحرية يبقى هناكل فى بعض طول العمر ومش بعيد يروح مننا العيش الحاف لان شعبنا لو ذاق الحرية والديموقراطية بجد يبقى مالناش كبير واللى مالهش كبير عمرة ما هيتقدم خطوة وهو دة الواقع ومحدش يزعل منى ولاتنسى افادة غيرك وعرف الناس كيف سافر صديقك وربنا يكتبلك الخير احنا خلاص العمر عدى بينا وماعدش ينفع السفر ربنا يبارك لنا فى رزقنا واولادنا جميعا اللهم امين

[عبدة الحلو]

اشكركم وانا الان اتخذت قرار السفر وجارى الحصول على العنوان بالضبط لكل من يريد المحاولة

[المعذب]

المشاركة الأصلية كتبت بواسطة عبدة الحلو

اشكركم وانا الان اتخذت قرار السفر وجارى الحصول على العنوان بالضبط لكل من يريد المحاولة

الاستاذ عبده يا ريت تكتب لي طريقة نتواصل بها بشأن السفر حينما تصل لعنوان المصنع او عنوان زميلك او تعطيني تليفون زميلك في كوريا

ولك جزيل الشكر

رقم تليفوني للتواصل
01110921711

كتب الله الخير لك وللجميع وجعله في ميزان حسناتك

[ابووطه]

يا ريت تبعتلى رقمه علشان اتصل بيه واسافر ممكن

[amanymhamd]

اخى موضوع السفر مش سهل انت هنا كويس ودخلك حلو ماشاء الله متسفرش وده راء ناس سفروا بدل دخلك هنا كويس حاول تعمل مشروع خاص او اى شى هنا من فلوس الدروس تبقه مع اولادك وتبعهم افضل بكتير اوى من اى مكسب متسبهمش مهما كانت الزوجه انت وحودك اهم من اة فلوس زياده دى رائى