|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
17-07-2013, 04:49 PM
|
||||
|
||||
محدش بيقدّرني هنا ابداااااا !!.. رغم تعبي وجهدي دا كله !!....حرام عليكوا اشمعنا انا .
السلام عليكم ورحمة الله وبركاته
حياكم الله اخوتي .. انا هدخل في الموضوع علطوووووووووول من غير اي مقدمات تلطف الجو ..... محدش بيقدري هنا ابداً في المنتدي محدش بيقدري ابداً لما بكتب موضوع وبتعب فيه ! محدش بيقدري لما بكتب مشاركة او تعليق ! محدش بيقدرني لما بقول رأيي في حاجة ! محدش بيقدررررني يا عااااااااالم محدش بيقدري في البيـــت أمي مش بتقدري لما بساعدها في البيت واعملها المواعين و الأكل وشغل الشقة . أبويا مش بيقدرني لما نجحت وجبت تقدير عالي ولا جابلي هدية . محدش بيقولي كلمة تقدير حلوة محدش بيشجعني علي حاجة مفيش تقدير ابداً كدة !!! محدش بيقدررررررررني يا عااااااااااااااااالم زوجي مش بيقدرني ابدااااااااااا رغم التعب والجهد اللي ببذله معه ومع الاولاد ولا هو هنا اهم حاجة عنده فين الأكل ؟ فين الشرب ؟ معملتيش ليه ؟ مسوتيش ليه ؟ دا بدل ما يجيبلي هدايا اني مهنياه ع الاخر , ومحافظة ع بيته واولاده !! او مفيش حتي كلمة شكر .....! محدش بيقدررررررررررني ياااااااااعالم وزوجتي مبتقدرنيش ليـــه ؟ اكون جاي من الشغل تعبان وقرفان ومش طايق نفسي وعايز كلمة حلوة منها , الاقي دي تقولي مجبتش الخضار ليه ؟ فين الفاكهة ؟ انت عمرك مجبت حاجة كدة ! دا عيشة ..... ومع بوظ شبرين قدام و سايباني وماشية !! دا بدل ما تقدرني وتحس بتعبي ف الشغل ووووووو _ملحوظة مش كل الزوجات كدة طبعا دا قليل , انما الازواج معظمهم مش بيقدر تعب الزوجة للاسف إلا من رحم ربي _ محدش بيقدرني يا عاااااااااااالم محدش بيقدرني في الشغل المدير دا مش شايف شغلي وجهدي الطحن في شغلي واخلاصي ؟! هو مش بيقدرني ليه ؟ ليه مش بيديني مكافأة او اي حافز منه ؟! ليه بس اللي شاطر فيه هو الخصومات ؟؟ ليه زمايلي في الشغل مش بيقدروني ومش حاسين بقيمتي ؟؟ ليه محدش بيقدررررررررررني يا عاااااااااااااالم؟! ليه صحابي مش بيقدروني ؟ دانا ياما ساعدتهم ووقفت جمبهم وعملت فيهم معروف وهم مفيش تقدير ابداااااااااااااااااا محدش بيقدرررني يا عاااااااااااااالم !!!!!!!!!!!! ايه ايه ايه ايــــــــــــــه ؟؟؟؟ كل دا زعيييييييييئ صوتك جاب لاخر المنتدي واخر الشارع واخر الشركة هدي نفسك شوية مش كدة تعالي قولي هنا الأول انت صليت علي النبي عليه الصلاة والسلام وبعدين تعالي قولي كمان انت سبّحت ربنا قبل ما تقول كدة وتتخانق كدة ؟! اشُك الصراحة .... سبحان الله وبحمده .. سبحان الله العظيم سبحان الله والحمد لله ولا إله إلا الله والله أكبر طيب بم انك هديت والحمد لله " ألا بذكر الله تطمئن القلوب " قولي بقي انت بتقول مفيش حد في المنتدي هنا خالص بيقدرك ولا زوجك ولا زوجتك ولا بابا ولا ماما ولا مديرك ولا زمايلك في الشغل ولا صحابك ولا الدنيا كلها بتقدرك صح ؟ ايوووووووووووة صح مش بيقدروني خالص ولا بيشوفوا شغلي اللي بعمله دا ولا بيقولوا كلمة شكر او تشجيع !!!!!! دا جزائي عشان بخلص في الشغل يعني مش حرام كدة ؟؟ طيب اهدي بس كدة مش عايزين عصبية تاني واذكر الله لا إله إلا الله وبتقول حرام كمان انك بتخلص في شغلك ؟ يا شيخ حرام عليك انت . اممممممممممممممم[color="darkred"] انت هتعد تمئمئ استني واسمع بهدوووووء ألا يكفيك ان ربنا بيقدرك ؟؟ ألا يكفيك ان ربنا هو اللي شايفك وانت بتشغل بإخلاص كدة ؟! ألا يكفيك أن يقول تعالي : " وقل اعملوا فسيري الله عملكم ورسوله والمؤمنون " ..؟؟ ألا يكفيك قول رسولنا الكريم صلي الله عليه وسلم : " إن الله لا يُضيع أجر من أحسن عملا " ..؟؟! ألا يكفيك نظر الله إليك ؟؟ يعني مكافأتك من الله سبحانه ولسه مضايق ؟؟ يعني اللي شايفك وانت بتشتغل ولوحدك هو الله ألا يكفيك ؟ [/color] ونعم بالله ...ونعم بالله استغفر الله العظيم كفي بك يارب كفي كفي كفي وبعدين تعالي قولي هنا : هو ايه معني التقدير من وجهه نظرك ؟ التقدير هو اني اسمع كلمة حلوة زي: برافو عليك شاطر ممتاز رائع تسلم ايدك شغلك هايل انت مبدع الصراحة انت خسارة في البلد دي انت زويل رقم 2 يا راجل بس ناقصك نوبل . . . ما شاء الله . طيب جميل يا استاذ زويل.. ممكن أسألك سؤال بقي ؟ بالطبع هل انت اصلا بتقدر نفسك ؟ امممممممممممم هو ف حد بيقدر نفسه برده برده هيمئمئلي تاني !! ايوة طبعااااااااا يا استاذ زويل دا نفسك دي اهم شخص يقدرك بعد الله سبحانه اهم شيء انك تقدر نفسك وتكافأها وتحتفي بها بعد إنجاز اي حاجة .. دكتور ابراهيم الفقي كان مرة حكي موقف عن الموضوع دا بيقول : انا كنت اول مرة افتتح شركتي الجديدة وفرحان جدااااااا ومنتظر بقي طبعا الناس تيجي تبارك وتهني وتفرح معايا وتقدرني وووووووووو وعملت يوم احتفال وافتتاح لها وفضلت مستني ان حد يجي يعبرني مستني مستني طيب اي تليفون يرن يبارك مفيشششششششش . . . لحد مقعدت ع المكتب مُحبط بس عملت حاجة جميلة اوي واحد دخل عنده المكتب اعتقد انه كان متابع حالة الدكتور وان محدش جاله وكدة فاول ما دخل المكتب لقي بوكيه ورد فقاله كويس حد عبرك اهو فلسه بيشوف اسم الكارت ع البوكيه لقي ميـــــــــــــــن ؟ ومكتوب ايه علي الكارت ؟؟ " الف مبروك يا ابراهيم , انت تعبت اوي لحد ما عملت الشركة دي , انت تستاهل وتستحق كل خير ... إمضاء : د\ ابراهيم الفقي " فالرجل استغرب اووووووي وضحك امضاء مين يا خوي؟؟؟ وانا بحسب حد عبرك اتاريك انت اللي بتواسي نفسك يا عيني !! فقاله لا طبعا نفسي دي اهم واحد يباركلي علي نجاحي لانها هي اللي معايا 24 ساعة وهي اللي شافت تعبي وجهدي فلازم تقدرني ....... وخلص الكلام لسه بتقول برده محدش بيقدرني ؟؟؟؟؟؟؟ يلا استغفر الله واخلص النية لله واشتغل بجد جدا وبإخلاص ويكفيك نظر الله إليك , وروح اشتري لك بوكيه ورد وكافيء نفسك وسيبك من الناااااااااااس وهمسة اخيرة لـــــ: لأعضاء المنتدي وللزوج وللزوجة وللوالد وللوالدة وللمدير وللزمايل والصحاب . . # قدّروا الناس ... # اشكروهم " من لا يشكر الناس لا يشكر الله " # الكلام ببلاش والله..بيع كلام حلو تكسب قلوب من حولك .. # الكلمة الطيبة صدقة # ممكن بكلمتك الطيبة دي تغير الشخص اللي قدامك 180ْ فليه تحرم نفسك من الثواب وتحرمه هو من كلمتك المشجعة ؟؟ وجزاااااااااااااااكم الله خيراً
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم  |
|
#2
19-07-2013, 02:12 PM
|
||||
|
||||
|
جزاااااااااااااك الله العلم النافع
وينقل للقسم المناسب
__________________
|
|
#3
19-07-2013, 07:29 PM
|
||||
|
||||
|
كلام جميل جدا شكرا
__________________
New Beginnings Changed hearts, Changed minds, Changed lives |
|
#4
20-07-2013, 05:09 PM
|
|||
|
|||
|
موضوع راااااااائع جداً جداً
وانا عندي اعتقاد وهوة انك لو بتخلص في عملك بجد أكيد الناس هتلاحظ ده وهتقدرك ولو بعد حين ممكن فيه بعض الناس مبتقدرك وده لانهم حاقدين اوكارهينك او او بس دول بعض وليس كل والناس ديه إلي مبتقدرك لانها حاقدة او ماإلى غيره من الأسباب متستنيش منهم شكرا ولا تعبير ولا حاجة
__________________
ربعاوية ومش من الاخوان عشان عارفة ان أي حد بيأيد السيسي هيقول على أي حد ربعاوي انه إخوان  
|
|
#5
04-08-2013, 05:36 AM
|
||||
|
||||
|
شكرا لكم
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم |
|
#6
05-08-2013, 07:11 AM
|
||||
|
||||
جزاكم الله خيرا ، ورزقكم وإيانا الخلق الجميل والعلم النافع .. ولكن .. أيها الإنسان : يوما ما .. ستكون أحد الإثنين .. فإذا كنت من يعمل : فاعمل لله وانس أمر الناس ، إعمل كأنك ستُسَلم عملك إلى الله وهو من سيراه ، وانتظر منه أجرك وثق فى أنه عند الله لن يضيع ، وذلك كافيك عن أجر من الناس ما أبخسه مهما كثر أمام أجر الله . وإذا فعل أحد لأجلك شيئا وإن صغر أو أدى إليك معروفا: فلا تبخل عليه بكلمة شكر من قلبك قد تستحقرها وقد تغنيه عن كنوز الدنيا ...عَنْ أُسَامَةَ بْنِ زَيْدٍ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ صُنِعَ إِلَيْهِ مَعْرُوفٌ فَقَالَ لِفَاعِلِهِ: جَزَاكَ اللَّهُ خَيْرًا فَقَدْ أَبْلَغَ فِي الثَّنَاءِ". أخرجه الترمذي .
|
|
#7
06-08-2013, 04:47 PM
|
||||
|
||||
|
جزآك ربك كل خير وآلتقدير من آلله وحده
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~ |
|
#8
06-08-2013, 08:44 PM
|
||||
|
||||
|
جزاك الله خيرا
|
|
#9
06-08-2013, 10:07 PM
|
||||
|
||||
|
جزاك الله خيرا على الموضوع الجميل
|
|
#12
30-10-2013, 08:40 AM
|
|||
|
|||
|
لن يعرفوا قيمتك ما ان توقفت عن عمل ما تفعله
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 03:04 PM.
