الظلم والاستبداد التعليمى

[That Moment]

اهلا بكم اخوتى الاعضاء

مازلنا نقول ونكرر ان التعليم المصرى هو افشل تعليم فى العالم فحين رضخ الطلاب للأمر الواقع ورضوا بهذا التعليم عانوا من الذل المتمثل بالظلم والاستبداد.

الطالب مش بس بييجى على نفسه وبيذاكر مناهج هو مش بيحبها فى منظومة تعليمية تعتمد على الدش والحفظ ثم وضع الكلام فى ورقة الاجابة ثم نسيانه بمجرد الخروج من اللجنة.....لكنه ايضا لاينال حقه جراء التعب الذى يتعب فيه.

ولعل ابرزها هى موضوع التصحيح الكارثى الذى يظهر فى تصحيح اوراق الثانوية العامة ولكن ليست هذه المشكلة فكل البشر خطاؤون.

لكن الكارثة الحقيقية هى انه حين يتقدم الطالب بتظلم لأنه واثق بأنه مظلوم وفعلا يتم ايجاد اخطاء فى تصحيح اوراقه ويتبين ان له بعض الدرجات التى يجب اضافتها على مجموعه فيصعق فى النهاية بسماعه الرفض من المسؤلين اعادة الدرجات له..

السنة اللى فاتت واحد صاحبي فى 2 ثانوى كان جايب 92.2 وكان حاسس فعلا انه مظلوم فتقدم بتظلم وفعلا لقى درحات من حقه ولكن قالوله :"حنرد عليك بعدين بخصوص اننا نرجعهالك او لا"

السنة دى واحد غيره برضه جاب 92.5 فعمل تظلم فتبين ان ليه 7 درجات فى علم النفس فقالوله "حنرد عليك بعد 10 ايام وانت وحظك اذا كنا حنرجعهالك او لأ"

ايه ده؟؟؟؟؟؟ ايه البجاحة دى؟؟؟؟ يعنى ايه انت وحظك حنرجعهالك او لأ؟؟؟؟؟ مش دى من حقه ؟؟؟؟؟؟مش هو ذاكر وتعب وحل صح وفى الاخر تسرقوا منه 7 درجات كانت كفيله بأدخاله هندسة؟؟؟؟؟؟؟؟؟؟؟؟؟؟؟؟؟ اتحرم من الكلية اللى كان بيحلم بيها من غير ذنب

حسبى الله ونعم الوكيل