فى حد مستغنى عن ثلاث سنوات من عمره

[maro_zaid]

مش عارفة ليه المعلمين مش فارقة معاهم توقف الدرجات المالية وبالتالى توقف الترقى على الكادر المزعوم منذ عام 2008 إلى عام 2012 يعن اللى كان مستحق الدرجة فى 2009و2010و2011 مأخدهاش إلا فى 2012 وبالتالى الترقية إتأخرت ثلاث سنوات حد يقولى احنا ساكتين ليه على عمرنا إللى راح وإللى خلى الأحدث مننا بثلاث سنوات إترقى معانا فى نفس السنة

[mai awad]

من الممكن ان نستعين بالرأي القانوني في ذلك وممكن نرفع دعوات قضائية جماعية ونتواصل مع بعض

[maro_zaid]

المشاركة الأصلية كتبت بواسطة mai awad

من الممكن ان نستعين بالرأي القانوني في ذلك وممكن نرفع
دعوات قضائية جماعية ونتواصل مع بعض

أنا معاكى ان حقنا مش هيرجع إلا لو احنا جرينا وراه بقضية بشكاوى جماعية أو حتى بمظاهرة أمام الوزارة بأى وسيلة المهم ان نكون جماعة ونكون بعدد كبير عشان يهتموا بينا انا مجربة قبل كده بس العدد كان محدود والمطالب كانت غير موحدة وغير محددة وضاع مجهودنا وموصلناش لحاجة ولذلك اتمنى ان نكون متحدين على مطلب واحد ومحدد وعددنا كبير ومن أكثر من محافظة وأنا متأكدة بإذن الله اننا هناخد حقنا لأن ربنا مبيضيعش حق وراءه مطالب

[محمد سعيد رياضيات]

كلامك صحيح مائة فى المائة ولذلك أنا رفعت دعوة من عدة شهور وأنتم عارفين القضاء الأدارى بياخد وقت ولذلك لابد من تحديد يوم ونعمل وقفة أمام ديوان الوزارة بس هل ينفع الكلام ده دلوقتى ولا نستنى لما الأمور تهدى شوية فى مصر يعنى ممكن بعد اجازة عيد الأضحى مباشرة أو زى ما حددوا أنتم وأنا معكم فى كل شىء.

[maro_zaid]

المشاركة الأصلية كتبت بواسطة محمد سعيد رياضيات

كلامك صحيح مائة فى المائة ولذلك أنا رفعت دعوة من عدة شهور وأنتم عارفين القضاء الأدارى بياخد وقت ولذلك لابد من تحديد يوم ونعمل وقفة أمام ديوان الوزارة بس هل ينفع الكلام ده دلوقتى ولا نستنى لما الأمور تهدى شوية فى مصر يعنى ممكن بعد اجازة عيد الأضحى مباشرة أو زى ما حددوا أنتم وأنا معكم فى كل شىء.

كلامك منطقى جداً بس بعد العيد هنكون فى الدراسة وطبعاً التجمع والحشد اثناء الدراسة من عدة محافظات مش هيكون سهل بس برده نتفق ويمكن ربنا يسهل ونجمع غدد وياريت كل اللى موافق على الحل ده يكتبلنا على الموضوع ده وبكده نقدر نعرف العدد كبير ويستاهل عشان الأعداد القليلة زى قلتها وأنا مجربة قبل كده بس رجاء اللى هيقول إنه معانا يكون جاد وصادق

[maro_zaid]

يا جماعة فين الزملاء اللى رايح عليهم سنوات فى الترقية محدش ليه سجل معانا

[علاءمالك]

احنا اتسوينا بالتعينات الحديثه احنا لينا فروق السنوات ده

[maro_zaid]

المشاركة الأصلية كتبت بواسطة علاءمالك

احنا اتسوينا بالتعينات الحديثه احنا لينا فروق السنوات ده

طيب ليه ساكتين لازم نطالب بحقنا لأن القضايا طريقها طويل ومرهق مادياً وفوق كده مش مضمونة

[أحمد وعيوع 100]

يا إخوانى لازم نقف وقفة بجد ، لإن القضاء وقته طويل وهذا حقنا ، وكان سيعطيه لنا الدكتور / أحمد جمال الدين وزير التعليم السابق ، ولكنهم غيروه ، وعندما جاء جمال العربى وزيراً ، حسبها وقال سوف تكلف الوزارة أموالاً كثيرة ، نحن نسكت وكل واحد يرفع قضية ، وعمر المحاكم ما هتحكم لهم فى وقت واحد ، هذا كان تفكير جمال العربى ، ثم جاء إبراهيم غنيم ولم يفعل لنا شيئاً ، فلهذا نريد عمل وقفة جادة من أجل المطالبة بحقوقنا ، وبلاش أنا معاكم قلباً وقالباً ، عايز الذي يكون معنا يكون له دور مهم بالفعل ، وسوف أتواصل مع معلمى محافظة كفر الشيخ وبعض المحافظات الأخرى لكى أحمسهم بهذا الموضوع ، يا جماعة هذا الموضوع حيوى جداً وفى غاية الأهمية القصوى لكل من ضاع حقه فى الترقية
أخوكم / أحمد وعيوع

[maro_zaid]

المشاركة الأصلية كتبت بواسطة أحمد وعيوع 100

يا إخوانى لازم نقف وقفة بجد ، لإن القضاء وقته طويل وهذا حقنا ، وكان سيعطيه لنا الدكتور / أحمد جمال الدين وزير التعليم السابق ، ولكنهم غيروه ، وعندما جاء جمال العربى وزيراً ، حسبها وقال سوف تكلف الوزارة أموالاً كثيرة ، نحن نسكت وكل واحد يرفع قضية ، وعمر المحاكم ما هتحكم لهم فى وقت واحد ، هذا كان تفكير جمال العربى ، ثم جاء إبراهيم غنيم ولم يفعل لنا شيئاً ، فلهذا نريد عمل وقفة جادة من أجل المطالبة بحقوقنا ، وبلاش أنا معاكم قلباً وقالباً ، عايز الذي يكون معنا يكون له دور مهم بالفعل ، وسوف أتواصل مع معلمى محافظة كفر الشيخ وبعض المحافظات الأخرى لكى أحمسهم بهذا الموضوع ، يا جماعة هذا الموضوع حيوى جداً وفى غاية الأهمية القصوى لكل من ضاع حقه فى الترقية
أخوكم / أحمد وعيوع

ربنا يكتر من أمثالك با أ/ أحمد فى جميع المحافظات والله المستعان

[أحمد ال شيخ]

نريد قانون للتعليم صح يضمن جميع حقوق المعلم ماديا وادبيا وينص علية الدستور فنهوض الدول الاخرى كان سببة احترام المعلم وتقديرة

[maro_zaid]

المشاركة الأصلية كتبت بواسطة أحمد ال شيخ

نريد قانون للتعليم صح يضمن جميع حقوق المعلم ماديا وادبيا وينص علية الدستور فنهوض الدول الاخرى كان سببة احترام المعلم وتقديرة

كلام جميل ومعقول وكل شئ ممكن بس المهم اننا نلحق الأقدمية لأنه لو ضاعت وملحقنهاش السنة دى يبقى ضاعت للأبد وذلك ببساطة لو اتحسبت الثلاث سنوات الأقدمية يبقى من حقنا ندخل ترقية السنة القادمة يعنى مقدمناش إلا السنة دى والله المستعان

[maro_zaid]

عجبى على المعلمين هم الفئة الوحيدة اللى بتترك حقها يضيع وحتى لما حد يرشدهم للصح فلا من مجيب عوضى على لله كنت فاكرة فى أمل بس يا خسارة عرفت اننا مش ممكن ينصلح لنا حال

[maro_zaid]

دلوقت إتأكدت ان المعلم فى مصر مش مظلوم لأنه ببساطة هو راضى بحاله يبقى بلاش نشتكى وبلاش كل شوية نندب على حالنا إذا كنا إحنا هانت علينا حقوقنا وقبلنا بضياعها يبقى شوية اللى بيحصل لنا

[maro_zaid]

المعلم المصرى فى أحسن حال ده اللى انا إتأكدت منه من التجاهل للموضوع