تقليل الاغتراب نهاية الاسبوع المقبل

[esooo mohsen]

ياجماعة اقرو معايا الخبر ده كدا عشان هتشل

أكد سيد عطا، مدير مكتب التنسيق بوزارة التعليم العالى، أن إعلان نتيجة التحويل وتقليل الاغتراب للطلاب المتقدمين لجميع الطلاب الذين سجلوا رغباتهم بالتحويل، نهاية الأسبوع المقبل.

وقالت مصادر، إنه يتم الآن تسكين الطلاب وتحويلهم إلى الجامعات طبقًا للشروط التي وضعها المجلس الأعلى للجامعات.

ومن جهه أخرى، يواصل مكتب التنسيق فتح تسجيل رغبات أمام طلاب الدور الثانى للدبلومات الفنية والدور الأول لمعاهد التمريض والذي سيغلق السبت المقبل.


والمصدر اهو http://www.vetogate.com/566078#.UijdCNKBmK5

وبالمنظر ده ولااحنا عارفين هنقدم امتى ولا هنتقبل ولا لا والمدينة الله اعلم بردو هتروح علينا ولا لا وحسبنا الله ونعم الوكيل

[crash442]

يانهار اسود
ايه ده
يعنى انا كدة ضاع علية التحويل خالص وهروح الاسماعلية ؟؟؟؟؟؟؟؟؟؟؟؟
لا ده انا اقلبها عليكو ياوزارة فاشلة ومسئولين فاشلين وبلد بايظة مافيهاش حاجة عدلة

[ahmee77]

سبحان الله وبحمده
>>>

[صالح الخلق]

ليه كده كل شويه يأخروا فيها امتى هنقدم ولا التقديم هيروح علينا

[BedoGamal]

والله نفسى اقول افظ وسخ بس ماسك نفسى .. والله وزارة يعنى كل الالفاظ تتقال عليها علشان نبقى احنا مخلصين امتحانتنا من شهر 6 وشهر 9 اهو ومش عارفين رايحين فين اه يا تعليم وسخ ووزارة اوسح

[abohazem]

فيتو دي مصدر للاخبار الكاذبة فقط

[وميض أمل]

لا حول ولا قوة إلا بالله !!!!!

[nagar3321]

الحمد لله

ان الناس بدات تعرف ان فيتو واليوم السابع اعلام كاذب

[نوران وجدى]

ربـنــــــا يســـــــــــــتر

[abdelrhmanahmedsayed]

شكلوا كده هيلغى التحويل الورقى بجد لو نفذ الكلام ده !

[Hossam Halem]

المشاركة الأصلية كتبت بواسطة nagar3321

الحمد لله

ان الناس بدات تعرف ان فيتو واليوم السابع اعلام كاذب

على فكرة باين اوى انك اخوانى وكل مشاركاتك تشتم فى الجرايد والاعلام !! والله احنا مش منساقين زى حاضرتك بنتفرج على الجزيرة والقنوات التافهة الباقية واعلامك المضلل وجرايدك التافهة !!!!
وارحمنا بقا واليوم السابع وفيتو بتجيب تصريح من الشخص ايه خلاها كاذبة انما انت عاوز تسمع الى يعجبك وتقرا الى تحبه بس !! ناسم مستفزة !
فعلا بلد بقر >_<

[abdelrhmanahmedsayed]

المشاركة الأصلية كتبت بواسطة hossam halem

على فكرو باين اوى انك اخوانى وكل مشاركاتك تشتم فى الجرايد والاعلام !! والله احنا منش منساقين زى حخاضرتك بنتفرق على الجزيرة واعلامك المضلل وجرايدك التافهة !!!!
وارحمنا بقا واليوم السابع وفيتو بتجيب تصريح من الشخص ايعه خلاها كاذبة انما انت عاةوز تسمع الى يعجبك وتقرا الى تحبه بس !!

ملوش لازمه الكلم ده من الطرفين .............لا ده وقته ولا ده مكانه !
وعلى فكره اقسم بالله انا لسه متصل ب مكتب التنسيق حالا وقالولى ان النتيجه السبت او الحد ! ! !

[علاء039]

ردود منحطة من اناس منحطين خلقيا وادبيا فلو كل كلب عوى القمته حجرا لصار الصخر مثقال بدينار فالرجل نقل الخبر من الصحف واذا بشخصيات فاشله ترد عليه فى انحطاط ووقاحة مفتقدين ابسط قواعد الادب فاشلين حتى فى التعبير فى لغتهم فبدلاد من ان يكتب قوى يكتبها أوى ماهذا الانحطاط ؟

[اللاعيب2008]

يا عم علاء انت ما تهدي شويه بقي دا انتا عايز تشعللها وخلاص مين انت يعني علاء مبارك .. كفايه بقي علي رأي مكي بلد بقر

[Hossam Halem]

المشاركة الأصلية كتبت بواسطة abdelrhmanahmedsayed

ملوش لازمه الكلم ده من الطرفين .............لا ده وقته ولا ده مكانه !
وعلى فكره اقسم بالله انا لسه متصل ب مكتب التنسيق حالا وقالولى ان النتيجه السبت او الحد ! ! !

بجد انا اتخنقت من الشخصية دى هو والى اسمه علاء عالم مستفزة
أنا كلمتها ( عميلى بمكتب التسيق )) كمان من شوية وقالت هى قريب جدا اقصى حاجة الثلاثاء !! القادم والتاجيل ده بسبب عطل فى السرفر كرهونى فى ام السيرفر