1200 جنيه حد أدنى

[mr/Guirguis George]

الببلاوى: 1200 جنيه حد أدنى للعاملين بالحكومة بداية من يناير المقبل

الأربعاء، 18 سبتمبر 2013 - 17:55


حازم الببلاوى
كتبت هند مختار

قال الدكتور حازم الببلاوى، رئيس مجلس الوزراء، إن المجلس حدد الحد الأدنى للأجور للعاملين بالحكومة 1200 جنيه بداية من شهر يناير المقبل.

وفيما يتعلق بالقطاع الخاص، قال الببلاوى إن الأمر المتعلق برواتبهم، معروض على المجلس القومى للأجور، وإن هناك حاجة للمزيد من المناقشة بين رجال الأعمال والعمال وسيتم الانتهاء منه خلال الأسبوع للمقبل.

وأضاف فى مؤتمر صحفى بمقر هيئة الاستثمار: "أن الحكومة طالبت الوزراء بحصر المستشارين والمكافآت التى يحصلوا عليها لترشيد الإنفاق، وأن المجلس طالب من وزارة التنمية الإدارية متابعة مدى تنفيذ هذه القرارات".

ولفت إلى أنه تم تشكيل لجنة من التنمية المحلية والآثار والسياحة والإسكان لبحث حالة المساكن والكنائس والمساجد التى تضررت نتيجة الأعمال الإرهابية التى تمت مؤخرا.

http://www.youm7.com/News.asp?NewsID=1256127

[المصري أشرف]

ياجماعة الخير ... How ... ؟؟؟؟
يعني أنا إتعينت من 17 سنة مرتبي 1581 جنية هاييجي الحد الأدني 1200 طيب
هاتحاسبني إزاي عن كل سنة إقدمية وبالقياس علي من هم أحدث وكذلك من هم
أقدم .. أنا معنديش مانع يارب يبقي مليون جنية حد أدني بس عايزين ناس تفهمنا
وتحترم عقولنا .. إزاي .. لأشق هدومي

[hagag2011]

نرجو ان تكون اخبار صحيحة والحد الاقصي فين

[mr/Guirguis George]

الخبر صحيح و اذعته كل القنوات مباشر
و اكيد طبعا هيكون فى تدرج فى الرواتب
لأن غير مقبول ان يكون واحد لسه متعين
ياخد زيه زى اللى بقاله 10 سنين
ان شاء الله اللى جاى افضل
شكرا على مروركم الكريم

[مامت هدير]

اللى انا فهمته من كلامه اللى اتعين امبارح هياخد 1200 وانت وانا وغيرنا زى ما احنا يعنى تعب السنين جه ابن امبارح اتساوى بينا اى ظلم واى حرقة دم

[عبدالرحمن ابو حبيبة]

الحد الأدنى أول راتب المتعين حديثا
وباقى العاملين الذين راتبهم اكبر من 1200 زى ما هو مافيش فية زيادة

[h2714]

ياجماعه الناس دى قررت ان الانسان علشان يعيش حياة كريمة ياخد 1200 جنية طيب والمسؤل عن 6افراد اصغرهم فى 2 ثانوى وعنده بنات للجواز يبقى اكيد 6فى 1200 يساوى 7200 جنية مش ده اللهما بيقرروه

[Mr. Ali 1]

كم مرة قرأتم فيها مثل هذا الخبر بالضبط ؟!!

هل تم تنفيذه ؟!! ترضون بمجرد كلمات وتصريحات جوفاء وتتعاملون معها علي أنها أصبحت حقيقة وواقع والمشكلة أصبحت في مساواة القديم مع الحديث ؟!!

لا تشتري السمك وهو مازال في الماء . انتظر حتي يصطاده الصياد ثم اشتريه .

لماذا يناير المقبل ؟!! لماذا يتم تسويف الأمر في كل مرة ؟!!

وأين هو الحد الأقصي ؟!!

انتظروا المفاجأت في الفترة المقبلة .

تسقط هذه الحكومة الفاشلة .

شكراً علي الخبر

[h2714]

انا فعلا ارجح هذا الرىء باخذ 1450 وبقالى 24 سنه باعمل واول فبض ليا كان 75 جنية وعانيت الامرين وشحت بمعنى اصح ومبديش دروس ولا لية شغلانه غير التدريس اتساوى بزميل لسة متعين اليوم ياخذ مجمل 1200 الفارق 200 خبرة 24 سنه يارتهم ماولدوا هذا الفأر كانوا سابونا كده بالامل مستنى يعنى هو قدر حياه كريم للفرد ولاللاسرة يعنى موظف اسرته خمس افراد كلهم فى المدارس وموظف لسة متعين اليوم مين الهيعيش ويستحمل ده فية حاجة غامضة انا عاوز اشتغل مستشار مافيش حد عنده واسطة ليا حسبى الله ونعم الوكيل

[حد السيف]

ممكن اعرف المعاشات هيبقى ايه الوضع؟

[وائل رسلان]

المطلوب نظام جديد للاجور ...... وليس حد ادنى فقط

لو تم تطبيق الحد الادنى فقط و بهذا الشكل ..... سيكون هذا ظلما كبيرا لنا ...

[الفيلسوف]

مع انى مش شايف انه قرار مدروسة أوى بس خطوة للأمام ربنا يصلح حال مصر

[khgyu]

الاخوة المستعجلين
الخبر كان تصريح إعلامي بالأمس مجرد تصريح ، صدور القرار الوزاري المعدل للاجور لم يصدر بعد تعديل جميع الرواتب للدرجات والفئات والوظائف الحكومية أمر حتمي ، وكذلك تعديل الكوادر والبدلات والحوافز والمكافآت

[agomaa60]

كلام الأخوة صحيح و سمعت ذلك علي القناة الأولي الحد الأدني 1200 جنية و اللي مرتبة أكثر من ذلك لن يزيد منكم للة

[simsim elmasry]

قولهم اصل انا انا ما بكلمهمش !!!
عموما انا لو اطبق هيبقى في مصلحتى
وبعدين لو فيه موارد طب ليه مش بيطبق من شهر 7
عموما لما نشوف اخرتها ايه با بلاوى...؟؟؟؟