لاصحاب الخبرة الانتداب الى مدرسة اخرى بأقدمية التعين ام بأقدمية الدخول الى المدرسة

[نادوو251]

اخوانى المعلمين ارجوا التكرم منكم بالرد سريعا وياريت اللى عندة مستند يبعتة انا تعيين 2011 وزميلتى تسبقنى بالتعين وهى معلم اول ولكن اتت بعدى الى المدرسة بحوالى 3 سنوات وانا الاصلية فى المدرسة فمن يحق لة لانتداب الى الخارج وشكرا لكل من يقدم لى المساعدة

[ancient mariner]

اولا الانتداب الى خارج المدرسة الى اين -ده سؤال مهم -
يكون الانتداب اما بطلب نقل او يتم عن طريق التوجيه لسد العجز في مكان ما
فاذا كان التو جيه و من اجرى هذه الحركة فيتم الانتداب بالحدث بمعنى انه ينتدب الى خارج المدرسة الاحدث في التعيين او الاحدث في الترقي ولا عبرة بالتواجد في المدرسة فالاساس الاقدميات العامة

[alneseem]

بأقدمية فى التعيين

[ahmedsalamaa]

اذا سالت في التوجية العبرة بالاحدث تعينا

[تأبط خيرا]

العبرة بالأحدث دخولا المدرسة فإن مر عليه عام فإنه لا يصبح الأحدث دخولا ويأخذ الأحدث تعيينا ...... عموما الواسطة لها فضل كبير ***ها الله

[ميرو1988]

مفيش حاجة اسمها الاحدث دخولا الى المدرسة سيبك من الكلام ده ده تفصيللات بيعملوها

يعنى لو عاوزين ينقلوك وانت الاحدث دخولا للمدرسة هيقولوا كده ولو انت معلم خبير هيقولوا محتاجين الخبرة ولو انت صغير هيقولوا عشان صغير هما بيدوروا على اى حاجة وخلاص واى حجة للنقل

لكن الكلام الصحيح بقى زى ما قالك الاخوة ينقل الاحدث تعيينا

[kalass]

العضو / ميرو 1988 الرد ممتاز هو ده اللى بيحصل فعلا.
وأظن مفيش أى معيار لا الأقدمية فى التعيين ولا الأقدمية فى المدرسة التوجيه بيختار اللى يقدر عليه

[ميرو1988]

المشاركة الأصلية كتبت بواسطة kalass

العضو / ميرو 1988 الرد ممتاز هو ده اللى بيحصل فعلا.
وأظن مفيش أى معيار لا الأقدمية فى التعيين ولا الأقدمية فى المدرسة التوجيه بيختار اللى يقدر عليه

انت عاوز المعيار الحقيقى فعلا ؟
هو الاقدم فى التعيين لكن هما بيالفوا القوانيين على كيفهم لو انت صغير يقولك احنا عاوزينك عشان نشيط لو كبير يقولك خبرة وكفاءة مش بيغلبوا

ده انا مرة قريت عن معلم خبير خلاص فاضله اربع سنين ويطلع معاش مبهدلينه اخر بهدلة ويبنقلوه بحجة الخبرة

[Azhar Aly]

الكلام دا حصل زيه معايا المدرسة عندنا مفهاش حصص تكفى وجودى انا وزميلتى فالموجه انتدب الاحدث تعيين ولا عبرة لاقدمية التواجد بالمدرسة

[elsayed121]

النقل أو الندب يكون على أساس الاقدمية وتكون
1- الوظيفه المسكن عليها حاليا ً وتاريخها
2- تاريخ أستلام العمل
3- تاريخ الميلاد

[MR.Mamdouh Ramadan]

بأقدمية فى التعيين

[hananabdelwahab]

انا تم نقلى الى مدرسة من اسوأ المدارس بالسويس بحجة انى لم انتدب من قبل الى القطاع الريفى وان هذه المدرسة ستحسب قطاع ريفى وعندما اعترضت قيل لى انن امضيت 6 سنوات بمدرستىويحب ان انقل لمدرسة اخرى مع العلم بان جميع من بالمدرسة اقدم منى دخولا لها وانىمدرسة اعدادى ونقلونى من قبل لمدرسة ابتدائى ايضا بحجة انها قطاع ريفى وعندما طلبت ان اذهب الى مدرسة قطاع ريفى اصلى قالوا انه لايوجد سوى كبريت وهى اخر حدود السويس مع اسماعيليةوهذا للتعجيز طبعا وبعد عدة محاولات منى ومن مدير مدرستى للحول دون نقلى لانى مسئولة الحكومة الالكترونية وحجرة التعليم الالكترونى بالمدرسة الى جانب نصابى 18 حصة صمموا على نقلى ولا اعرف السبب حتى الان

[ميرو1988]

المشاركة الأصلية كتبت بواسطة hananabdelwahab

انا تم نقلى الى مدرسة من اسوأ المدارس بالسويس بحجة انى لم انتدب من قبل الى القطاع الريفى وان هذه المدرسة ستحسب قطاع ريفى وعندما اعترضت قيل لى انن امضيت 6 سنوات بمدرستىويحب ان انقل لمدرسة اخرى مع العلم بان جميع من بالمدرسة اقدم منى دخولا لها وانىمدرسة اعدادى ونقلونى من قبل لمدرسة ابتدائى ايضا بحجة انها قطاع ريفى وعندما طلبت ان اذهب الى مدرسة قطاع ريفى اصلى قالوا انه لايوجد سوى كبريت وهى اخر حدود السويس مع اسماعيليةوهذا للتعجيز طبعا وبعد عدة محاولات منى ومن مدير مدرستى للحول دون نقلى لانى مسئولة الحكومة الالكترونية وحجرة التعليم الالكترونى بالمدرسة الى جانب نصابى 18 حصة صمموا على نقلى ولا اعرف السبب حتى الان

حاجة من الاتنين

اما حد موصى عليكى او عاوزين يجيبوا حد مكانك

[callayax]

الاحدث تعيينا طالما أن الاقدم استلم العمل فى المدرسة واستلم الجدول وعمل به وليس هناك شيء الاقدم دخولا الى المدرسة حتى ولو تساوى التعيين يكون الاكبر سنا

[ddiiaabb]

الاحدث تعيننا وهذا كلام موسوق بة ولا دخل فى اقدم بالمدرسة او احدث العبرة بالتعيين يعنى الاحدث تعيين هو الى حينتدب وشكرا