تم ترقيتي من معلم إلى معلم مساعد !!!!!!

[أبو حاتم الدرعمي]

هااااااااااااااااااااااااااااااااااااااااااااااااا ااااااااااااام جدااااااااااااااااااااااااا

لو سمحت يا جماعة أنا اتعينت في يناير 2012 أوائل خريجين في التربية والتعليم، على أساس أني معلم، ولكن في شهر 7 / 2013 تم تغيير المسمى الوظيفي بالنسبة لي وأصبحت معلم مساعد، يعني الناس بتطلع لفوق وأنا بانزل لتحت، مش فاهم حاجة، هو أنا بس إلى حصل معايا كده؟
طب في حد من الأوائل حصل معاه نفس الحكاية دي؟
هو الواحد بينزل في الدرجة الوظيفية في مصر ولا يبطلع لفوق؟
يرتهم عينوني وزير بعد كده ينزلوني حتة حتة زي ما هما عاوزين؟
أنا خلاص رميت طوبتي وفوضت أمري لله.
من فضلكم حد يرد عليا قبل ما يحصلي حاجة

[mena gerges123456]

بدايه التعيين معلم مساعد علي سلم كادر المعلم

حتي ولو كنت دكتور وعايز تشتغل في التدريس البدايه معلم مساعد

لاني لينا قانون يحكمنا 155 لسنه 2007 والقانون 93 لسنه2012

[شيكو بيكو بيكو]

انت اتعينت يا استاذنا معلم بس بالعقد وليس العقد المميز ( المعلم المساعد )
وكلنا مرينا بأسوء من كدة لاننا اول ما اشتغلنا اشتغلنا بالحصة ثم بالعقد العادى ثم العقد المميز ثم التعيين ؟
يعنى لسة امامك سنتين على التعين كمعلم ؟
وشكرا .

[اسماء احمد عبدالسلام محمد]

انا تعيين اوائل الخريجين مثلك بالظبط سالنا فى الاكاديمية احنا على درجة معلم بس تعامل ماليا معاملة المعلم المساعد والكلام ده من اكتر من سنة واحنا كل الاوائل كدة ورجعوا خصموا الفرق من معلم لمعلم مساعد لمدة شهور ووصل مرتبنا من 800 الى 520 جنيها
بس ان شاء الله قانونى هنتم سنتين فى شهر واحد ونتحول لمعلم مع اجتياز الكادر طبعا

[أشـرف فتحى]

كان حد قالك أطلع من الأوائل

يا عزيزى أنت فى مصــــــــــر

[ahmed salh]

لا تعليق
الا ان دة هو الكادر