انت زعلان ليييه؟

[reham H]

السلام عليكم ورحمة الله وبركاته
يا جماعة عاوزة اقولكم بس حاجة صغيرة اوى كلنا بننكرها
انا اولا مش غريبة عن ناس هنا انا كنت فى المنتدى دة قبل كدة بس العضوية باظت لما المنتدى وقع السنة اللى فاتت و عملت عضوية جديدة
المهم دلوقتى لقيت ناس بتقولى ان اللى ذاكر ومذاكرش بيجيب درجات عالية او العكس يا جماعة الكلام دة غلط فى للأسف ناس بيقولوا انهم ذاكروا وما جبوش مجموع طب ازاى؟
يا جماعة اللى ادى للكتاب حقه واللى فهم الثانوية العامة صح واللى حفظ المواد اللى بتتحفظ وفهم المواد اللى بتتفهم صدقونى بيجيب مجموع ولو ما جبش يخش الكلية اللى هوه عاوزة ربنا بيوفقه وبيدخل كليه اقل اه بس بينجح فيها جدا ودى بتبقى لحكمة عند ربنا زى مثلا احمد زويل اهو مش خريج صيدلة مثلا وخريج علوم بس دلوقتى احسن مليون مرة من اى دكتور صيدلى مركون فى صيدلية محدش بيدخلها
انا مش ضد الناس اللى بتقول انها ذاكرت ومجبتش مجموع لسبب بسيط انى انا بنت متفوقه جدا ومش غرور منى بس ثقة بالنفس والامكانيات كان ممكن مستوايا يجبنى ل 98% بس (الاستهتار ) خلانى بقيت 90% يااااااااااه مع انى كنت من الاوائل زمان وكنت فصل فائقات اولى ثانوى وغيروه وغيروه وكنت يوم النتيجة انا جبتها الساعة 2 من 2 لحد 5 الفجر التليفونات شغاله وكل ما اقول لحد 90% الغريبة ان محش بيصدقنى وبيفتكروا انى بدارى (على ايه بلا خيبة )
بس انا بقى عارفة نفسى ودة الفرق بينى وبين حد هيقعد يعيط طول الاجازة على حاجة هو متعبش علشان يوصلها انا لقيت فعلا ان مذكرتى تجيب 90% مع انى مكنتش متوقعاها بس يا جماعة ياريت نكون واقعيين اكتر
انا مش بقسى على حد بس عاوزة كل حد يحاسب نفسه بينه وبين نفسه علشان ميفضلش خامم نفسه ويعيط ويندم
انا دلوقتى عاوزاكوا تقولولى ياترى فعلا فى حد اخد اكتر من حقه فيكم وياترى بعد كل واحد ما فكر مع نفسه حس انه ما اخدش حقه

[fethaghors]

فعلا كل واحد بياخد على اد مجهوده ولازم يحاسب نفسه بعد النتيجه
أنا جبت جيد جدافى اولى وكنت استاهلها
فى تنيه كل الناس زادت بس انا جبت جيد زعلت شويه فى الأول بس لقيت ان انا استاهل كده وم من حقى الوم حد غير نفسى ولازم السنه الجايه ابى احسن

[amal yassen]

السلام عليكم
بصى انا بجد عندى اقتناع تااااااام
" قل لن يصيبنا الا ما كتب الله لنا "
انا نزلت عن اللى توقعته لنفسى
بس لسه قدامى فرصه تانيه وان شاء الله هتعوض اللى راح
وندخل ان شاء الله الكليه اللى اتمنيناها
والحمد لله الموضوع لسه فى ايدينا
ميرسى جدا يا ريهام على موضوعك

[mohamed mohsen]

الحمد لله انا عندى قناعة تامة بدرجتى وعارف انى كان فى امكانى اعمل اكتر من كدة بكتير بس للاسف الانسان عامة يحزن على الحاجة الى تضيع منه وميحسش بقيمتها وهى بين ايديه وعلى ماذاكرت على قد ماربنا ادانى انا على فكرة جايب 90%
المشكلة بقى انى كدة ولا طلت سما ولا ارض ومش عارف هدخل ايه
يارب التنسيق يقل

[The bat]

دى حقيقة لا يمكن إنكارها لأن أستاذى الفاضل أ/وليد عبد الله رزق كان دائمآ يقول لى يا أحمد على قد ما هتذاكر على قد ما هتجيب كلمة حكمة والله العظيم.