طلبه ثانوى تتفضل الحلقه التانى :))

[Mustafa Aboalwafa]

السلام عليكم ورحمه الله يا شباب

الحمدلله الواحد حلص الميد تيرم وعمل اللى عمله وفضينالكو


النهارده 21-11 ياعنى بدانا نخش ف الجد وف الوقت ده بيبقى فيه كذا نوع من الطلبه


النوع الاول : ناس بتذاكر من اول السنه وذاكرت كل حاجه وممكن تكون راجعتهم كمان والحمدلله مفيش حاجه وقعت منهم والنوع ده غالبا بيبقى مذاكر من اول السنه ومنظم


ونصيحتى للنوع ده : متزهقش ومتملش هتحس ساعات انك زهقت من كتر االمذاكره وتعبت ومش هاتقدر تكمل ف المذاكره بالطريقه ديه والحل للحوار ده انك تفكر انت بتختار بين تعب 5 6 شهور كمان او انك تحقق حلم حياتك ومفيش مانع انك تخرج خروجه كده وتروح تتفسح ف حته عشان ترفه عن نفسك قبل المعمعه




النوع التانى : ناس بتذاكر بس مقضيينها مع المذاكره وعاملين توازن بين المذاكره وبين الخروجات والترفيه ودول هيلاقوا فيه كام حاجه ف كل ماده وقعت منك

نصيحى للنوع ده : ماتتهزش وماتقلقش انت مذاكر كويس بس فيه كام حاجه وقعت منك انت محتاج شويه جهد و شد حيلك شويه واستمر ف التوازن اللى انت عامله بين المذاكره والترفيه بس كل مالامتحانات تقرب حاول تزود المذاكره وتقلل الترفيه


النوع التالت : وده لسه مايعرفش اى حاجه عن المنهج ولا يعرف هو عايز يبقى ايه


نصيحتى للنوع ده : انت اللى حطيت نفسك ف الموقف ده وانت اللى بايدك تخرج منه ولازم تتحمل مسئوليه تصرفاتك شويه وتحاول تبذل اقصى جهد عشان تحقق اللى انت عايزه ولو كانت مش فارقه معاك فهى تفرق اكيد مع والدك ووالدتك واكيد هما نفسهم يفرحوا




قبل ماقفل الموضوع :سواء كنت من النوع الاول او التانى او التالت

اللى جاى اهم من اللى فات شد حيلك عشان توصل للى انت عايزه واوعى تياس واوعى تزهق

بإمكانك ان تقنع نفسك بأنك قادر على فعل المستحيل، وبإمكانك ايضاً ان تقنع نفسك بأنك عاجز عن فعل اي شيء. باختصار، فإن العزيمة والعجز يبدأان في الذهن



اى حد عنده سوال يتفضل
الحلقه الاولى : http://www.thanwya.com/vb/showthread.php?t=559626