|
#1
04-12-2013, 10:02 PM
|
|||
|
|||
الانتداب الجزئي ..!!! افيدوني
السلام عليكم ورحمة الله
لو سمحتم انا عاوزه اسألكم فى حاجه دلوقتي انا متثبته 2011 معلم رياضيات ابتدائي وعامله تغيير مسمى وظيفي لاعدادي والقرار طلع وواخده بيه رقم اني اتحول بس لسه اسامينا مش نزلت فى المديريه لكن معايا ما يثبت اني تحولت لمدرس اعدادي وكنت منتدبه لمدرستي الحاليه السنه اللى فاتت من قريه طنت بشتغل فيها قعدت فيها شهر ولقيتهم جايبنلي جواب انتداب لمدرسه تانيه فيها عجز لحين عودة مدرسه من اجازتها المرضيه يعني انتداب من انتداب وخلوني اروح بحجه انه ينفع الانتداب من الانتداب ولما المدرسه رجعت كانت قبل الامتحانات باسبوعين رفضوا رجوعي بحجة انه ممنوع التنقل ايام الامتحانات .. واشتكيت لوكيل الوزاره وساعتها عرفت انه مينفعش انتداب من انتداب واني لو اشتكيت هيروحوا فى داهيه فاضطروا فى الاداره يرجعوني بسرعه عشان معملش مشاكل الكلام ده كان فى السنه اللى فاتت فى نفس توقيت دلوقتي النهرده بقى لقيتهم جايبنلي جواب انتداب ماضي عليه الموجه الاول رياضيات لمدرسه تانيه لسد العجز وانا عاوزه الغي الانتداب ده لعدة اسباب 1- المدرستين اللى بشتغل فيها واللى مفروض انتدب ليها فى ظهر بعض يعني الحوش فى ظهر الحوش والاتنين فى بيئه وحشه جدااا وزباله وكلها بلطجيه وبتوع مخدرات وانا اصلا بحاول انقل من مدرستي .. لكن المدرسه التانيه بتطل على زراعات يعني المدرسه فى وسط زراعات وهيه فترتين والفتره التانيه اعدادي وبنسمع كلما كتير عن تجاوزات غير اخلاقيه لبنات وشباب فى الزراعات دي قدام المدرسه ومحدش بيقدر يتكلم .. فانا مش امن نفسي اروح هناك لان حتى شكلي بلبسي مختلف تماما عن البيئه هناك وملفت للنظر .. واخاف على نفسي يجرالي حاجه فعلا 2- انا ساكنه اصلا فى مكان بعيد جداااا عن مدرستي والمدرسه الجديده تعتبر ابعدلي كمان هما قارنوها بان المدرستين فى ظهر بعض لكن انا بركب تاكسي لمدرستي والمدرسه التانيه لان طريقها فى الزراعات محدش بيرضو يدخل هنا والموجه بتاعي بيتحجج بانهم فى ظهر بعض مع ان كل مدرسين مدرستي من المنطقه دي وكلهم رجاله يعني سهل يمشوا الخطوتين دول 3- انا الوحيده فى المدرسه اللى مؤهلي اعلى منهم لان المسمى الوظيفي بتاعي اعدادي انا بكالوريوس علوم ودبلوم تربوي يجي بعدي مدرس بكالوريوس تربيه وبعد كده دبلوم معلمين واخدوا دبلومه تربوي وفى دبلوم صنايع وبيدي رياضيات لسنه رابعه هل ليا الحق انه انا اللى انتدب بما اني الاحدث للمدرسه ولا المفروض يوزعوا الحصص عليا انا الاول والمدرس اللى بكالوريوس تربيه باعتبار انه احنا الاساسيين وبعد كده المدرسين اللى اصلهم دبلوم معلمين وبالتالي ينتدبوهم هما وانا لا ؟ 4- انا اصلا جدولي فى مدرستي من اول السنه 24 حصه وبقية المدرسين لانهم كلهم رجاله وبيتدلعوا علييا اللى شايل 8 حصص واللى شايل 16 حصه ولان 3 منهم مسيحيين بيكملولهم بحصتين تلاته دين وعاملينها حجه انهم بيدوا دين مسيحي فمش عايزين ياخدوا نصابهم فى الرياضه طيب المنطق يقول انه انا اللى شايله 24 حصه اطلع انتدب برا انتداب جزئي وانا اللى شايله نصابي ولا اللى مش مكمل نصابه هوه اللى يطلع ينتدب براا ؟ 5- دلوقتي الانتداب جزئي يعني 3 ايام فى المدرسه التانيه وفى مدرستي يومين ونصاب الرياضيات للفصل الواحد 8 حصص اسبوعيا يعني معنى ذلك اني لازم في يومين ادخل 8 حصص ينفع بقى انهم يعملولى الجدول ادخل الفصل 4 حصص يوميا ؟ ............ دلوقتي انا عاوزه الغي الانتداب ده هل لو رحت للموجه الاول رياضيات هيسمعنى ويعمل حاجه .. وانه انا فعلا معايا حق ويشوفوا غيري ولا اخدها من قاصرها واقدم على اجازه او نص اجر عشان اهرب من الانتداب ده وهل مفيش قانون ينظم حركة الانتدابات ؟ يعني ينفع انتدابين فى السنه الواحده ؟ او كل سنتين مثلا ؟ 
|
|
#2
05-12-2013, 12:03 AM
|
|||
|
|||
|
السلام عليكم
اولا ابشرك بالخير ان نصاب الرياضيات قل في الابتدائي اصبح 6 حصص وفي الاعدادي اصبح 4 حصص بالقانون 460 الصادر في 1/12/2013م اصبح الان الجدول هيرتاح بالنسبة لمدرسي الرياضيات. ثانيا هي فرصة اذا انتدبتي لمدرسة اعدادية لان عجز كبير جدا في مدارس الاعدادي والثانوي وللاسف نحن غير قادرين على تغطية العجز لان معظم مدرسي الثانوي كبار درجة يعني النصاب صغير وبياخد غالبا 3 ثانوي يعني السحب لسد العجز من الاعدادي فبما انك هتنتدبي هتكوين نفذتي النشرة بناعة تغيير المسمى لانها لو ما نفذتيش لاعدادي باقرار قيان بالعمل واخلاء خلال 3 شهور لمدرسة اعدادية يبقة القرار بتاعك يتلغي بالامر التنفيذي .اتلغت ان شاء الله لم تنفذي بعد سنتين بامر الله لو حابة تغيري ثانوي مسمى وظيفي اهلا بكي اخيرا: فاهمك جدا لان عارف ستايلك دا وعارف الاماكن دي جدا لكن تحملي في بداية عملك شويا وبعدها نطلب طلب نقل داخل المدينه او بلدتك اذا كنتي ف بلد ثانيه باذن الله او تطلبي تروحي مدرسة لغات لتتناسب مع ستايلك في اللبس والتعامل.. لا تقارني نفسك ابدا ابدا ابدا بمن هم ادنى لان العيب الكبير ان تم تعيننك في الابتدائي انتي وامثالك ويوجد للاسف ناس كثير منفسنين من الاخر كدا من الشباب اللي اتعلم دا و بيترقى دي عقدة لكن الله المستعان وش نشوي تحياتي واي استفسار اسالي سلام عليكم
|
|
#3
05-12-2013, 12:20 AM
|
|||
|
|||
|
اقتباس:
اولا شاكره لك اخي الكريم على الرد قريت فعلا انه تم تخفيف النصاب للحصص بس على ما يطبق اصلا هنكون دخلنا فى التيرم الثاني خصوصا ان ادارتنا متاخره فى كل حاجه ولله الحمد موضوع الانتداب انا اشتغلت حوالى 4 سنين فى قرى والمدرسه اللى بشتغل فيها حاليا اول مدرسه ادخل فيها فى المدينه لكن هيه فى حته نائيه جدااا وكنت رايحالها انتداب كلي فى نص شهر 10 \2012 وفى بداية شهر 11\ 2012 رجعوا انتدبوني لمدرسه تانيه فى نفس المحيط بتاع المدرسه دي وكان انتداب من انتداب ورجعت على الامتحانات لان جواب الندب كان مكتوب عليه لحين عودة المدرسه اللى انا رايحه مكانها من الاجازه المرضيه وكانت شهر ونص تقريبا ورجعوا على اخر السنه يعني فى التيرم التاني الاداره حاولت تتطلعلى جواب ندب تاني عشان يبقوا 3 انتدابات فى السنه الوحده وقتها كنت اتثبت فى المدرسه ولما خافوا اني اشتكي انه ازاي 3 انتدابات فى السنه الوحده لغوه دلوقتي رجعوا عاوزين ينتدبوني تاني المسألة مش مسألة اني اتحمل فى بداية عملي لاني تحملت فعلا 4 سنين ونص خارج المدينه وكل ماكنت بحاول ادخل واجيب وسايط وكيل الوزاره شخصيا الاداره من كتر الفساد اللى فيها مش ترضى تنقلني حتى لما عينوا دفعه جديده من المكافئات الشامله والمميزين دخلوا بعضهم داخل المدينه وكانت الحجه لما اشتكيت باسم وحده عرفتها فى مدرسه معينه انها مسيحيه وراحت اشتكت وقالت ان احنا فى زمن صعب والامن غير مستقر فى البلد كلها وانا اخاف على نفسي من اني اسافر اي قريه جنب المدينه وياريتهم حتى دخلوها فى المدارس النائيه فى المدينه لا حطوها فى مدرسه فى قلب المدينه طيب يعني المراعاه بتكون للى متعين حديث وهوه اصلا بعقد وجاي لسد العجز فى القرى والمثبتين لا ؟ و موضوع اني انقل اعدادي قالولنا هينقلونا برا المدينه برضو ودي مشكله تانيه للاسف ده غير انهم ممضيينا على قرار اننا مش نتنقل طول ما الابتدائي فيه عجز وبعدين كل الكلام ده سابق لاوانه لانه لسه المنشور اللى باسامينا مش وصل للاداره والمديريات القرار موجود بالاسامي فعلا انه تم قبولنا لكن تغيير المسمى لوظيفي فى صحيفة الاحوال لسه مش اتغيرت وانا بدور حاليا على حل لمشكلة الندب دي ؟ سمعت انه لا يجوز ندب نفس المعلم مرتين متتاليتين .. هل الكلام ده صحيح ؟
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:15 AM.
