عايز تبقى ناجح فى حياتك من خلال مجموعك أيا كان

[عبدالرحمن طارق]

أولاً: السلام عليكم ورحمة الله وبركاته , أنا مشترك في المنتدى من أكتر من سنة بس

مكنتش بخشه علشان أنا كنت فى تانية ثانوي وفى أعضاء كتير معرفهمش بس شكلهم

ناس عسل والله وبسلم عليهم كلهم وربنا يوفقعم


ثانياً: من أغلى نصائح طالب الثانوية العامة إنه ميخليش هدفه كلية واحدة بل عشرة

بحيث أنه لو مجبش أول هدف ليه مينهرش ويقول إن مستقبله ضاع لأ يخش التاني أو

التالت أو ...


ثالثاًً: أنت تعبت ولا لأ ؟ , ذاكرت السنة دى كويس وبما يرضى الله ؟

خلاص يبقى اطمن سواء جبت مجموع حلو أو وحش ( إن الله لا يضيع أجر من أحسن

عملاً ) يعني ممكن ربنا يكون فتحلك باب تانى غير الثانوية العامة زي رجال الأعمال اللى

أكترهم معهمش شهادة , وممكن ربنا يكون فتحلك باب من الثانوية لو جبت مجموع

عالى , ولوجبت مجموع وحش بس انت عارف انك تعبت يبقى ممكن يكون لك نصيب من

كلية وحشة زى كلية الحقوف اللى بتقبل من مجموع منخفض بس بتطلع قضاة و وكيل

نيابة