دخلة الاهلى بنظرة تاربخبة

[Dr.mayson]

اولا اكيد كلنا شفنا دخلة الاهلى اللى مصورين فيها ان مينا موحد القطرين بيقضى على الزمالكاوية البيض وبيوحد الابيض والاحمر يعنى الداخلة بتاعتهم بتقول ان مينا فى الاصل كان بيلبس تاج احمر (يعنى اهلى ) ولما جه يوحد القطرين قتل اللى بيلبسوا تاج ابيض (الزمالكاوية يعنى ) وطبعا دا مش صحيح فالتاريخ يقول


زي ما اخدناها فى الكتب الدراسيه من ايام الاعدادى ونشوف مدي التوافق مع اللى هما راسمينه

اولا بنظره تاريخيه

التاريخ القديم لمصر بيروى ان مصر كانت مقسمه مملكتين او قطبين زي ما بيقولو المملكه الاولى مملكة الشمال وكان التاج الخاص بيهم لونه احمر

مملكة الجنوب وكان ملكها مينا وكان التاج الخاص بيهم ابيض

استطاع الملك مينا حاكم مملكة الجنوب، توحيد الوجهين البحري مع القبلي حوالى عام 3200 ق.م (يعني بالضبط من 5208 سنه وليس 7 الالاف سنه) وبكده مينا كون اول اسرة فى تاريخ مصر .

وبالطبع تم توحيد التاج واصبح ابيض فى احمر


تم تسجيل انتصارات الملك مينا على مملكة الشمال وتوحيده البلاد، على وجهى لوحة تعرف باسم "لوحة نارمر"، والتي كرست للملك وتم الكشف عنها عام 1897، ويرجح المؤرخون أن "نارمر" هو "مينا"، وقد وجدت هذه اللوحة في مدينة "الكاب"، وهي موجودة حاليا بالمتحف المصري بالقاهرة، وللوحة وجهان، الوجه الأول يصور الملك "مينا" وهو يقبض على أسير من أهل الشمال، وعلى رأسه التاج الأبيض .



اذن منذ امد التاريخ والتاريخ بيسجل انتصارات اللون الابيض على الاحمر بل الابيض هو اللى بادر بالتوحيد عشان المصلحة العامه للملكه الفرعونيه

خلصنا من دي

نيجي لحتة الهكسوس قام الملك احمس اللى كان فى الاسرة ال 18 بطرد الهكسوس اللى جهم مصر سنة 1786 ق.م يعني بالضبط من 3794 سنه مش 7000 زي ما قالو

وفى الوقت ده كان الملك احمس ذات نفسو لابس تاج الايض فى احمر وطرد الهكسوس سنة 1580

وعلى فكرة الحروب دي كانت بره مصر خالص والتاريخ بيقول انها كانت فى ارض فلسطين ودي سقطة تانيه فى حد ذاتها



باختصار بقي

*التاريخ بيقول ان مصر كانت مملكتين ودائما الابيض هو اللى بينتصر بل هو اللى وحد مصر

*تانى حاجه ان الهكسوس اللى طردهم ملك احمس اللى هو اصلا بيلبس تاج ابيض فى احمر +ان الحروب فى فلسطين

*ثالثا لما حد يجي يفسر فيكو الدخله يبقي فاهم هوا بيقول ايه عشان وربنا ما كنت فاهم ولا كلمة من اللى بيقوله


* رابعا وده الاهم .. قطع في التيفو بمساحه حوالي 10 متر تبقي فضيحه والدخله تعتبر فاشله بكل المقاييس

* خامسا جلاد لونين احمر فوق واصفر تحت .. تقليد اعمى للترجي + خوف وجهل وسوء تنظيم

* سادسا الخوف الرهيب من الحكومه وكان معاهم شماريخ وبارشوتات واتضربت بعد المتش دي فضيحه اكبر وادهي

*سابعا "بوقعه" كشف دخلتهم قبل الماتش بيوم بل كشف التفاصيل اللى جواها وده مش شئ جديد علينا

ربنا يزيد فضايحهم


منقول من زمالك تى فى واللى معترض على الكلام ياريت يقرا كتاب تاريخ 3 اعدادى