|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
|
|
#1
19-02-2014, 10:26 PM
|
||||
|
||||
خليك فى حالك ... خواطر
جاءت نسائم الحرية
لتنقذنى من الغرق وتشفينى من الارق تبث الروح فى جسد تبخر بعدما احترق وترسل من سنا امل الى يائس مسترق ************* يا تربة الحريه ما ازكى ازهارك وباسم الوطنيه رجعلنا جزارك ********** مستعجل جدا وعايز تموت وتروح القبر تعالى هنا تعالى فى مصر اركب عباره او اركب قطر وقول رايك بحريه ومتخافش واعمل عتريس وبطلقه واحد من البوليس و لخبر كان تبقى عريس والاعلام يعمل عليك اكبر حفله  ويتوصى بيك وائل ولميس و الفتاوى تنزل ترف موتوه اقتــلوه ده ريحته نتنه ما انت ارهابى  وعميل وخسيس ما انت عارف انك مصرى و دمك رخيص ؟؟؟ والشعب متابعك من الكواليس فرحان بموتك مش سامع صوتك ضحكوا عليه الضلاليه ما هو شعب نادر و نفيس وفيها ايه
خليك فى حالك ربى عيالك خليك جليس ان كنت محمد او موريس تسمع افلام تسمع اغانى وملكش دعوه بالسياسه ولا بالوزير ولا بالرئيس واللى ينهب ينهب براحته دى بلد الشامخ والبوليس وهشام جنينه طلعوه مجرم كبير مجرم خطير وكمان اخوان وده عشان بيقول الحق ولو قديس ومش مؤيد للنظام يبقى خسيس و اعدى اعداء السلام ومش مهم يموت الف او مية الف من الشرطه من الجيش او من الشعب واهم شئ انه المشير يحقق حلمه العويص حلمه الكبير ويبقى رئيس والساعه الاوميجا والسيف الاحمر ويبقى زعيم زعيم الشعب مفيش فكر ولا رؤيه كل اللى عنده جرعه عاطفيه ما انتو انتو نور عينيا شعب عاطفى ..شعب ونيس بينسى بسرعه بسرعه جدا ما هو شعب طيب لكن هيفوق وبكره تروق والمره الجايه عارف الحرميه لكن المشكله بينسى بسرعه ان كان لويس المحتل قتــل الشعب وبعد هزيمته وفى دار لقمان كان حبيس وافرج عنه ما هو شعب طيب و أنيس طيبته زياده تجيب الضغط وتجيب السكر و مفيش فايده خليك فى حالك وربى عيالك لكن اللى داق طعم الحريه صعب جدا يبقى قفيه وبكره تروق والشعب يفوق ويبطل ينسى 
|
|
#2
20-02-2014, 09:43 AM
|
|||
|
|||
|
خواطر جميله جدا
لكن اللى داق طعم الحريه صعب جدا يبقى قفيه
|
|
#3
20-02-2014, 01:33 PM
|
||||
|
||||
|
أشكرك على تلك الكلمات
|
|
#4
20-02-2014, 05:54 PM
|
|||
|
|||
|
هى الحرية وصلت لأراضينا إمتى ياسيد وائل ؟
جت فى 25يناير والناس بتموت فى الميدان والإخوان بتربط مع سليمان ؟ جات لك إمتى الحرية ؟ لما سمعت قوة عزيمة إيمان رجالة مرسى فى كل مكان ؟ الحرية جت للكل لما سمعنا جرس الكنيسة بيتعانق مع صوت الأذان يوم 30يونيو والناس فى كل ميدان وكل شارع وكل مكان عيش الوهم ياصحبى فإذا كان الشباب متشائم ! يبقى نقول ع الدنيا السلام كم يساوى دم الجندى فى نظرك ياثائر ؟؟؟ شكرا جزيلا
__________________
الحمد لله
|
|
#5
21-02-2014, 09:49 AM
|
||||
|
||||
|
الحرية انتُزعت مع بداية ثورة يناير ... اللى حاول المجلس العسكرى تحويلها الى فوضى ... وانتهت مع نهاية حكم مرسى بكل سذاجتة السياسية
الحريه مش رفاهيه او كماليات الحريه هى اساس التقدم والرقى الحريه هى اللى بتصنع جدار الشفافية اللى بيحمى البلد من الفساد فترة مرسى والاداء كان ضعيف لكن مع وجود الحريه كان فيه سياحه معقوله كان فيه استثمارات فى مشروع تنمية قناة السويس .. كنا بنتكلم عن اول سياره مصريه ... اول تابلت ... كان الشباب عنده عزيمه .. كان فيه امل بعد نكسة 30 يونيو ... بنتكلم عن قتــلى وانفجارات .... وارهاب محتمل ... وانتو شعب واحنا شعب ... واهم شئ انه المشير يحقق حلمه ويبقى رئيس .... مفيش فكر ولا رؤيه ... العوده للحلول الامنيه والعنــف والعنـــف المضاد .... مفيش حلول سياسية ... ان اعترضت تبقى عميل ...الشرطه والجيش والقضاء دويلات عظمى داخل دولة الشعب الصغيره .. المشهد واضح جدا ومش محتاج توصيف دم المصرى عندى غالى جدا .. ايا كان شرطه جيش شعب ... لكن كم يساوى دم المصرى عند ممن يريد ان يحقق حلمه ويصبح رئيس
|
|
#6
21-02-2014, 01:47 PM
|
|||
|
|||
|
كان عليك أن تتقبل النقد والرأى الأخر
إنت قلت وأنا رديت ونترك الحكم لمن يشاركنا ولا إيه ؟ مالوش لزوم تعصف بحق غيرك بنكسه وغيره لأن معظم من شارك فى يناير هو من شارك فى يونيو إلا بضع فئات واضح للكل ملامحهم وأهدافهم فالأغلبية من الشعب مع الثورتين إلا من يريد خلق عراك بينهما فتتولد الفوضى ويكون المراد والمستهدف والمخطط له شكرا أستاذ وائل
__________________
الحمد لله
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 03:06 AM.
