مشكلة تأجيل الدراسة ومنهج الحاسب الآلى 3 ع

[mido_tota]

بعد تأجيل الدراسة اسبوعين كانت هناك ثلاث مقترحات لحل مشكلة المناهج
الاقتراح الأول : الغاء يوم السبت الاجازة وجعله يوم دراسة عادى
وتم رفضه تقريبا لأن فيه مدارس اصلا مش بتاخد السبت اجازة
الاقتراح الثانى : مد الدراسة حتى الانتهاء من المناهج
وتم رفضه بسبب امتحانات الثانوية والدور الثانى ورمضان ... الخ
الاقتراح الثالث : حذف بعض الاجزاء من المناهج وهذا ماتم الاتفاق عليه مع مستشارى المواد

ولكن ما وجدته فى منهج الحاسب الآلى بعد الحذف ماهو الا استخفاف بعقول المدرسين حيث تم دمج كل اسبوعين من المنهج القديم فى اسبوع واحد بغض النظر ان فيه اسابيع بتضييع كده كده منها اول اسبوع والاجازات ...الخ خصوصا ان الحاسب الآلى عبارة عن فترة واحدة يعنى لو فيه يوم اجازة فى الاسبوع فيبقى فيه اكيد فصل او فصلين مش هياخدوا حاسب اسبوع

عايز رد من مستشارى المادة او من يصل اليهم كيف ندخل الأسبوع الأول مثلا ثم نقوم بمراجعى للطلبة على ماسبق دراستى باعتباره مكمل لمتهج الترم الأول ثم نبدأ بشرح البيانات وانواعها وقواعد تكوين الاسماء والمتغيرات وجملة التخصيص فى فترة واحدة

عايزنا نكروت قولوا كروتوا ... كله بيضحك على كله والموجه يقولك ظبط نفسك والمعلم الشاطر هو اللى يخلص المنهج الاول ::