يومى متلخبببط خااااااالص

[Nana_kh]

السلام عليكم ورحمة الله وبركاته

هيا فى شكوى هشكيها بس متستغربوهاش

مفيش حد بيقبل انو يقول حاجة وحشة عن نفسه
بس مفيش حد يرضى يسيب نفسه كده



مشكلتى انى لو حصل ايه فى يومى

لازم نومى ميقلش عن 12 ساعة ومنكن يزيد

جدولى متلخبط خالص

المذاكرة فى يومى لا تزيد عن ساعتين بيور كل عشر دقايق مذاكرة باخد وراهم ساعة راحة

رغم انى بحب المذاكرة

منكن ارجع من الحصة 9 اقعد على النت لغاية 10 انام اصحى 2 او 1واصلى ركعتينن واقرا قران واقول خلاص هذاكر وبعدين احس بالوحدة و اقعد الف فى البيت واتحايل على حد يصحى معايا لانى بخاااف مش خوف عفاريت وكده بس بحب ديما يبأى فيه صوت جمبى او حد يباى معايا وطبعا عشان كلو بينام فبروح ع النت اقعد ساعتين تلاتة واشقر ع المكتب فى النص وبعدين اشغل القران على حسب موبايلى بأى بايظ ولا شغال لانه بيعلق وبعدين اقعد ع المكتب واقول خلاص هذاكر بعدين احس كانى سخنة ومش قادرة ابص فى الكتاب واقعد ع النت تانى لغايةة الفجر اصلى وانام لغاية الظهر 12 وبعدين افطر واخد برشامة الحديد وى بدوخنى جدا وبعدين بنام لغاية 4 اذاكر بسرعة اللى منكن ينجحنى فى امتحان الحصة وارجع الساعة 9

ملحوظات

من قريب عملت موضوع اسمه الفيزيا بعبعى بس اكتشفت ان ده مع كل المواد
ماما قلقت عليا وودتنى لدكتور وادانى 12 برشامةفى اليوم كلهم مهضمات وفواتح شهية على اساس انى منكن اكون مبذاكرش عشان ضعيفة ومباكلش

لما بتبأى عليا حصة فى الصبح او عند الظهر زى الاتنين والجمعة بنام فى الحصة تقريبا او ببأى صاحية بس مش مركزة خالص مع المستر

صدقونى انا عندى رغبة فظيعىة فى انى احقق حلمى وفعلا عايزة اذاكر بس لما اذاكر وامسك كتاب بتنححححححححح

فى ناس قالولى حسد

بس انا عرفة نفسى كسولة جدا من زمااااااااااااااااااااااااااااااااان
بس نفسى بأى اغير من نفسى
لو قضيت السنة دى بكسلى ده وضعفى
هفضل كده طووووول عمرى

السيناريو ده بيتكرر كل سنة
بس كنت بطلع الاولى على فصلى بس ومكنتش برتب اوائل ع المدرسة


جزاكم الله خيرا على حسن استماعكم

بجد مش عارفة ازاى استحملتوا تقروا الموضوع كله

ربنا يجازيكم الجنة