شعبنا المصري............إتغير

[نهي نوير خميس]

بعد إنتهاء إنتخابات الرئاسة لسنة 2014
أقدر أقولكم ملاحظاتي التالية:
1)الشعب المصري معظمه عاطفي يا إما بالحب الشديد أو بالكره الشديد والأقلية الوسطية في عاطفتها
2)الشعب المصري شعب زكي جدا لما يشغل مخه محدش يقدر يضحك عليه إلا بمزاجه
3)الشعب المصري مش بتاع ضغط إعلامي صحيح إحنا إنقسمنا إلي إعلام فلول وإعلام إخوان بس محدش بيصدق إلا اللي هو عايز يصدقه مهما كانت الأدلة
4)الشعب المصري مبقاش زي زمان ياخد علي قفاه ويسكت حتي ولو مقدرش يثور في ميدان التحرير عنده 100 طريقة يثور بيها
5)الشعب المصري خلاص مبقاش زي زمان "صم بكم عمي"لن يسكت علي الحصول علي حقوقه حتي لو فيها موته"
6)الشعب المصري أخد فرصته في الديمقراطية "بس بطريقة همجية أحيانا كثيرة"
7)الشعب المصري قد يصنع ديكتاتور بيده ولكن يستطيع أيضا أن يزيله بيده
8)الشعب المصري أحلي شعب لما يبقي إيد واحدة ضد الظلم والفساد
وأخيرا
9)مصر ليست بلد المصريين "مصر هي عشق ودم يسري في عروق المصريين الأوفياء"
بحبك يامصر ياقاهرة الطغاه
ن.ن