دفتر ذكريات رمضان

[أمــلــي فــ ربنـــا كبيــــر]

السلام عليكم
و كل سنه وانتو طيبين ودايما بخير
في كل سنه ف الوقت دا بيجي شهر كلنا بنستناه
هو عندنا اجمل شهر ف السنه
كان دايما شهر مميز
حتي قبل ما نعرف ازاي نصوم
في نفس كل واحد فينا رمضان له معني مميز
واحساس مختلف
و " ذكريات "
عايشه جوانا
منها اللي بتتكرر كل سنه
وف كل مره بيبقي لها احساس مختلف و فرحه جديده
ومنها اللي عمرها ما هترجع تاني لأن ببساطه اللي صنعو لنا الذكريات دي راحوا
وسواء كدا او كدا
بنفضل فكرين وعمرنا ما بننسي الذكريات دي
لانها بتبقي من اجمل ذكريات عشناها

ومن هنا جالتي الفكره دي
هنا هنشارك بعض ذكريات رمضان
و نفتح لها قلوبنا ونحسها و نحيها من جديد

مستنيه اسمع احلي ذكريات رمضان
يارب الفكره تعجبكم