كارئة حقيقية في المرتبات في مشروع الموازنة الجديد

[aymanharhash]

من يدخل على صفحة وزارة المالية ويحمل الموازنة الجديدة سيجد في ص 41 كارثة حيث سيلغى الاعفاء الضريبي على العلاوات الخاصة ولن تضم الى المرتب بعد خمس سنوات كما هو الشأن الأن بمعنى لن يزيد الاساسي الا اربعة جنيهات كل عام للدرجة الثالثة وخمس للدرجة الثانية والاولى

[sadq7]

كارثة
إن شاء الله يكون الكلام غير نهائى .

[sadq7]

المصيبة إن التقرير بيقول إن هناك طفرة كبيرة فى المرتبات فى آخر ثلاث سنوات وهذا الشىء مزعج ومقلق جدا وبيسموه تضخم فى المرتبات !!!!!!
ربنا يرحمنا ليس لنا سوى الله.

[عمر المنياوى]

هذا الكلام غير صحيح وغير منطقى وعموما لاتوجد اى نشرة رسمية وصلت للمديريات
وبعدين تم اضافة علاوة 2009 والاساسى ارتفع مع بداية الموزنة الجديدة

[سارة عبودة]

وبكره تشوفوا مصر !

[هو في ايه]

يا استاذ ده العادي والمتبع ان العلاوة لا تضاف على الاساسي الا بعد جمس سنوات مش المرتب اومال يعني ازاي حضرتك بتقبضها دلوقتي وعلاوة2009 هي الي تتضاف السنة دي باذن الله على الاساسي الي حضرتك بتقوله عن زيادة 4جنيه وخمسة جنيه ده للمعينين جدد والزيادة بالتفصيل 4جنيه و80قرش و4جنيه علاوة اجتماعية يبقى الاساسي بيزيد 8جنيه و80قرش للمعين حديثا الى اقدمية خمس سنوات وده الي كلنا اتعينا عليه ووقعدنا خمس سنين الاساسي يتحرك ببطء للسبب ده مش معنى كدا انه عاجبني ولا انه صح بس ده الواقع من زمان ارجو اكون اوضحت واتمنى البعد عن العناوين المثيرة والله اعلم بالسبب

[heshamarabe]

يا استاذ العلاوات الخاصة تضم الي الاساسي بعد مرور خمس سنوات علي العلاوة يعني السنة دي علاوة 2009 اضيفت للاساسي ده قانون والقانون لا يلغية الا قانون اخر مش مشروع موازنة لسة في علم الغيب اطمئن حضرتك واصبر شوية

[seeen]

بغض النظر عن الكلام العقلانى الجميل فى دحض كلام وزارة المالية الا ان الواقع ان فعلا صفحة 41 جاء فيها نصا ما يلى
وقد تم تعديل منظومة الزيادة فى الأجور حيث
تم إلغاء الإعفاء الضريبى على العلاوات الخاصة ووقف ضمها للراتب
الأساسى بعد مرور خمس سنوات، بجانب وقف التعيينات بالحكومة من
الأبواب الخلفية على أن تقتصر فقط على الباب الأول للأجور ومن خلال
منظومة تتسم بالعدالة والشفافية، ومع ربط التعيينات الجديدة بنسبة لمن
يتم خروجهم من الخدمة بالجهاز الحكومى، وهو ما سيحدث قدر من
السيطرة فى هذا الشأن.
- 41 - منقول كوبى وبيست من البيان الختامى للموازنة ارجو الاطلاع عليه السؤال دلوقتى ازاى ننظم نفسنا ونرفض كدا طبعا دا مش خاص بينا كمعلمين بس لكنه على جيع العاملين وبم اننا اقل الفئات مع الاطباء والمحليات فى الرواتب واكثر العاملين عددا فيجب رفض ذلك اسوة بالقضاة وموظفى البنوك اللى رفضوا الحد الاقصى للجور صحيح محدش عبرهم لسه بس دا مؤشر خطير دا معناه ان الكادر التعبان كمان اتفرغ من مضمونه لان الززيادة اللى حنزيدها حتبقى فى حدود 50 الى 80على الاكثر

[zizo-20099]

فى مشروع لتحويل المرتب الاساسى الى نسبة 60% بذلا من 20 % وان حدث هذا سيتغير المرتب شكلا وموضوعا

[ام رمزى]

لسة شايفة مرتب شهر يوليو لقيت الزيادة كلها 15 جنية

[ادكاوى]

كلام حضرتك صحيح - بس هيطبق فى موازنة 2019/2020
وده موجود على صفحة وزارة المالية