حاسبات ومعلومات - هندسه قسم حاسبات

[Y O U N G]

السلام عليكم ..


انا طالب علمي ريآضه جبت السنه دي 94 % .. فيه احتمال كبير ان شاء الله تجيلي هندسه
والسؤآل هنا
لو دخلت هندسه قسم حاسبات وعلي حسب اللي عرفته
هدرس 70 % هارد وير و30 % سوفت علي عكس حاسبات ومعلومات
وجيت وانا بدرس اخدت كورسات سوفت وير .. اتساوي بدراسه طالب حاسبات ؟
طبعا انا عاشق حاجه اسمها حاسبات والشركات زي ميكروسوفت
بس شايف هندسه احسن في النقابه والبكالريوس
وان خريج هندسه بيبقي احسن من خريج حاسبات في نظر الشغل الحكومي

[عزة شوقى محمد]

ما ده الى يحير بس انا كمان شايفه هندسه
حاسبات كليه جميله جدا و بالفعل مهمله
بس هندسه لها الصدارة

[Y O U N G]

يعني نخشها فشخره ونتوكل علي الله ؟

[a23hmed]

المشاركة الأصلية كتبت بواسطة Y O U N G

يعني نخشها فشخره ونتوكل علي الله ؟

ههههههههههههه, والله انا زيك كده, بس كتبت في التنسيق هندسة عشان عمي شغال في المصرية للإتصالات قالي إن هندسة يبقى اعلى من حاسبات في الشغل..

انا زيك في حوار نفسي اشتغل في Microsoft او Intel بس معتقدش في البلد دي :D

[Y O U N G]

خش في حضن اخوك :D
بس فيه حاجه ادتني امل
فيه واحد بكآلريوس تجآره .. اخد وكورسات سوفت
شغال IT Manager في منظمة الـFAW
ومعاه زمايله خريجين هندسة حاسبات .. احسن منه في المرتب وهم متثبتين وهو مش متثبت

لو دخلت هندسة حاسبات واتخرجت منها مهندس هاردوير واخد كورسات سوف فترة دراستك
هتبقي برنس
بقيت خريج هندسه ومعاك بكالريوس هندسه وتقدر تشتغل هاردوير او تشتغل سوفت وير :D

[a23hmed]

والله انا عندي ابويا عارض عليا يدخلني الجامعة الأمريكية بس انا ممانع عشان غالية اوي عليه, انت ايه رأيك؟

[Y O U N G]

لا انا ابويا كارهني اصلا :'d

[a23hmed]

هههههههههههههههه, انا بسألك لو عندك فكرة عنها اصلي محتار بصراحة.

[Y O U N G]

فيه قسم في هندسة عين شمس Credit
اسمه Software Engineering
بـ20k yearly

بيقولوا انه مش هيحتاج كورسات لما يتخرج وبيدرس احسن من طالب حاسبات ..

[a23hmed]

مانا لو هدخل هندسة, هدخل credit القاهرة إن شاء الله.
انت نويت على ايه؟

[Y O U N G]

لو دخلت قاهره او اي حته وعرفت احول قاهره هبقي اخش حاسبات باذن الله
وآخد كورسات سوفت
لو معرفتش احول قاهره هحول حاسبات ومعلومات قاهره ان شاء الله

[a23hmed]

ربنا معاك إن شاء الله